159
yüzillikdə baş vermiş bir sıra hərbi-siyasi hadisələr miniatür rəssamlığının
inkişafına müəyyən dərəcədə mənfi təsirini göstərdi.
XV əsrdə Azərbaycanda yaranmış ictimai-iqtisadi və siyasi şəraitlə bağlı
olaraq, Təbriz öz əzəli istiqamətləndirici rolunu itirdi. Lakin buna baxmayaraq o,
yenə də mədəni mərkəz və görkəmli sənət məktəbi kimi öz əhəmiyyətini qoruyub
saxladı. Bu dövrdə Azərbaycanın bir çox görkəmli rəssamları və kitab sənətinin bir
çox mahir ustaları Teymurilərin başlıca mərkəzinə çevrilmiş Herata dəvət edildilər.
Ustaların bir qismi Herata zorla aparıldı. Saray kitabxanasında məsul vəzifə
daşıyan Cəfər Təbrizi (Sultan Baysunqurun kitabxana rəisi) və xüsusi sifarişlər
yerinə yetirən Azərbaycan ustaları - Pir Seyid Əhməd Nəqqaş, Xacə Əli Müsəvvir,
Qəvaməddin, Qiyasəddin və başqalarının XV əsrdə Herat rəssamlıq məktəbinin
inkişafında səmərəli fəaliyyəti, mühüm rolu olmuşdur. Bu yüzillikdə Təbriz
məktəbinin təsiri sayəsində Azərbaycanın başqa şəhərlərində də miniatür sənəti
inkişaf etmişdir. Şirvan məktəbinə məxsus olan miniatür nümunələrinin az
tapılmasına baxmayaraq, araşdırıcıların ixtiyarında olan örnəklər bu dövrdə
Şirvanda zəngin bədii ənənələrə əsaslanan, bənzərsiz sənət məktəbinin mövcud
olduğunu təsdiqləyir.
Təbriz miniatür məktəbinə məxsus, 1410-1420-ci illərə aid olan,
Nizaminin “Xosrov və Şirin” və XV əsrin sonu – XVI əsrin əvvəllərinə aid olan
“Xəmsə” nüsxələri diqqəti cəlb edir. XIV əsr miniatürlərindən fərqli olaraq, XV
əsr miniatürlərində “boyakarlıq üsulu, sərbəst rəng yaxıları qrafik üsulla əvəz
olunur”.
47
Miniatür rəssamlığında bu və digər cəhətlər yeni (XVI) əsrdə daha da
təkmilləşmişdir. Bu dövrdə Azərbaycanda miniatür rəssamlığının uğurlu inkişafı
bir daha isbat edir ki, İslamın rəssamlığa dair qadağalarına tam şəkildə əməl
olunmurdu. “Həmin qadağalar həm xalq arasında, həm də aristokratik saray
dairələrində tez-tez pozulurdu. Bu hal islamaqədərki ənənələri yaşadan, ərəblərin
istilasına məruz qalmış Şərq xalqlarında xüsusilə geniş yayılmışdı”.
48
Dini
qadağaların dərin iz qoyduğu təsviri sənətdə də bu hal mövcud idi.
XV əsrdə Təbriz miniatür rəssamlığı mərkəzi qəti surətdə yerli bədii
məktəb kimi təşəkkül tapdı. Mühüm bir cəhəti qeyd etmək lazımdır ki, Əmir
Teymurun Yaxın və Orta Şərqdə hərbi-siyasi fəallığı dövründə (XIV əsrin sonları-
XV əsrin əvvəlləri) işğal olunmuş ölkələrin mədəni-mənəvi qüvvələrinin (eləcə də
rəssamların) əksəriyyəti əsasən zorla Səmərqənddə cəmləşdirilmişdi. Teymurun
ölümündən sonra onun varisləri həmin yaradıcı potensialı yenə də zor vasitəsilə
yeni paytaxtda (Heratda) cəmləşdirməyə çalışırdılar. Həmin dövrdə Herat şəhəri,
Teymurilərin sarayı Orta Şərqin başlıca rəssamlıq mərkəzinə çevrilmişdi. Burada
görkəmli şair və dövlət xadimi Əlişir Nəvainin himayəsi sayəsində və tanınmış
rəssam Kəmaləddin Behzadın rəhbərliyi ilə həmin zamanın ən yaxşı ustaları
çalışırdılar. Bəzən Kəmaləddin Behzadı Təbriz minüatür məktəbinin banisi hesab
edirlər. Yalnız onu qeyd edək ki, “XIV əsrdən etibarən Təbriz məktəbinin fasiləsiz
inkişafı faktı ümumiyyətlə 200 ildən artıq mövcud olmuş məktəbin hər hansı banisi
160
haqqında məsələnin qoyuluşunu istisna edir”.
49
Təbriz miniatür məktəbi təqribən
200 il ərzində mürəkkəb təkamül yolu keçmiş, yad sənət təsirlərinin tədricən
aradan qaldırılması və özəl, bənzərsiz üslubun təşəkkülü prosesini yaşamışdır.
“Təbriz miniatürünün səciyyəvi cəhəti onun həyatla əlaqəsi, məzmunun və mövzu
məcmusunun genişlənməsi idi. Təbriz rəssamlarının miniatürləri Renessans dövrü
Avropa rəssamlarının əsərlərini xatırladır”.
50
XV yüzillikdə də Təbriz miniatür
rəssamlığı məktəbinin inkişafında fasilə olmamışdır. Bu əsrdə də miniatürçü
rəssamların başlıca mövzu mənbəyi klassik Şərq poeziyası, xüsusilə Nizami
Gəncəvinin “Xəmsə”si olmuşdur. Xəttatlıq və miniatür rəssamlığı bu dövrün
hökmdarları üçün mühüm məşğuliyyət sahələrinə çevrilmişdi. Məsələn, şair
Hidayətin “Divan”ının əlyazmasına çəkilmiş 4 miniatür təsvir Ağqoyunlu
hökmdarı Uzun Həsənin oğlu Sultan Xəlil tərəfindən 1478-ci ildə tərtib
olunmuşdu. Nəfis xətlə tərtib olunmuş bu əlyazma nüsxəsi türk (Azərbaycan)
dilindədir. Nizami Gəncəvi “Xəmsə”sinin 1481-ci ildə tərtib olunmuş əlyazmasına
iki rəssam 19 miniatür çəkmişdir. 12 məşhur Şərq şairinin əsərlərinin toplusu olan
Şamaxı “Məcmuə”sindəki miniatürlər Şirvan rəssamlıq məktəbinin parlaq
örnəklərindəndir. 1468-ci ildə tərtib olunmuş bu “məcmuə” 8 miniatürlə
bəzədilmişdir.
XV əsrin II yarısında, xüsusilə Ağqoyunlu hökmdarı Sultan Yaqubun
hakimiyyəti dövründə Təbriz yenidən bütün İslam Şərqinin mühüm siyasi və
mədəni mərkəzinə çevrildi. Bu zaman sultan sarayında miniatür rəsmlərlə
bəzədilmiş xeyli əlyazma nüsxəsi tərtib olundu. Xüsusi elmi ədəbiyyatda bu
miniatür təsvirləri “türkman məktəbinə mənsub olan sənət nümunələri” kimi
təqdim olunur. Lakin qeyd etmək lazımdır ki, bu əlyazmaların, rəsm əsərlərinin
əksəriyyəti Təbriz miniatür məktəbinə məxsusdur.
Bu dövrün görkəmli xəttatı Əzhər Təbrizi yaradıcılığının ilk dövründə
Herat sarayında çalışmışdır. Teymuri şahzadəsi Baysunqur Mirzənin kitabxana
ustaları arasında Azərbaycandan gəlmiş bir neçə mahir xəttat vardı: Aini, İbrahim
və Şəffar Təbriz rəssamlıq və xəttatlıq mühitinin yetirmələri idilər.
Xəttat Mirzə Cəfər Təbrizi dövrün sənət aləmində daha yüksək mövqe
qazanmışdı. O, Teymuri sultanları Şahruxun, Baysunqur Mirzənin və
Əlaüddövlənin saraylarında çalışmış, “nəstəliq” xəttinin xüsusi növü olan “Herati”
xəttini yaratmışdır. Baysunqur Mirzənin hakimiyyəti dövründə saray
kitabxanasının müdiri olmuş, “Xətt və xəttatlar” əsərini yazmış, poetik əsərlər
yaratmış bu xəttat “Mövlana” ləqəbi almışdı.
51
Həmin xəttatlar kitab tərtibatı işi ilə
yanaşı monumental binaların bəzədilməsi işini də yerinə yetirmişlər. Ümumiyyətlə,
orta çağlarda İslam Şərqində xəttatlar və miniatürçü rəssamlar bir çox
hökmdarların saraylarında böyük hörmət sahibi və qayğı, diqqət obyekti olmuşlar.
Bu, Azərbaycanda da xüsusilə nəzərə çarpan mədəni faktlardandır.
Azərbaycanın memarlıq abidələri meydana gəldiyi tarixi dövrün ictimai-
siyasi, iqtisadi, ideoloji hadisələrini, tikinti-texniki səviyyəsini əks etdirən, həmin
Dostları ilə paylaş: |