20
Vergilər Nazirliyinin xətti ilə büdcəyə cəlb ediləcək ümumi vəsaitin 40.2%-i
dolayısı vergilərin (33.3%-i ƏDV-nin və 6.9%-i aksizlərin), 49.0%-i gəlir
vergilərinin (29.0%-i mənfəət vergisi, 15.6%-i fiziki şəxslərin gəlir vergisi
və 4.4%-i sadələşdirilmiş verginin), 5.6%-i mülkiyyətdən vergilərin, qalan
5.1%-i isə digər gəlirlərin payına düşür. Bununla belə 2017-ci il dövlət
büdcəsinin vergi gəlirləri ilə bağlı aşağıdakı məqamlar diqqəti cəlb edir:
•
Vergilər Nazirliyinin xətti ilə dövlət büdcəsinə cəlb ediləcək vəsaitin artım
proqnozu real görünmür: 2016-cı ilin proqnozu ilə müqayisədə 2017-ci
ildə Vergilər Nazirliyinin dövlət büdcəsinə töhfəsinin 500.0 mln. manat
yaxud 6.6% artması proqnozlaşdırılır. 2016-cı ildə Vergilər Nazirliyinin
proqnoza 100.1% əməl etməsinə və 7015.2 mln. manat vəsait toplamasına
baxmayaraq, bu, 2015-ci ildə nazirliyin topladığı vəsaitdən 103.0 mln.
manat azdır. Eyni zamanda nazirlik 2015-ci ildə 2014-cü ildə olduğundan
cəmi 4.6 mln. manat çox vəsait toplaya bilmişdi. Baxmayaraq ki, 2015-
ci ilin sonunda manatın ikinci devalvasiyası və 2016-cı ildə manatın ABŞ
dollarına nisbətən məzənnəsinin 12%-ədək aşağı düşməsi ilə əlaqədar olaraq
ölkə bazarlarında məhsulların qiymətlərində xeyli artım müşahidə olunub
(inflayasiyanın rəsmi elan olunan səviyyəsi 12.4% olub). Bundan əlavə ötən
il dövlət büdcəsinin proqnozları neftin 1 barelinin qiymətinin 25 ABŞ dol-
ları olması əsasında işlənilməsinə rəğmən il ərzində Azərbaycan neftinin
dünya bazarında orta illik satış qiyməti 40 dollara yaxın olub, Vergilər
Nazirliyinin xətti ilə dövlət büdcəsinə cəlb edilən vəsaitin məbləği 2015-ci
ildə olduğundan 103.0 mln. manat yaxud 1.4% az olub. Belə bir vəziyyətdə
2017-ci ildə nazirliyin xətti ilə büdcəyə cəlb ediləcək vəsaitin 500.0 mln.
manat artacağı real görünmür. Hətta Vergi Məcəlləsində edilən və bu ilin
yanvarın 1-dən qüvvəyə minən dəyişikliklərin də bunu təmin edə biləcəyi
şübhə doğurur. Təsadüfi deyil ki, elə hökumət də bu 500.0 mln. manatlıq
artımın 300.0 mln. manatını büdcə layihəsi Milli Məclisin müzakirələrində
olarkən əlavə edib.
•
Nazirliyin xətti ilə toplanan vəsaitin proqnozlaşdırılan artımının əsasən 3
vergi növünün – ƏDV, mənfəət və fiziki şəxslərin gəlir vergisi - hesabına baş
verəcəyi gözlənilir ki, bu da ölkədə davam edən iqtisadi böhran şəraitində
real görünmür. 2016-cı ilin proqnozları ilə müqayisədə 2017-ci ildə Vergilər
Nazirliyi dövlət büdcəsinə hüquqi şəxslərin mənfəət vergisi üzrə 264.4
mln. manat, ƏDV üzrə 155.0 mln, fiziki şəxslərin gəlir vergisi üzrə 88.0
21
mln, sadələşdirilmiş vergi üzrə 44.0 mln, hüquqi şəxslərin əmlak vergisi
üzrə 3.8 mln, yol vergisi üzrə 2.0 mln, mədən vergisi üzrə 0.8 mln. manat,
ümumilikdə isə 558.0 mln. manat əlavə vəsait cəlb edəcəyi proqnozlaşdırılır.
2017-ci ildə Vergilər Nazirliyinin xətti ilə toplanan aksizlərin məbləğinin
14.0 mln, sair daxilolmaların isə 44.0 mln. manat azalması gözlənilir. Hüquqi
şəxslərin torpaq vergisi və dövlət rüsumları üzrə proqnozlar elə 2016-cı il
səviyyəsində saxlanılıb. Beləliklə, artımın əsas ağırlığı mənfəət vergisinin,
ƏDV-nin və fiziki şəxslərin gəlir vergisinin üzərinə düşür. Ölkədə davam
edən iqtisadi böhran üzündən son 2 ildə bir çox müəssisələrin fəaliyyətini
dayandırması və iş yerlərinin bağlanması baş verməkdədir. Belə bir durumda
hətta vergi inzibatçılığının artırılması və vergi hesablanması bazasının
təkmilləşdirilməsi hesabına fiziki şəxslərin gəlir vergisi və hüquqi şəxslərin
mənfəət vergisi üzrə belə ciddi artımlara nail olunması ağlabatan deyil.
•
Sadələşdirilmiş vergi üzrə büdcə daxilolmalarının artımı bu vergi üzrə ver-
gitutma bazasının genişləndirilməsi ilə bağlıdır. 2017-ci ildə sadələşdirilmiş
vergi üzrə büdcəyə daxilolmalar 344.0 mln. manat proqnozlaşdırılır ki, bu
da 2016-cı ilin proqnozundan 44.0 mln. manat yaxud 14.7%, 2015-ci ildə
qeydə alınan faktiki məbləğdən 176.0 mln. manat və ya 2 dəfə çox demək-
dir. Bu tədiyə növü üzrə daxilolmaların belə sürətli artımı 2017-ci ilin yan-
varın 1-dən Vergi Məcəlləsində edilən dəyişikliklər əsasında bu vergiyə cəlb
edilən vergi ödəyicilərinin siyahısının genişləndirilməsi və bir sıra fəaliyyət
növləri üzrə aylıq sabit vergi məbləğinin tətbiqi ilə izah olunur;
•
Aksiz vergisi üzrə daxilolmaların azalması hökumətin qəbul etdiyi son
qərarlar baxımından ziddiyyətli görünür. Vergi Məcəlləsində edilən dəyişik-
liklərə əsasən aksiz vergisinə cəlb olunan mallaırn siyahısının genişləndir-
ilməsinə və bəzi mallar üzrə aksiz dərəcələrinin artırılmasına, habelə spirtli
içkilərin və tütün məhsullarının satışı qaydalarında həyata keçirilən dəy-
işikliklərə (dəyişikliklər bu məhsulların satışında olan gizli dövriyyənin
aradan qaldırılmasına və leqallaşdırılmasına yönəlikdir) baxmayaraq,
2017-ci ildə Vergilər Nazirliyinin xətti ilə büdcəyə aksiz daxilolmalarının
14 mln. manat (habelə DGK-nın xətti ilə olan aksizlərin isə 15 mln. manat)
azalması proqnozlaşdırılır. Amma nədənsə hökumət bu azalmanın dəqiq
izahını verməyib;
•
Hüquqi şəxslərin torpaq vergisi üzrə büdcəyə daxilolmaların məbləğinin
dəyişməməsi hökumətin müvafiq siyasəti ilə ziddiyyət təşkil edir. Belə
ki, büdcə-vergi siyasətinin əsas istiqamətlərində “dövlət torpaqlarının