61
iqtisadiyyatı ölkələrində yaranmış ciddi böhran, Qərb ölkələrində baş vermiş
korporativ qalmaqallar investorları öz maliyyə vəsaitlərinin yerləşdirilməsinə daha
ciddi diqqət yetirmələrinə sövq etmiş, eyni zamanda investisiya mühitinin
qiymətləndirilməsinə daha həssas yanaşma zərurətə çevrilmişdir. Belə bir şəraitdə
şirkətlərdə korporativ idarəetmənin təşkilinin qiymətləndirilməsi ön plana
çəkilmişdir.
Korporativ idarəetmənin ümumi üslub və prinsiplərinin formalaşmasında təkcə
dövlət orqanları deyil, həmçinin qeyri-hökumət (ictimai, sahibkarlıq və s.) təşkilat və
qrupları da iştirak edirlər. Əgər dövlət orqanlarının fəaliyyəti ilk öncə şirkətin
fəaliyyəti haqqında məlumatların açıqlanması üzrə müəyyən standartların
məcburiliyinin möhkəmləndirilməsi, səhmdarların hüquqlarının müdafiəsi, onlara
bərabər münasibətin təmin edilməsi və digər maraqlı tərəflərin mənafelərinin nəzərə
alınması məqsədilə qanunvericiliyin təkmilləşdirilməsinə yönəlmişdirsə, işgüzar
dairələrin və digər qeyri-hökumət strukturların fəaliyyəti isə işgüzar cəmiyyətin
əksəriyyəti tərəfindən könüllü şəkildə qəbul edilə biləcək, eyni zamanda milli
xüsusiyyətləri nəzərə almaq şərtilə beynəlxalq prinsiplərə uyğun korporativ idarəetmə
qayda və prosedurlarının yaradılmasına istiqamətlənmişdir. Bu cür iş prinsipinin
nəticəsi olaraq müxtəlif ölkələrdə korporativ idarəetmə məcəllələri tərtib olunmağa
başlanmışdır. Bunların arasında 1991-ci ildə Böyük Britaniyada Maliyyə
İnformasiyaları üzrə Şura, London Fond Birjası və mühasibat işçilərinin professional
ittifaqından ibarət Komitə tərəfindən hazırlanmış "Kedberi Məcəlləsi", 1998-ci ildə
dünyanın ən iri pensiya fondu olan Kaliforniya İstefada Olan Mülki İşçilərin Pensiya
Fondu tərəfindən hazırlanmış "ABŞ-da korporativ idarəetmənin əsas prinsipləri və
istiqamətləri", 1999-cu ildə Maliyyə bazarları üzrə Komitə tərəfindən hazırlanmış
"Yunanıstanda korporativ idarəetmə prinsipləri", 2000-ci ilin yanvarında korporativ
idarəetmə üzrə alman işçi qrupu tərəfindən hazırlanmış "Almaniya korporativ
idarəetmə sistemi üçün ən yaxşı təcrübə" Məcəlləsinin adlarını çəkmək olar.
Korporativ idarəetmə standartları (prinsipləri, məcəlləsi, tövsiyələri) - ən yaxşı
korporativ idarəetmə təcrübəsinə uyğun olaraq təsərrüfat cəmiyyətlərinin idarəetmə
62
orqanlarının səlahiyyət və vəzifələrini müəyyən etməklə, onların işinin effektiv təşkili
və səhmdarların hüquqlarının qorunması üçün zəmin yaratmaqla cəmiyyətin şəffaf
fəaliyyətinin təmin olunmasına dair qaydaları təsbit edən sənəddir. Azərbaycan
Respublikasında fəaliyyət göstərən dövlət və özəl müəssisələrin idarəetmə sisteminin
təkmilləşdirilməsində müasir beynəlxalq standartların tətbiqi məqsədi ilə
Azərbaycanın Korporativ İdarəetmə Standartlarının hazırlanmasına ehtiyacı görülmüş
və bunun üçün İqtisadi İnkişaf Nazirliyinin nəzdində dövlət orqanları, şirkətlər və
Beynəlxalq Maliyyə Korporasiyasının nümayəndələrindən ibarət müvafiq İşçi Qrupu
yaradılmışdır. Azərbaycanın Korporativ idarəetmə Standartları Azərbaycan
Respublikasının qanunvericiliyi, İqtisadi Əməkdaşlıq və İnkişaf Təşkilatının 1999-cu
ildə ilk dəfə qəbul etdiyi və 2004-cü ildə yenidən baxılaraq daha da təkmilləşdirilən
Korporativ İdarəetmə Prinsipləri və bu sahədə mövcud olan beynəlxalq standartlara
əsaslanaraq hazırlanmışdır. İqtisadi İnkişaf Nazirliyi Azərbaycanda investisiya
mühitinin cəlbediciliyini daha da artırmaq üçün yerli özəl və dövlət müəssisələrində
qabaqcıl korporativ idarəetmə prinsiplərinin tətbiqinin ən yaxşı şəkildə həyata
keçirilməsi istiqamətində fəaliyyətini davam etdirir.
Qiymətli kağızlar bazarının mövcud problemləri sırasına aşağıdakıları da daxil
etmək olar: Emitent problemi: Qiymətli kağızları kütləvi üsulla bazarda
yerləşdirilmiş olan səhmdar cəmiyyətlərin və digər təşkilati-hüquqi formada olan
emitentlərin qanunvericiliyin tələblərinə uyğun olaraq idarə olunması vacib
məsələdir. Qeyd olunan emitentlərin korporativ idarəetmə standartlarını yetərli
səviyyədə tətbiq etməmələri, qanunvericiliyin tələblərinə uyğun maliyyə uçot
sisteminin formalaşdırılmaması, investorları qane edəcək səviyyədə və ardıcıllıqda
məlumatların açıqlanmaması və s. məsələləri kapital bazarının tələblərinə uyğun
emitentlərin formalaşmasının başlıca problemləri kimi qeyd etmək olar. Şəffaflıq
problemi: Kapital bazarlarında investisiyaların pul bazarına görə daha uzun müddətli
olması, yatırımçının investisiyasını şirkətin gələcək performansını və strategiyasını
nəzərə alaraq həyata keçirməsi emitentlər haqqında daha dəqiq informasiya əldə
etmələrini şərtləndirir. Maarifləndirmə problemi: Bu bazarların işləyə bilməsi üçün
63
tələbin təklifi dəstəkləməsi, kifayət qədər maliyyə alətinin və investorun olması
şərtdir. Hazırda ölkə maliyyə bazarlarında kifayət qədər az investorun olması, bazarın
imkanlarından iqtisadi subyektlərin az istifadə etməsi bazar haqqında məlumatların
yetərsiz olduğunun göstəricisidir. İnvestor institutlarının formalaşmaması: Bazarın
əsas strukturlarında olan investisiya bankları, investisiya fondları, pensiya fondları
kimi strukturların formalaşmaması bazarda əməliyyat həcminin, dərinliyin və
likvidliyin yüksəlməsinə mənfi təsir göstərməkdədir. İnvestorların hüquqlarının
qorunması problemi: Bunun üçün dövlət və ya qismən dövlət, ictimai təşkilatlar kimi
investorların qoruma sistemi formalaşdırmalıdır. Məlumatların açıqlığı prinsipinin
reallaşması: Bu, qiymətli kağız emitentlərinin fəaliyyəti haqqında nəşrlərin
genişləndirilməsi,
emitent-kompaniyaların
qəbul
olunmuş
reytinq
qiymətləndirməsinin tətbiq olunması, ixtisaslaşmış nəşrlərin (investisiya obyekti kimi
ayrı-ayrı sahələri xarakterizə edən) şəbəkəsinin inkişaf etdirilməsi, qiymətli kağızlar
bazarını qiymətləndirmək üçün qəbul olunmuş ümumi göstəricilər sisteminin
yaradılması və s.-dir. Bazarın kiçik həcmli və qeyri-likvid olması: Bu bazarın əsas
fuksiyalarından biri likvid bazarının olması, yəni investor sahib olduğu aktivləri daha
sürətli şəkildə başqa aktivlərə və nəğdə çevirə bilməsidir. Likvid və dərin bazarın
formalaşmaması fonunda riskin yüksəlməsi investorların qiymətli kağızlar
bazarından uzaqlaşmalarına və diğər bazarlara yönəlməsinə səsbəb ola bilir.
Son dövrlər ərzində Azərbaycanda qiymətli kağızlar bazarının inkişafı
sahəsində bir neçə istiqamətlərdə geniş islahatlar həyata keçirilmişdir. Bu dövr
ərzində qiymətli kağızlar bazarının hüquqi və tənzimləyici bazasının qabaqcıl
beynəlxalq təcrübəyə uyğunlaşdırılması və sahəsində bir sıra tədbirlər görülmüşdür.
Belə ki, müasir, beynəlxalq standartlara cavab verən, iqtisadiyyata geniş
kapitalizasiya imkanları təqdim edən və risklərin etibarlı idarə edilməsini təmin edən
yeni nəsil qanunvericilik, “Qiymətli kağızlar bazarı haqqında” Qanun layihəsi
hazırlanmış və Prezident Administrasiyasında müzakirələri tamamlanmışdır. Qanun
layihəsinin Milli Məclisin növbəti sessiyası zamanı müzakirəyə çıxarılması nəzərdə
tutulur. Bununla yanaşı, “Qiymətli kağızlar bazarı haqqında” Qanun layihəsindən
Dostları ilə paylaş: |