28
Onun diametri 1,5 sm, sancağın uzunluğu isə 3,8 sm-dir. Sancaq XV əsrin ortalarına aid edilir (XV tablo, 2).
Yuxarıda qeyd etdiyimiz kimi orta əsr Bakı zərgərlərinin hazırladıqları əşyalar qiymətli daşlarla bəzədilmişdir.
Bütün bunlar isə zərgərlik sənətinin yüksək inkişafına dəlalət edir.
Bakıda qədim müsəlman qəbiristanlığından tapılan bir qızıl sancaq və dörd ədəd sancağın gümüşdən
başlığı xüsusilə diqqətə layiqdir.
165
Tapıntı haqqındakı hesabatda bu bəzəklərin yalnız adları çəkilir, haqqında
məlumat verilmir. Lakin əsərdə qızıl sancağın rəsminin olması onun haqqında müəyyən fikir söyləmək imkanı
yaradır. Xüsusi formaya malik bu qızıl sancaq həqiqətən əsl insəsənət əsəridir. Onun qızıl başlığının üzəri çox
nəfis şəkildə şəbəkə formasında hazırlanmışdır (XV tablo, I). Şəkildən göründüyü kimi, qızıl məftillə hörülən
bu hissənin dörd tərəfi tacvarı şəkildə qabarıqdır. Sancağın baş hissəsində 0,5 sm uzunluğunda çıxıntı vardır.
Onun zərif işlənilmiş başlığı 2,5, sancağın tiyəsi isə 4,5 sm-dir. Məlum olduğu kimi, qəbir materialları XII —
XIII əsrlərə aid edilir.
166
Bakı sancaqlarının oxşarlarına isə hələlik təsadüf olunmamışdır.
Toqqa və toqqa bəzəkləri. Metal əşyaların bir hissəsi də kəmər bəzəklərindən ibarətdir. Arxeoloji
qazıntılar nəticəsində onlardan yalnız bir neçəsi tapılmışdır. Bəzəklərdən ikisi lent formalı mis təbəqədəndir.
Birinin yanlarında kəmərə bənd edilmək üçün qarmaqları vardır. Onun əks tərəfində üç yerdə simmetrik
dairələrdən ibarət naxış çəkilmişdir.
Lentvarı formalı digər bəzək isə əvvəlkinə nisbətən ensizdir. Onun hər iki tərəfi qırılmışdır. Üzərində
paralel xətlər arasında uzadılmış dairələr və onları bir-birindən ayıran qoşa nöqtələr təsvir edilmişdir (XV tablo,
3). Misdən olan bu kəmər bəzəkləri döymə üsulu ilə düzəldilmiş və üzəri zərb vasitəsilə naxışlanmışdır (XV
tablo, 4).
Toqqa bəzəklərinin iki ədədi isə müxtəlif formadadır. Biri üç yarpaqlı çiçək şəklində olub arasında deşik
açılmışdır. Onun üzərində çiv və ya ox ucuna oxşar naxış vardır. Təbəqə misdən döymə üsulu ilə hazırlanmışdır.
Şübhəsiz, bu bəzək də kəmərə bənd edilmək üçün düzəldilmişdir (XV tablo, 5).
Şəbəkə formasında naxışlanmış başqa kiçik bəzək tuncdan tökmə üsulu ilə hazırlanmışdır. Onun bir tərəfi
qırılmışdır. Çox güman ki, bu bəzək rombvarı formada olmuşdur (XV tablo, 6).
Yuxarıda qeyd etdiyimiz qədim qəbir materialları içərisindən misdən iki ədəd kəmər qadağı (toqqa başı)
da tapılmışdır
167
. Əlimizdə əlavə məlumat olmadığından onların quruluşu haqqında təsəvvür yaratmaq mümkün
deyildir.
Arxeoloji qazıntılardan bir neçə ədəd kəmər başlığı da tapılmışdır. Onların dörd ədədi ikigözlüdür. Üç
ədədinin bağlanmaq üçün olan dilçəyi düşmüş (XV tablo, 7—9), birininki isə paslanaraq üstünə yapışmışdır
(XV tablo, 10). Eyni formalı olan bu dörd toqqa başlığının üç tərəfi çıxıntılı düzəldilmişdir. Onlar mis məftildən
döymə üsulu ilə hazırlanmışdır. Bəhs etdiyimiz toqqaların oxşarı Beyləqandan məlumdur.
168
Bu toqqalar XII —
XIV əsr materialları ilə birlikdə tapılmışdır.
1966-cı ildə əldə edilən toqqa başlığı əvvəlkilərdən fərqlənir. Üçbucağı xatırladan bu toqqanın kəmərə
bərkitmək üçün qarmağı vardır. Həmin toqqa IX — X əsrlərə aid saxsı məmulatı ilə birlikdə aşkar olunmuşdur
(XV tablo, 11).
Bakıdan tapılan bədii incəsənət əşyaları içərisində ilk dəfə təsadüf edilən fantastik balıq fiquru diqqəti
cəlb edir. 1964-cü ildə İçərişəhərdə Qız qalasının şimalındakı qazıntılar zamanı aşkar edilən bu balıq orijinal
formaya malikdir.
169
Onun üzəri başdan-başa sədəflə örtülmüşdür. Quyruğu halqavarı şəkildə qatlanaraq belinə
birləşdirilmişdir. Balığın gözləri düyməcik kimi qabarıq formada, qulaqları isə çıxıntı şəklində verilmişdir.
Fiqurun ağzı açıq şəkildə təsvir olunmuşdur. Balıq fiqurunun ümumi uzunluğu 8,2, hündürlüyü isə 4,5 sm-dir.
Fiqur tuncdan tökmə üsulu ilə hazırlanmışdır. Spektral analiz onun tərkibinin 84,75% mis, 8% sink, 4%
qurğuşun, 1,02% qalay, 1% arsen, 0,8% dəmir, 0,3% nikel, 0,07% sürmə və gümüş, 0,83% bismutdan ibarət
olduğunu müəyyənləşdirmişdir
170
(XVI tablo, 1).
Misdən yüksək səviyyədə tökülmüş bu incəsənət nümunəsi dövrün sənətkardığını qiymətləndirmək və
onun bədii əhəmiyyətini qeyd etmək cəhətdən xüsusi maraq doğurur.
Bu formada balıq fiquru hələlik bizə məlum deyildir. Lakin tədqiqat dövründə Bakının maddi mədəniyyət
materialları üzərində çoxlu balıq rəsmlərinə təsadüf olunur. Bu da yəqin ki, Bakının dəniz sahilində yerləşməsi
ilə əlaqədardır.
Balıq fiquru, balıq rəsmləri və qazıntılar zamanı tez-tez rast gəldiyimiz balıq sümükləri şəhər əhalisinin
başqa sənət və təsərrüfat sahələri ilə bərabər balıqçılıqla da geniş məşğul olduğunu göstərən faktlardır.
165
Bartold V. V. Göstərilən əsəri, s. 119.
166
Yenə orada, s. 118.
167
Bartold V. V. Göstərilən əsəri. s. 119.
168
Якобсон А. Л. Раскопки, с. 144. Yenə onun. Археологические исследования на городише Орен-кала в 1957 г. МИА СССР, № 133, М.—Л.,
1965. с. 18, 9-сu şəkil «v».
169
İsmizadə Ö. Ş., Ciddi H. Ə. Bakı Qız qalası. Bakı, 1968.
170
Analiz Azərbaycan EA Tarix İnstitutunun arxeoloji-texnoloji laboratoriyasında, kimya elmləri doktoru İ. R. Səlimxanovun rəhbərliyi ilə aparılmışdır.