64
yerli hakimlərə bildirir: "Mən sizə göstərərəm! Sizin lə işimi bitirən kimi Cahan
Pəhləvana qarşı çıxacağam!"
Hic ri 579-cu il cu mad əvvəl ayında (20.08.-20.11.1183) İzzəddin I Məsud
Öz naibi - ölkənin həqiqi hakimi Mücahidəddin Qay mazı həbs etdirir, ancaq bu,
səhv hərəkət idi. Çünki vassal hakimlər Mücahidəddindən qorxur və Mosul
atabəylərinin xəzinəsinə vergini müntəzəm verirdilər. Mücahidəddin həbs
olunandan sonra isə verginin arası kəsilir. Ölkədə iğtişaş baş verir. Bundan istifadə
edən xəlifə ən-Nasir Dakuku işğal edir. Səlahəddin isə İzzəddin I Məsudun keçmiş
vassalları arasında özünə müttəfıq lər tapır.
Mücahidəddin Qaymaz hicri 580-ci ilin məhərrəm ay ında (14.04.-
13.05.1184) Cahan Pəhləvanın havadarlığ ı sayəsində həbsdən azad olunur. Bundan
sonra o, Səlahəddinə qarşı yardım üçün Cahan Pəhləvan, eləcə də Qızıl Arslanın
yanına gedir. Əvvəlcə, onu Azərbaycanın hakimi Qızıl Arslan qəbul edir və
qardaşının yanına buraxmayaraq deyir: "Onun verəcəyi hər şeyi sən məndən ala
bilərsən!" Qızıl Arslan ona 3000 atlı qoşur və Mücahidəddin hakimi Mosul
atabəyindən üz döndərmiş İrbili mühasirəyə alır. Irbilə gedən yol boyu Qızıl
Arslanın atlıları yaşayış məntəqələrini v iran qoyur, əhalini qarət ed ir, qadınları
zorlayır. Mücahidəddin isə bunun qarşısını ala bilmird i. İrb ilin hakimi Zeynəddin
Yusif qoşun dəstəsinin üzərinə hücum çəkib, onu darmadağın ed ir
1
.
581-c i il rəbiəs-sani ayının 9-da (08.07.1185) Cahan Pəhləvanın vassalı,
Xilatm hakimi Şah-ərman Nəsirəddin Məhəmməd ibn İbrahim II Sö kmən ölür.
Bunu eşidən Səlahəddin Yusif rəbiəs-sani ayının 20-də (19.07.1185) Xilatı tutmaq
üçün qoşun göndərir. Mərhu m Şah-ərmanın varisi olmad ığı üçün Xilatı onun
məmlü kü Seyfəddin Bəy -Tey mur əlinə keçirir. Mərhu m Şah-ərmanın vəziri
Məcdəddin ibn əl-Müvəffəq başda olmaqla Xilatın əyanları - məmlükün rəqibləri
Səlahəddinə müraciətlə Xilatı Bəy-Tey murdan geri almasını xahiş edirlər. Bir
qədər sonra Səlahəddinin qoşun dəstəsi Xilata yaxınlaşır və ət-Tavana kəndi
yaxınlığında məskən salır. Bu radan kəşfiyyat məqsədi ilə fəqih İsa Xilata
göndərilir. Vəzir ona bildirir: "Seyfəddin Bəy-Tey mur və Pəhləvanın qızı -
[mərhu m] Şah -ərman ın arvadı Xilat qalasındadırlar, bəlkə Pəhləvan da buraya
gəldi". Fəq ih heç bir nəticə əldə etmədən geri qayıdır.
Tezliklə atabəy Cahan Pəhləvan "Azərbaycan, Həmədan və Şərq" qoşunları
ilə Xilata gəlir. Xilatın şərq cinahında məskən salaraq, Səlahəddin Yusifin yanına
elçi göndərib bildirir: "Bu ölkə mənim qızıma mənsubdur və o, hazırda qaladadır.
Mənim məsləhətim budur: qoy aramızda olan dostluq münasibəti əvvəlki kimi
qalsın və davam etdirilsin". Bundan sonra Səlahəddin əl-Cə zirəyə, Pəh ləvan isə öz
1
İbn əl-Əsir, IX, səh.163-165; yenə də onun: "Atabəylər", səh.183-184; İbn Xaldun, V, səh.581.
65
ölkəsinə qayıdırlar. Seyfəddin Bəy-Tey mur ona pul və hədiyyə gətirir və Xilatda
Cahan Pəhləvanın adı ilə xütbə o xunmağa başlanır"
1
.
Səlahəddin Yusif və Cahan Pəh ləvan hələ Xilat hasarların ın yaxınlığında
yerləşdiyi vaxt Səlahəddin Atabəyə müraciətlə xahiş edir ki, "Qəzvin, Bistam və
Dəmqan vilayətlərində olan is maililərin qalalarını mühasirəyə alıb tutmaq üçün"
onun qoşunlarının Atabəylər dövləti ərazisindən keçməsinə icazə vers in. "Atabəy
bir qədər fikirləşdikdən sonra ona rədd cavabı verir və ehtiyatla tərpənərək
Səlahəddinlə müharibəyə hazırlaşır. Lakin iş bu yerə gəlib çatmır"
2
.
Bu hadisələr zamanı atabəy Cahan Pəhləvanın "qarn ından ağrı" tutur.
Atabəy əmr edir ki, onu tikdirdiy i Təbərək qalasına, ailəsinin yanına apars ınlar.
İraq təbiblərin in bütün səylərinə baxmayaraq, onlar Atabəyi ölü m yatağından
qaldıra bilməd ilər. Hicri 581-ci il zilhiccə ayın ın sonunda (23.02.-23.03.1186-cı il)
"İslamın padşahı, qüdrətli hökmdar, dahi atabəy, Əcəmin xaqanı Şəms əd-Dünya
vəd-Din Nüs-rət əl-İslam va-1-müslimin Əbu Cəfər Məhəmməd Cahan Pəhləvan
ibn İl-dəniz İl-şah vəfat etdi"
3
.
Atabəyin müasiri İbn əl-Əsir Cahan Pəhləvan haqqında bir qayda olaraq
(ənənəyə müvafıq) müsbət xasiyyətnamə verir:
"O İraq ın, A zərbaycanın, Arranın, əl-Cibəlin, Rey in, İsfahanın Həmədanın
və başqa vilayətlərin hakimi id i. O, xoş xasiyyətli insan, ədalətli, müdrik və səbirli
hakim id i. Onun hakimiyyəti illərində [tabeliy ində olan] ölkələr əmin -aman lıq,
təbəələri isə dinclik şəraitində yaşayırdılar"
4
. Başqa bir mənbə Atabəyin hədsiz
qəddarlığını qeyd edir
5
. Eyni zamanda məlu mdur ki, o, misilsiz miras qoymuşdur:
onun 5000-dən art ıq şəxsi mə mlükü və 70 min atı, qatırı və dəvəsi var idi
6
.
Cahan Pəhləvan mütləq hakim id i: o, zah irdə də olsa, azyaşlı sultan III
Toğrul ilə hesablaşmır, Səlcuq sülaləsinin sonuncu nümayəndəsinin nüfuzunun
qayğısına belə qalmırdı. Görünür, Atabəy atasının başladığı siyasətdən - tənəzzülə
uğrayan sülalənin müdafiəsi siyasətindən istifadə etmək tərəfdarı olmamış, ancaq
onu devirmək üçün də heç bir səy göstərməmişdir. Cahan Pəhləvanın
hakimiyyətinin əsas yekunu Eldənizlər dövlətinin xarici siyasət mövqeyinin
gələcəkdə daha da möhkəmləndirilməsindən ibarət olmuşdur. Lakin Atabəyin
hakimiyyətinin son dövrlərində vilayətlərin daxili vəziyyəti mü rəkkəb idi. Sonralar
1
Sibt ibn əl-Cövzi, VIII/I, səh.384; İbn əl-Əsir, IX, səh. 168-169; İbn əl-İbri, səh.220; Bar Ebrey,
II, səh.436; İbn Xəllikan, III, səh.359-360; Vardan, səh.163; İbn əl-Vardi, II, səh.134; Rəşid əl-
Cəmili, səh.157; V.Minorsky, Studies, p.48.
2
Ravəndi, səh.312; müəllifi naməlum "Oğuznamə", səh.73.
3
İbn Xəllikan, III, səh.361; Bütün başqa müəlliflər Atabəyin ölüm tarixini hicri 582 -ci ilin əvvəli
hesab edir. Bu, 1186-cı ilin mart -aprel aylarına müvafıq gəlir.
4
İbn əl-Əsir, IX, səh.173; İbn əl-İbri, səh.220. Арабский аноним . D-173,vər.673b; Əbül-Fida, IV,
səh.72, İbn Xaldun, V, səh.160.
5
Sibt ibn əl-Cözvi, VIII/1, səh.391.
6
Yenə orada, səh.391-392; İbn əl-Hənbali, IV, səh.296.
Dostları ilə paylaş: |