Fəndaxili inteqrasiya
fənn üzrə nəticələrin sinifdaxili və siniflərarası
əlaqələrini nəzərdə tutur. Fəndaxili inteqrasiya posesində əlaqələndirilən məzmun
informativ cəhətdən daha tutumlu olub şagirdlərdə geniş miqyaslı düşünmə
bacarıqlarının formalaşdırılmasına köməklik göstərir.
Fəndaxili inteqrasiya üfüqi və şaquli istiqamətlərdə qurulur.
Fəndaxili üfüqi inteqrasiyada hər hansı bir sinif daxilində məzmun xətləri üzrə
təlim nəticələri arasında əlaqə yaradılır.
30
Fəndaxili şaquli inteqrasiyada siniflər arasında məzmun xətləri üzrə təlim
nəticələrinin əlaqələri nəzərdə tutulur.
Fənlərarası inteqrasiya bir fənn üzrə təlim nəticələrinin digər fənlər üzrə təlim
nəticələri ilə əlaqəsini nəzərdə tutur.
İbtidai təhsil pilləsində bütün fənlərin, adətən, eyni müəllim tərəfindən tədris
edilməsi fənlərarası inteqrasiyanın yaradılması üzrə işi xeyli yüngülləşdirir. Belə
ki, ibtidai sinif müəllimləri təlim prosesində fənlər və mövzular arasındakı
əlaqələri çox asanlıqla izləyir, əlaqə imkanlarını dəqiq müəyyənləşdirir, bilik və
bacarıqların formalaşdırılmasında bu əlaqələrdən yaradıcılıqla istifadə edirlər.
Fənlərarası inteqrasiyanın həyata keçirilməsi imkanlarını əks etdirən cədvəllər
təqdim olunur (cədvəl 1 və 2-yə bax).
|