63
ABŞERON ŞƏRAİTİNDƏ PAYIZLIQ BUĞDANIN BİRİNCİ NƏSİL (F
1
)
HİBRİDLƏRİNDƏ BƏZİ KƏMİYYƏT ƏLAMƏTLƏRİNİN TƏDQİQİ
S.K.HACIYEVA
B.ü.f.d.
Azərbaycan KTN, Elmi-Tədqiqat Əkinçilik İnstitutu, Pirşağı qəs., Sovxoz №2,
e-mail:
hacıyevasevda44@gmail.com
, tel.: 5516130
Məqalədə 2012-ci ildə yumşaq və bərk buğdanın birinci nəsil (F
1
) hibridlərində bəzi
kəmiyyət əlamətlərinin tədqiqinə aid məsələlər öz əksini tapmışdır. Tədqiqatlar nəticəsində
buğdanın 90 növdaxili və növlərarası hibrid kombinasiyasında bir bitkidə olan məhsuldar
gövdələrin sayı; sünbülün uzunluğu, sünbüldə sünbülcüklərin sayı,sünbüldə dənin sayı və kütləsi
valideyn formalarla müqayisəli öyrənilərək, heterozis və dominantlıq dərəcəsi müəyyən
edilmişdir.
Açar sözlər: yumşaq buğda, bərkbuğda, seleksiya, kolleksiya, kombinasiya, heterozis,
dominantlıq,
irsiyyət, hibrid, xətt,
depresiya, fenotip, genotip
Respublikamızda buğda əsas ərzaq bitkisi sayıldığından, onun istehsalının artırılması ən
mühüm məsələlərdən biri kimi ön plana çəkilmişdir və bu sahənin inkişaf etdirilməsi ölkəmizdə
prioritet istiqamətlərdən biri hesab olunur. Digər tərəfdən Azərbaycan Respublikasının torpaq-
iqlim şəraitinin müxtəlifliyi yüksək adaptasiya qabiliyyətinə malik yumşaq və bərk buğda
sortlarının yaradılmasını seleksiyaçıların qarşısında mühüm vəzifələrdən biri kimi qoymuşdur.
Bir çox tədqiqatçılar qeyd etmişlər ki, ekoloji tarazlığın pozulması və təbiətdə abiotik stres
amillərinin mövcudluğu respublikamızın bölgələrinə uyğun, daha plastik buğda sortlarının
yaradılmasını tələb edir. Onlar bu istiqamətdə seleksiya işlərinin aparılmasının böyük əhəmiyyət
kəsb etdiyini göstərmişlər [2; 3].
Ədəbiyyat məlumatlarına və apardığımız tədqiqatlara əsasən belə bir nəticəyə gəlmək olar
ki, kompleks yüksək əlamətlərə malik sortnümunələrdən hibridləşmədə istifadə etməklə yüksək
məhsuldarlığa və keyfiyyətə malik yeni plastik sortların alınmasına nail olmaq mümkündür. Bu
məqsədlə 2008-2010-cu illərdə Az.ETƏİ-nun təcrübə sahəsində suvarma şəraitində yerli və
introduksiya olunmuş 1327 yumşaq və bərk buğda sortnümunəsi tədqiq edilmiş və kompleks
əlamətlərlə seçilmiş 48 sortnümunə 2011-ci ildə hibridləşmə proqramına daxil edilərək, 90
kombinasiyada hibridləşmə aparılmışdır.
Təcrübələrdə sələf paxlalı bitkilər olmaqla Səpin
ϙ- F
1
- O 5x20 sm sxemi ilə aparılmışdır.
Təcrübə sahəsinə səpinlə birlikdə şum altına hektara 100 kq fiziki çəkidə kompleks gübrə
(nitrofoska-N
16
P
16
K
16
), erkən yazda kollanma fazasında hektara təsiredici maddə hesabı ilə 90 kq
ammonium-nitrat gübrəsi (NH
4
NO
3
) verilmişdir. Vegetasiya müddətində nümunələr kollanma
fazasının axırında (20.IV) və sünbülləmə fazasında (18.V) suvarılaraq təcrübə sahəsində
aqrotexniki qulluq işləri bölgə üçün nəzərdə tutulmuş metodika əsasında həyata keçirilmişdir. Çöl
tədqiqat işləri, bitkilər üzərində müşahidələr və məhsulun struktur elementləri mövcud
metodikaya uyğun olaraq həyata keçirilmişdir [4].
Birinci nəsil hibridlərdə (F
1
) kəmiyyət əlamətlərində həqiqi heterozis D.S.Ömərova (1975)
görə, irsiyyətin nəsilə ötürülməsi (genotipik dominantlıq dərəcəsi) G.M.Beil və R.E.Atkins
(1965) düstürü ilə hesablanmışdır [6;7].
Buğda hibridlərində kəmiyyət əlamətlərinin irsən nəslə keçirilməsini bir çox tədqiqatçılar
öyrənmişlər. N.İ.Vavilova (1934) görə yüksək heterozis gücünə malik hibridlərin alınması üçün
birinci növbədə valideyn formaları düzgün seçilməlidir [5].