62
Torpaqların şoranlaşması
Əsas ekoloji problemlərdən biri də kənd təsərrüfatı üçün yararlı olan torpaqların şoranlaşması,
torpaqların tədricən sıradan çıxmasıdır. Suvarılan əkin sahələrinin təqribən 47 faizi müxtəlif dərəcədə
şoranlaşmışdır. Bu səbəbdən 657 min hektar sahədə meliorativ tədbirlərin aparılmasına ehtiyac vardır.
1 milyon hektar torpaq sahəsinin 600 min hektarı şoranlaşıb, 400 min hektara yaxın torpaq isə
şorakətləşmişdir. Şoranlaşma ən çox ölkə ərazisində Qazax, Hacıqabul, Kürdəmir, Zərdab, Ucar,
Yevlax, Beyləqan rayonlarında müşahidə edilir.
Xəzər dənizinin suyunun səviyyəsinin qalxması Xəzəryanı bölgələrin torpaqlarının xeyli hissəsinin su
altında qalması və ətraf sahələrdə qrunt sularının səviyyəsinin qalxması ilə əlaqədar bataqlaşma
proseslərinin sürətlənməsinə (Astara, Lənkəran, Masallı, Neftçala, Siyəzən, Dəvəçi, Xaçmaz
rayonlarında), Kür çayının səviyyəsinin qalxması isə Zərdab, Kürdəmir, Sabirabad, Salyan və Neftçala
rayonlarında təkrar şorlaşma və kollektor-drenaj şəbəkəsinin sıradan çıxması ilə nəticələnmişdir.
Kür – Araz ovalığında müxtəlif dərəcədə şorlaşmış torpaqlardan ibarətdir. Əsaslı meliorativ tədbirlər
tətbiq etmədən həmin torpaqlardan səmərəli istifadə etmək, burada əkilmiş kənd təsərrüfatı
bitkilərindən sabit və yüksək məhsul götürmək olmaz. Meliorativ tədbirlər isə şoran torpaqlar üçün
drenaj şəbəkəsinin tikilməsindən və torpağın zərərli duzlardan təmizlənməsindən ibarətdir, torpaqların
yuyulması intensivliyi onların bir çox xüsusiyyətlərindən asılıdır. Sənayenin inkişaf etdiyi ərazilərdə,
xüsusilə Abşeron, Gəncə – Daşkəsən və hasilat rayonlarında torpaqlar xeyli çirklənmişdir. Bu
zonalarda rekultivasiyaya güclü ehtiyac vardır. Abşeronun bəzi hissəsində neftlə çirklənmiş torpaqların
az bir hissəsində rekultivasiya işi aparılmışdır.
Torpaqların çirklənməsi
Mineral ehtiyatların istismarı, xüsusən neft istehsalı və boru kəmərlərinin çəkilməsi təqribən 30 min ha
torpağın çirklənməsində əsaslı rol oynamışdır. Torpağın deqradasiyası problemində ən kəskin vəziyyət
Abşeron yarımadasındadır. Belə ki, uzun illər ətraf mühitin mühafizəsi nəzərə alınmadan müəyyən
dövrlərdə mədənlərdən neftin hasil edilməsi ilə əlaqədar mazut gölləri yaranmış, 10 min ha torpaq
sahəsi neftlə çirklənmişdir.
Nəzərə alsaq ki, Azərbaycan Respublikasının ərazisinin 20 faizi erməni işğalına məruz qalmışdır və
işğal olunmuş torpaqlardan vəhşicəsinə istifadə, meşələrin dağıdılması və sair qeyri-qanuni istismar
edilməsi gələcəkdə daha da böyük ekoloji fəlakətlərin olacağını istisna etmir.
6.5.2. “Strategiya” çərçivəsində torpağa təsirlərin qiymətləndirilməsi
Ənənəvi enerji mənbələri ilə müqayisədə su, günəş, külək, geotermal sulardan və bioqazdan enerji
mənbəyi kimi istifadə edilməsinin istismar mərhələsində torpağa yumşaldılma və qabaqcıl tədbirlərin
görülməsi şərtilə ciddi təsirləri gözlənilmir. Hər bir Strategiya hədəfi üzrə müvafiq tədbirlərin
görülməsi zəruri olan, bu və ya digər dərəcədə torpaq-bitki sisteminə xüsusilə layihələndirmə və
istismar müddətində mənfi təsir göstərə biləcək amillər aşağıda sadalanmış və təsvir edilmişdir.
63
GES
Strategiya üzrə günəş panelləri bütün iqtisadi rayonların ərazisində nəzərdə tutulmuşdur. Bu baxımdan
yuxarıda qeyd olunan baza təhlillərinə əsaslanaraq, Azərbaycan ərazisində yayılmış müvafiq torpağın
iqtisadi rayonlar üzrə fiziki xassələri və mövcud problemləri nəzərə alınaraq, təsirlər ümumi
qiymətləndirilmişdir.
Günəş enerjisi üçün lazım olan qurğular və binaların inşası üçün yaxşı keyfiyyətə malik olan böyük
ərazilər tələb oluna bilər. Bununla yanaşı Günəş enerji istehsalı üçün avadanlıqların quraşdırılması və
tikinti işləri zamanı yer səthinin bitki örtüyünün təmizlənməsini və üst münbit qatın çıxarılması
gözlənilir.
Azərbaycanda torpaq ehtiyatlarının az olması nəzərə alınaraq, alternativ enerjinin əldə edilməsi
məqsədiylə GES-in kənd təsərrüfatı təyinatlı torpaqlarda, böyük sahə tələb edən meşə torpaqları və
münbit sahələrdə (eləcə də kənd təsərrüfatı torpaqlarında) istifadəsindən yayınmaq, qurğuların şərti
yararsız torpaq sahələrində, məsələn, tərk edilmiş mədən sahələri, istifadədə olan mövcud istismardan
çıxmış sahələr, aşağı keyfiyyətli torpaq sahələrində yaradılması təklif edilmişdir.
Digər tərəfdən, Günəş panellərinin yuyulması zamanı kimyəvi yuyucu vasitələrdən istifadə torpağın
çirklənməsinə səbəb ola bilər. Quru təmizləmə metodundan istifadə və ya zərərli kimyəvi yuyucu
vasitələrin istifadəsindən yayınmaq, tullantı sularının idarəolunmasını təmin etmək yumşaldılma
tədbirləri olaraq müəyyən edilmişdir.
Günəş qurğuların qurulmasında dağlıq bölgələrdə torpaq bitki örtüyündən məhrum
olmuş yerlər və çox
müxtəlif mailliyə malik cənuba baxan yamaclarda, xüsusilə çılpaq qayalıqlar, səthə çıxmış gilli duzlu
suxurlar, şiddətli denudasiyalı yerlərin seçimi də məqsədəuyğundur. Belə yerlər Böyük Qafqaz
dağlarının cənub-şərq yamacında daha çox yayılmışdır. Torpaq –bitki örtüyü zəif inkişaf etmiş və bu
kimi örtüklərdən məhrum olmuş sahələr düzən Aran zonada, xüsusən Cənubi-Şərqi Şirvanda, Siyəzən
– Sumqayıt massivində və Mərkəzi Şirvan düzündə də yayılmışdır. Burada xüsusi olaraq, landşafta
vizual təsirlərin azaldılması tədbirlərinin nəzərə alınması zəruridir.
KES
Külək enerjisindən istifadə layihələndirmə mərhələsində ağır texnika və avadanlıqların hərəkəti
zamanı bitki örtüyünün məhv edilməsi, torpağın kipləşməsi ilə müşahidə oluna bilər. Bu təsirlər
tikinti-quraşdırma mərhələsində olmaqla, yumşaldılma potensiallı və orta əhəmiyyətli hesab edilir.
Layihələndirmə mərhələsində torpağın üst münbit qatının mühafizəsinin nəzərdə tutulması və yerli
təbii mühit xüsusiyyətləri nəzərə alınaraq, yumşaldılma tədbirlərinin hazırlanması məqəsəduyğun
hesab edilmişdir.
KSES
Su elektrik stansiyaları vasitəsi ilə enerji alındığı zaman torpağa dolayı mənfi təsir formalaşa bilər. Bu
da kənd təsərrüfatında istifadəyə yararlı təsərrüfat yerlərinin müəyyən qisminin suyun altında qalması
və aramsız istiləşmə dövründə çayların aşağı axınlarında bir qədər su qıtlığının və torpaqların zəif su
təminatının yaranması ilə əlaqədar gözlənilir. Buna baxmayaraq, su resurslarının səmərəli
idarəetməsinin təşkili ilə, dağınıq məcralarda yaradılan KSES-lər alternativ enerji ilə yanaşı, suvarma