Azərbaycan Respublikası Təhsil Nazirliyi Azərbaycan Respublikası Təhsil Problemləri İnstitutu

4.2.  Məmulat  və  onun  detallarının  texniki  sənədləşdirilməsi  bacarıqları 
nümayiş etdirir. 
4.2.1.  Müxtəlif  birləşmələri  olan  məmulatların  qrafik  təsvirini,  çertyojunu, 
texnoloji xəritəsini çəkir və oxuyur. 
 
 
1.6. Fəndaxili və fənlərarası  inteqrasiya 
 
Mühüm  həyati  bacarıqların  formalaşdırılmasında  geniş  imkanlara  malik 
«Texnologiya»  fənninin  tədrisində  uğurlu  nəticələr  əldə  etmək  üçün  təlim 
prosesində müxtəlif inteqrasiya növlərindən istifadə olunması zəruri hesab edilir. 
Fənn  kurikulumlarının  səmərəli  tətbiqində  fəndaxili  və  fənlərarası  əlaqələrin 
düzgün müəyyənləşdirilməsi mühüm əhəmiyyət kəsb edir. Konkret bir fənnin digər 
fənlərlə  inteqrasiyasının  yaradılması  şagirdlərin    kompleks  biliklər  almasına, 
onların 
dünyagörüşünün 
genişləndirilməsinə, 
təfəkkürlərinin 
inkişafına, 
tədqiqatçılıq meyillərinin yaranmasına gətirib çıxarır. 
İnteqrasiya  vaxtdan  səmərəli  istifadə  etməyə,    şagirdlərin  təlim  yükünün 
azalmasına,  təlimə  marağın  artmasına    şərait  yaradır,  eyni  zamanda  bilik  və 
bacarıqların qazanılmasında intensivlik və səmərəliliyi təmin edir.