_______________________________
1
Umumiy psixologiya (A.V. Petrovskiy tahr.). Toshkent, 1992, 148-bet
37
qobiliyatida nomoyon bo‘ladi.. Xuddi shuning singari nerv sistemasidagi
qobiliyatida nomoyon bo‘ladi.. Xuddi shuning singari nerv sistemasidagi
muvozanat nerv sistemasining qo‘zg‘alish va tormozlanish jarayonlarining kuch
darajasini baravar tutib tura bilishda ko‘rinadi. Qo‘zg‘alish va tormozlanish
jarayonlari baravar darajada kuchli yoki kuchsiz bo‘lganda, nerv sistemasida
muvozanat bo‘ladi. Agar qo‘zg‘alish yoki tormozlanish jarayonlaridan biri
kuchliroq. yoki kuchsizroq bo‘lsa, nerv sistemasida muvozanat bo‘lmaydi.
Nerv sistemasining ildamligi miya po‘stining biror qismidagi qo‘zg‘alishning
tormozlanishi yoki qo‘g‘kalish bilan naqadar engil almashinishidan iboratdir.
SHunday qilib, shaxsdtgi xatti-xarakatlarning, imo-ishoralarning aniq va
ravshanligi, hissiy xolatlarning qo‘zg‘alish kuchi, barqaror va beqarorligida
namoyon bo‘ladigan individual sifat temperament yoki mijoz deb aytiladi.
Temperament tiplarining xarakteristikasi quyidagilardan iborat;
1. Xolerik temperament. Bu temperamentdagi kishi biror narsaga qattiq
kirishadi. Uning faoliyati, kuchi, g‘ayrati oshib ketadi. Arzimagan to‘sqinlikdan
kuchli g‘azablanadi. Natijada ruxi, g‘ururi. rashki, qasos olish kayfiyati, izzat-nafsi
oxirgi chegarasiga borib etadi. U kam, o‘ylab, tez ishga kirishadi, o‘zini hamma
vaqt xaqli deb xisoblaydi va o‘z bilganidan qolmaydi, yo‘l qo‘ygan xatolarini
bo‘yniga olishi juda qiyin. Uning intilishlari, qiziqishlari barqaror. o‘z qarorlarida
qat’iy va mustaxkam, emotsional xolatlarining almashinishi juda sekin.
2. Sangvinik temperament. Bu temperamentdagi kishilarda xuzur-xalovat
ko‘rishga intilish kuchli, hissiyot tez qo‘zg‘aladi, lekin uzoqqa cho‘zilmaydi. U
o‘zining ko‘ngliga yoqqanini qiladi, boshqalar bilan tezda do‘stlashadi, ammo
mayli tez o‘zgaradi, jaxli tez chiqadi va tez qaytadi. Bu temperamentdagi shaxs
va’da beradi-yu, bajarishni unutib qo‘yadi. Sangvinik har narsaga tez ishonaveradi,
reja tuzadi, lekin undan tezda voz kechadi. Unga tasalli , berish oson, u ochiq,
shirin so‘z. raxmdil, ulfatchilikni sevadigan, nafsoniyatni bilmaydigan shaxs.
Sangvinik temperamentdagi shaxsni intizomga chaqirish oson, u diqqatini tez
to‘playdi. aqli tez ishlaydi, topqir. Xarakatlari, hissiyotlari, kayfiyat va.qiziqishlari
barqaror, malakalarni tez o‘zlashtiradi, darslarda tez-tez qo‘l ko‘taradi.
38
3. Melanxolik temperamet. Bu temperametdagi shaxslar g‘am-g‘ussaga juda
moyil bo‘ladilar ular oson hayajonlanadilar. Ulardagi noxush xolat yoqimli
hislarga nisbatan tez-tez sirtga tepadi va uzoq davom etadi.
Melanxoliklar arzimagan narsaga xafa bo‘ladilar. Ularning hayotida
uchraydigan to‘siqlar umidsiz, g‘ayratsiz, qiyinchiliklaridan qutilishga noqobil
qilib qo‘yadi, g‘am-g‘ussalari bosilmaydigan, g‘amginlik alomatlari kuchli bo‘ladi.
Melanxolik tipdagi shaxslar nihoyatda arazchan bo‘ladi. Ular samimiy bo‘lib,
sekin yig‘lab oz kuladilar, o‘zlariga ishonmaydilar, darsda kam qo‘l ko‘taradilar,
ularning diqqati tez chalg‘iydi va beqaror bo‘ladi.
4. Flegmatik temperament. Bu temperamentdagi shaxs hissiyotga tez
berilmaydi.Bu temperamentdagi shaxslar bosiq bo‘lib, o‘zini bemalol tuta oladi va
buning
uchun
hech
qanday
jismoniy
kuch
sarflamaydi.
Flegmatik
temperamentdagi shaxslar jo‘shqin va chuqur hissiyot ta’siriga berilmaydilar. O‘z
faoliyatlari uchun darhol qaror qabul qila olmaydilar. Ular og‘ir, arz-holini hadeb
aytavermaydilar, azob-uqubatlarni sekin o‘tkazadigan, boshqalarning azob
uqubatlariga parvo qilmaydigan bo‘ladilar.
Parda Tursunning "O‘qituvchi" romanidagi Alimqul obrazi flegmatik tipning
yaqqol timsoli bo‘la oladi. Sotvoldining dushmanlar tomonidan vaxshiyona
o‘ldirilishi uning qarindosh-urug‘larida dushmanlarga nisbatan kuchli g‘azab,
nafrat uyg‘otadi, bazilarida oh-faryod xolatlarini vujudga keltiradi. Alimqulda bu
xolat sabr-toqat, ich-ichidan alamzada bo‘lish tarzida o‘tadi. Unda sabr-toqatlilik
yuragi kenglik, yuvoshlik, mo‘minlik, jaxli chikqqani ham, xafahollik kuchi ham
sezilmaydi. Alimqul birovdan nolimaydi, shikoyat qilmaydi, kamgap, barchaga
baravar munosabatlari bilan o‘zini namoyon etadi.
Flegmatik temperamentdagi shaxslar o‘z istaklarini hamisha biladilar,
birovlarning ishiga aralashmaydilar, ularga yalqovlik, xafsalasizlik, beg‘amlik,
xunoblik, anqovlik kabi xislatlar xosdir. Flegmatiklarni kuldirish, jaxlini chiqarish,
kayfiyatini buzish juda qiyin:
Flegmatiklar o‘z diqqatlarini bir nuqtaga sekin to‘playdilar va qiyin
ko‘chiradilar. Ular yangi sharoitga sekin moslashadilar va o‘z malaka va odatlarini
39
sekin o‘zlashtiradilar, yangi odatlarni sekin o‘zlashtiradilar va tashqi ta’sirotlarga
sekin javob qaytaradilar.
SHuni ham ta’kidlash kerakki, doimiy va o‘zgarmas temperament, shuningdek
yaxshi va yomon temperament ham yo‘q. Muhitga, sharoitga, ta’lim va tarbiyaga
qarab temperament tipi ham o‘zgaradi. Masalan, buyuk masalchi I.A.Krilov va
sarkarda M.I.Kutuzov flegmatik temperamentli shaxslar, shoir V.A.Jukovskiy,
kompozitor
TT.I.CHaykovskiy,
yozuvchi
N.V.Gogol
esa
melanxolik
temperamentdagi shaxslar bo‘lganlar.
Psixologik tadqiqotlar natijasiga ko‘ra, ana shu temperament turlari sof holda,
ya’ni sof xolerik, sof sangvinik, sof melanxolik va sof flegmatik tarzda bo‘lmaydi.
Aksariyat odamlar aralashgan temperament turiga ega bo‘ladilar. Odamda qaysi
xildagi temperamentning xususiyatlari ko‘proq namoyon bo‘lsa, shunga qarab uni
u yoki bu tipga mansub deb aytamiz. Masalan, serg‘ayrat, serharakat, tinib-
tinchimas, hamma narsa bilan qiziqadigan shaxsni flegmatik temperamentdagi
odam deb xisoblanadi.
Har bir temperament tipining ijobiy va salbiy tomonlari bor. YAxshi tip
hisoblangan xolerik shaxsning salbiy tomoni shundaki, unda tormozlanish jarayoni
sust bo‘ladi, xolerik ba’zi xollarda nojo‘ya xarakatlardan o‘zini tiya olmaydi.
Xolerik tipidagi shaxsning ijobiy xislatlari uning g‘ayrati, qat’iyligi, xarakatlar
tezligi, o‘tkir zehnligi bilan yuzaga keladi. Flegmatik tipdagi shaxsga xos salbiylik
shundaki, u juda sustkash va beparvo bo‘ladi. Flegmatikning ijobiy fazilatlari
uning aqliy sustligida, vazminligida namoyon bo‘ladi.
Xozirga sharoitda ta’lim va tarbiya jarayonida o‘quvchilarga individual
yondashish, ularning temperament tipini hisobga olish muhim ahamiyatga egadir.
Chunki, turli tipdagi temperamentli o‘quvchilar o‘quv va tarbiya ishlar jarayonida
o‘z-o‘zini tuta bilishga o‘rgatish, ularda bir me’yorda ishlash odatini doimiylik va
sistemalilik odatini tarkib toptirish pedagogik muvaffaqiyatning zarur shartlaridan
biridir.
Odamga tug‘ma ravishda beriladigan temperament xususiyatlari yoshning
ug‘ayishi bilan bog‘liq tarzda o‘zgaradi. Temperament tipi xususiyatlarining sifat
40
mazmuni isloh etilishida ijtimoiy muhit va ta’lim-tarbiya katta ta’sir ko‘rsatadi.
SHuning uchun har bir shaxsdagi temperament tipi sifatlarini o‘zgarishda, o‘sishda
dsb qarash maqsadga muvofikdir.
Ko‘rinib turibdiki, yuqoridagi to‘rt tipning har biri aloxida sifatlarga ega
bo‘lishi bilan birga ularda takror uchraydigan, turli situatsiyalarda tez o‘zgarishga
moyil xususiyatlar ham bor. SHunday ekan, tabiat toza, faqat bir tipgagina xos
bo‘lgan sifatlardan iborat temperament uchramaydi. Temperament aloxida olingan
har bir kishining umumiy va uning nerv sistemasining asosiy tavsifi bo‘lib, bu
tavsif shaxsning butun faoliyatiga tasir etadi.
Temperament tiplari psixologiyasini o‘rganishning dalolaticha, bir xil
temperamentdagi odamlar ham xilma-xil bo‘ladilar Ma’lumki, har bir kishi
takrorlanmas shaxs hisoblanadi. Shuning uchun uni yuqoridagi temperament
tiplaridan biriga kiritish hamisha ham to‘g‘ri bulavermaydi. Ikkinchidan, ayrim
odamlarning shaxsi birgina tipdan tashqari ikki va undan ham ko‘proq tipning
belgilariga ega bo‘ladi. SHunga muvofiq shaxsda xolerik va sangvinik, melanxolik
va flegmatik tiplar xususiyatlari aralash tarzda uchraydi.
Yana bir muhim masala shuki, bir temperament tipini yaxshi, boshqasini yomon
deyish ilmiy jixatdan to‘g‘ri emas
1
. Yuqorida ta’kidlaganimizdek, har bir
temperament tipining o‘ziga xos ijobiy va salbiy sifatlari bor.
SHunday qilib, temperament sifati shaxsning ko‘zga yaqqol tashlanib turadigan
individual psixologik xususiyati bo‘lib, har bir odamning qaysi temperament tipiga
mansubligini aniqlashning juda katta ahamiyati bor. Birinchidan, temperament
tipini bilish shaxslararo munosabatlarda ijobiy rol o‘ynaydi. Ikkinchidan, yosh
avlod ta’limi va tarbiyasini davr talabi asosida tashkil etish muvaffaqiyatga
erishuv garovi bo‘lib xizmat qiladi.
Dostları ilə paylaş: |