17
larının kök salması istiqamətində çalışan ziyalılar
sırasında Asan Səbrinin də adını xüsusi vurğulayaraq
yazır: “1905-ci ilə qədər hər bir hərəkəti sadəcə rus-
ların öz işi kimi görən və bu işə qarışmaqla, nəticədə
başlarına bəla açacaqlarını düşünən Krım tatarlarının
əksəriyyəti siyasətlə maraqlanmamışdı. İsmayıl Qas-
piralı və tələbələri olan Hasan Sabri Ayvazov, Mah-
mud Refat, İsmayıl Limanov, Osman Akçokraklı xal-
qı maarifləndirməyə və üsuli-cədid hərəkatını yay-
mağa çalışsalar da, yalnız 1905-ci ilə doğru Krım
tatarları arasında üsuli-cədid və rus-tatar məktəblə-
rində yetişən, ədəbiyyat və maarif məsələləri, habelə
digər intellektual məsələlərdə fəal olan bir qrup tə-
şəkkül tapmışdı”
1
.
İctimai-siyasi proseslərə fəal marağı nəticəsində
mətbuatla əməkdaşlığı da erkən yaşlarından başlan-
mışdı. Krım-tatar ədəbiyyatı tarixçisi İsmayıl Asan-
oğlu Kərimin yazdığına görə, ilk məqalələri təxminən
1897-1898-ci illərdə Qahirədə çıxan “Müvazene” və
“Türk” qəzetlərində dərc olunmuşdu
2
. İstanbuldan və
Alupkadan göndərdiyi məqalələr, müxbir məktubları
sonralar baş redaktoru səviyyəsinə yüksələcəyi “Tər-
cüman”da mütəmadi çap edilirdi. Həmin dövrdə artıq
türkçülük hərəkatının öncüllərindən biri kimi tanınan
azərbaycanlı fikir adamı Əli bəy Hüseynzadə ilə ilk
tanışlığının çox güman, Osmanlı imperiyasının pay-
taxtında baş tutduğunu ehtimal etmək mümkündür.
1
Hakan Kırımlı. Kırım Türklerində Milli Kimlik ve Milli Hareketler.
Ankara, 1996, s. 64.
2
İsmayıl Asan oğlu Kerim. Medeni esaslar. Simferopol, 1997, s. 11.
18
Onun ədəbi və ictimai-siyasi baxışlarının forma-
laşmasından danışarkən, Krım-tatar ədəbiyyatı tarixçi-
ləri bir qayda olaraq İsmayıl Qaspiralı ideyalarının və
1905-ci il inqilabının təsirini ön plana çəkirlər. Midhət
Paşa ilə birlikdə ilk türk konstitusiyasının müəllifləri
sırasında yer alan maarifçi Asan Nurinin (1857-1903)
qurduğu “Nicat” cəmiyyətində katib
1
, bir müddət son-
ra isə sədr kimi fəaliyyəti, yarımadada rus və tatar
dilində çıxan qəzetlərlə sıx əməkdaşlığı da təbii ki,
mətbuatla, ictimai həyatla geniş əlaqələrinin yaranma-
sına təsirsiz qalmamışdı. Heç şübhəsiz, digər müasir-
ləri kimi, Asan Səbri də tarixi vətən saydığı Osman-
lının cazibəsindən çıxa bilməmişdi. Nəhayət, hər han-
sı tərəddüd hissinə yol vermədən, Krım-tatar ədəbiy-
yatının bir sıra digər tanınmış təmsilçiləri kimi, onun
da fikri inkişafında XX əsrin əvvəllərindəki Azərbay-
can ədəbi mühiti və mətbuatının, eləcə də Əlimərdan
bəy Topçubaşov, Əli bəy Hüseynzadə, Əhməd bəy
Ağayev kimi görkəmli simaların rolunu ayrıca qeyd
etmək lazımdır.
Doğrudur, yarımadanın rus işğalına uğradığı 1783-
cü ildən sonra çarizmin davamlı ruslaşdırma siyasə-
tinə baxmayaraq, Krım Rusiya imperiyasında Osmanlı
təsirinin daha geniş yayıldığı məkan sayıla bilərdi.
Krım tatarları (əslində bu ifadəni sadəcə “Krım türk-
ləri” kimi qəbul etmək və başa düşmək lazımdır)
rəsmən Rusiya təbəəsi olsalar da, tarix, dil, mədəniy-
yət, hətta gündəlik həyat və məişət baxımından Türki-
1
“Yeni Dünya”, 28 mart 1924-cü il.
19
yəyə sıx bağlı idilər və milli zəmində məruz qaldıqları
bütün təzyiqlərə rəğmən Ana vətənə sevgi və rəğbət-
lərini açıq nümayiş etdirməkdən heç zaman çəkin-
mirdilər. XIX əsrin sonlarından etibarən Sultan İkinci
Əbdülhəmid rejiminin təqiblərindən çıxış yolunu
əsasən müxtəlif Avropa ölkələrinə, ilk növbədə isə
Fransa və İsveçrəyə sığınmaqda görən inqilabi hərəkat
təmsilçiləri – “gənc türklərin” bəziləri Krımın müx-
təlif guşələrində məskən salıb maarif və mətbuat
sahəsində fəaliyyət göstərirdilər. Qırmızı Osmanlı fəsi
bir zamanlar yüzdə yüz türk torpağı olmuş yarıma-
danın şəhər və qəsəbələrində də İstanbuldakı qədər
populyarlıq qazanmışdı. Osmanlı türkcəsi nisbətən
daha sadələşdirilmiş şəkildə Krımda tədris və mətbuat
dili idi. Yerli gənclər təhsil almaq, yaxud mənsəb
pillələri ilə irəliləmək üçün hər cəhətdən özlərinə daha
yaxın saydıqları İstanbula üstünlük verirdilər. Bu,
tarixin və ortaq milli-mədəni dəyərlərin meydana çı-
xardığı təbii-tarixi bir bağlılıq idi.
Krımın üz tutduğu, örnək kimi qəbul etdiyi digər
bir mədəni mərkəz isə, heç şübhəsiz, Bakı sayıla
bilərdi. Bu məsələdə gənc həmvətənlərinə şəxsi nü-
munəni Azərbaycan türkləri ilə qohumluq əlaqələri də
daxil olan ən sıx ilişkilərə malik İsmayıl bəy Qaspi-
ralının (onun qızı sonralar Azərbaycan Cümhuriyyə-
tinin qurucuları sırasında yer alan görkəmli siyasi və
ictimai xadim Nəsib bəy Yusifbəylinin həyat yoldaşı
idi)
1
göstərməsi göz önündə idi. Krım-tatar cəmiy-
1
Daha ətraflı məlumat üçün bax. Vilayət Quliyev. Baş nazirin xanımı, Bakı,
“Qanun” nəşrlər evi, 2015, 146 s.
20
yətində türkçülük, milliyyətçilik və çağdaşlıq duyğu-
larının mühüm ideya mərkəzlərindən biri kimi Bakı
ilə bağlılıq ab-havasının inkişafında, dildə, fikirdə və
əməldə bir olmağın canlı və səmərəli örnəyinin ortaya
qoyulmasında bütün məsələlərdə İsmayıl bəyin ardı-
cılı, davamçısı kimi çıxış edən Asan Səbri də müəlli-
mindən geri qalmırdı.
Milli ucqarlarda mətbuat, maarif və mədəniyyət
sahəsində müəyyən tərəqqiyə yol açan 1905-ci il rus
inqilabı onu Krım tatarlarının tanınmış ictimai-siyasi
xadimlərinin ön sırasına çıxarmışdı. Gəncliyinə və
müəyyən təcrübəsizliyinə baxmayaraq, az müddətdə
xalqının sözünü deyən, hüququnu müdafiə edən seç-
kin şəxslər sırasında yer almağı bacarmışdı. 1905-ci
ilin noyabrında o, yeni siyasi təşkilatın – Rusiya
Müsəlmanları İttifaqı Krım şöbəsinin üzvü (təşkilata
İsmayıl bəy Qaspiralı rəhbərlik edirdi) seçilmişdi
1
.
Özünün yazdığına görə çar II Nikolayın Rusiya dini
və milli mənsubluqlarından asılı olmayaraq, Rusiya
imperiyasının bütün təbəələrinə bəlli siyasi haqlar
tanıyan 17 oktyabr Manifestinin imzalamasından az
sonra Krım tatarlarının 7 nəfərlik nümayəndə heyəti-
nin tərkibində Peterburqa yollanmış, daxili işlər naziri
P.N.Durnovo və digər dövlət rəsmiləri ilə görüşərək
onları təmsil etdikləri xalqın problemləri, tələbləri ba-
rəsində məlumatlandırmışdı. Həm də bu zaman itti-
hamçı tondan və kifayət qədər sərt ifadələrdən çəkin-
1
С.И.Исхаков. Первая русская революция и мусульмане Российской
империи. Издательство СПМ, Москва, 2007, с. 21.
Dostları ilə paylaş: |