69
depression to superdomination, on spike length, number of spikeletes and number of grains per
spike. Even so, degree of phonotypical dominance of quantitative features mainly depends on
intensity of these features at initial forms.
Key words: soft wheat, durum wheat, breeding, collection, combination, heterozis,
domination,
heredity, hybrid, line,
depression,
phenotype, genotype
UOT 633.1
ƏRZAQ TƏHLÜKƏSİZLİYİNİN TƏMİN OLUNMASI İSTİQAMƏTİNDƏ
QARĞIDALI GENOFONDUNUN BİOLOJİ VƏ İQTİSADİ POTENSİALININ TƏDQİQİ
S.M.MƏMMƏDOVA, S.Ə.DÜNYAMALIYEV, S.A.ABDULBAQIYEVA
Azərbaycan Elmi- Tədqiqat Əkinçilik İnstitutu, Bakı ş. Pirşağı qəs, Sovxoz № 2,
e-mail:
sevka_m@yahoo.com
Məqalədə müxtəlif pitomniklərdə toplanmış qarğıdalı nümunələrinin tədqiqi haqda
məlumatlar verilmiş, perspektiv populyasiyalar müəyyən edilmişdir. Seleksiya yoly ilə
alınmış KX3H x Kaz. Zp 559 nümunəsinin vegetasiya müddətinə, tez yetişməsinə, qıçanın
bitkidə yerləşmə hündürlüyünə, qıcada bir cərgədə dənin sayına, dən çıxımına, 1000 dənin
kütləsinə, dən məhsuldarlığına görə standart Zaqatala 68 sortundan üstün olması
müəyyən edilmişdir.
Açar sözlər: qarğıdalı, bitki, dən,
seleksiya, məhsuldarlıq
Əhalinin ərzaq təhlükəsizliyinin təmin olunmasında müasir dünya əkinçiliyinin əsas
bitkilərindən olan, müxtəlif sahələrdə istifadə olunan və yüksək məhsuldarlığa malik olan
qarğıdalı bitkisi bütün dünyada- tropik enliklərdən Skandinaviya dövlətlərinədək geniş
arealda becərilir. Yer üzərində kənd təsərrüfatına yararlı torpaq sahələrinin 14 milyard
hektar təşkil etdiyi bir vaxtda əhalinin 800 milyonundan çoxu aclıqdan əziyyət çəkir.
Həmçinin, dünyada baş verən
qlobal iqlim dəyişkənlikləri, kənd təsərrüfatına yararlı torpaq
sahələrinin şoranlaşmasına, eroziyaya uğramasına və su altında qalmasına səbəb olur ki, bu
da əhalinin ərzaq təlabatının ödənilməsində çətinlik yaradır. Buna görə də torpaqlardan
səmərəli istifadə etmək üçün fasiləsiz növbəli əkin sisteminin tətbiq edilməsi olduqca
aktual və əhəmiyyətlidir. Bu baxımdan insanların davamlı ərzaq məhsulları ilə təmin
olunmasında qarğıdalı potensial imkanlara malik mühüm kənd təsərrüfatı bitkilərindəndir.
Qarğıdalı bitkisinin bioloji və iqtisadi potensialının geniş istifadə olunması respublikanın
kənd təsərrüfatının bir sıra problemlərinin həll olunmasına imkan verir. Bu bitki müxtəlif
çeşidli ərzaq məhsulu kimi insanların qida rasionuna daxil olmuş, heyvandarlığın və
quşçuluğun davamlı yem bazası ilə təmin olunmasına, həmçinin, əlverişli torpaq iqlim
şəraitində eyni əkin sahəsindən bir ildə 2-3 dəfə məhsul götürülməsinə imkan verir
[3;4;5;6]. Qargıdalı toxum sərfi hektara 18-20 kq olmaqla, сərgə arası becərilən bitki kimi
sahələrin alaqlardan təmizlənməsi və digər dənli bitkilərlə ümumi zərərverici və
xəstəlikləri olmayan və növbəli əkində yaxşı sələf [1;2]. Bu bitkinin tez yetişən, məhsuldar
sort və hibridlərinin yaradılması respublikamızın başqa ölkələrdən asılılığının aradan
qaldırılmasına kömək edəcəkdir.
1965-1970-ci illərdən başlayaraq Az.ET Əkinçilik İnstitutunda qarğıdalı bitkisinin
yeni sort və hibridlərinin yaradılması istiqamətində elmi tədqiqat işləri başlamış, hazırda
müxtəlif məqsədlərlə işlədilən tezyetişən, yüksək keyfiyyətli məhsuldar, xəstəlik və
70
zərərvericilərə qarşı davamlı qarğıdalı sort və hibridlərinin yaradılması istiqamətində
seleksiya tədqiqatları isə Az.ET Əkinçilik İnstitutunun Zaqatala Bölgə Təcrübə
Stansiyasında davam etdirilir.
Aparılan tədqiqat işinin əsas məqsədi yerli və xarici ölkələrin tədqiqat mərkəzləri
ilə aparılan əməkdaşlıq nəticəsində toplanmış genofond nümunələri üzərində hibridləşmə
və seçmə aparılaraq respublikanın müxtəlif torpaq-iqlim zonalarına uyğun xəstəlik və
zərərvericilərə qarşı davamlı, ortaboylu, yüksək keyfiyyətli, məhsuldar qağıdalı sort və
hibridlərinin yaradılaraq fermer təsərrüfatlarına tətbiq edilməsidir.
Tədqiqat materialı kimi yerli və xarici ölkələrdən introduksiya olunmuş qarğıdalı
nümunələri müxtəlif tədqiqat illərində sınaqdan keçirilərək seçilmiş, yüksək adaptasiya
qabiliyyətinə malik kolleksiya nümunələri, topkross və diallel hibridləşmə nəticəsində
yaradılan xətlər, populyasiyalar və sortlar götürülmüşdür.
Müxtəlif dövrlərdə Zaqatala Bölgə Təcrübə Stansiyasında aparılan seleksiya
tədqiqatlarında 600-ə yaxın qarğıdalı nümunələri üzərində elmi-tədqiqat işləri aparılmış və
həmin nümunələr seleksiya, seçmə, hibridləşmə, ilkin sort yoxlama, nəzarət, müsabiqəli
sortyoxlama, nümayiş, artırma və toxumçuluq pitomniklərində əkilərək, hibridləşmə və
seçmə aparılmışdır.
Tədqiq olunan qarğıdalı nümunələri təcrid olunmuş şəraitdə becərilmiş və müşahidələr
aparılmış, standart kimi rayonlaşmış Zaqatala 420 sortu götürülmüşdür.
Nəzarət pitomnikində 27 nümunə üzərində müxtəlif əlamətlərə görə srtuktur analizləri
aparılmış və alınmış nəticələr cədvəl 1-də öz əksinin tapmışdır.
Müqayisə üçün qeyd edək ki, vegetasiya müddətinə, bitkilərin boyuna, bitkidə qıcanın
yerləşmə hündürlüyünə, yarpaqların sayına, qıcanın uzunluğuna, qıcada dən çıxımına, 1000
dənin kütləsinə, dən məhsuldarlığına, xəstəlik və zərərvericilərə qarşı davamlılığna görə
əlamətlər standartla müqayisə edilmiş, tədqiq edilən nümunələrdən Spl x 7/2008-94 gün,
Hp36 x 23/2008-98 gün, Kol.P.365 x Kol.P-101 gün və Hp39 x 14/2008-102 gün
müddətində yetişməsi ilə standartdan və digər nümunələrdən üstün olmuşlar.
Göstərilən nümunələrdən Kol.P365xKol.P həm tezyetişkənliyinə (101 gün), həm
xəstəlik və zərərvericilərə qarşı davamlılığına, həm də məhsuldarlıq və digər struktur
göstəricilərə görə tədqiq edilən nümunələrdən üstün olmuşdur. Bu nümunədə qıcanın
uzunluğu 21,6 sm, 1000 dənin kütləsi 388 q, dən məhsuldarlığı 81,2 s/ha təşkil etmiş və
standart kimi götrülmüş Zaqatala 420 sortundan uyğun olaraq, 1,8 sm, 66 q və 13,6 s/ha
üstün olmuşdur.
Qıçanın bitkidə yerləşmə hündürlüyünün məhsulun kombaynlarla yığılmasında
mühüm əhəmiyyəti vardır. Belə ki, seleksiya tədqiqatlarında dən üçün alınan
sortlar nisbətən
alçaq boylu, qıcanın yerləşmə hündürlüyü bir metrədək olduqda onların yığılması və tədarük
olunması asan başa gəlir ki, verilən nümunədə bu göstərici 98 sm təşkil etmişdir. Bu
pitomnikdə tədqiq edilən nümunələrin 14,8%-nin məhsuldarlığı 80 s/ha-dan yüksək olmuş
və standartla müqayisədə bu üstünlük 13,6-20,8 s/ha intervalında olmuşdur. 1000 dənin
kütləsi isə 337-398 q intervalında dəyişmişdir.