32
bitmir: trioda sözün əsl mənasında belə bir unison çalğıya nail olmağın,
doğrudan da böyük yaradıcılıq qələbəsi olduğunu etiraf etməklə bərabər,
biz lazımi yerlərdə, yaxşı unisonlarla yanaşı, çox vaxt kamançanın
tamamilə müstəqil olaraq ikinci səs çaldığı hallarına da təsadüf edirik.
Belə hallarda tarla kamança arasında bəzən sual-cavab, bəzən imitasiya,
melodik fiqurasiyalar və hətta ayrı-ayrı hallarda kamançada üç simdə
akkordlar götürmək kimi priyomlrdan istifdə yolu ilə əsas melodik xəttin
zənginlşdirilməsini görürük. Məhz buna görə, Qurban Pirimov (tar), Saşa
Oqanezaşvili (kamança) və Cabbar Qaryağdı oğlu (qaval) triosunun
instrumental musiqi cəhətə müvəffəq olduğu mükəmməl ifaçılıq
ansamblı, rəngarəng və əzəmətli bir orkestr kimi səslənirdi".
Təbii ki, o dövrdə başqa sazəndə dəstələri mövcud olsa da, bu üçlüyün
tarixi baxımdan fəaliyyəti daha önəmli, daha avanqard idi. Bu üçlüyün
çıxışı sənət yenilikləri ilə zəngin idi. Onların ifası özləri tərəfindən
düzülüb qoşulmuş (bəstələnmiş) təsniflər, mahnılar, rənglər, oyun
havaları ilə daima yeniləşirdi.
Muğam dəstgahlarının sıralanmasında, xüsusilə də araçalğılar özü-
özlüyündə daha yaradıcı səpkidə inşa edilərək yaddaqalan şirin xallarla
işlənirdi. Bu üçlüyün çıxışı həm peşəkar ifaçıların, bəstəkarların, dirijorların,
həm də muğamşünasların maraq və diqqət mərkəzində idi. Bu yaradıcı
üçlüyün fəaliyyəti bütövlükdə sazəndə dəstələrinin iyirminci yüzillikdə daha
yüksək bir mərrhələyə qədəm qoymasından xəbər verən ən parlaq bir səhifə
idi. Bu üçlüyün yaradıcı çıxışları XX əsrin 30-40-cı illərinə kimi özü ilə
rəqabət aparacaq bir sazəndə dəstəsi tanımamışdır.
İyirminci yüzilliyin əvvəllərindən başlayaraq yeni-yeni yaranan xalq
mahnıları, rəng, dəraməd, təsnif, diringə və oyun havaları əsasən bu dəstənin
yaradıcılığı olsa da, bu sənətçilər həmin əsərlərin müəllifi kimi tanınmırdılar.
Yalnız xalqın yaddaşında iz qoymuş hadisələr hansısa bir məclisdə
bədahətən oxunub-çalınan havalar, hətta muğamlar da yaddaşlarda ustadının
adı ilə deyilib. Segah İslam, Zabul Qasım, Bayatı-Qacar Baladadaş, Mirzə
Hüseyn Segahı, Haşım Segah və sair. "Cabbar Qaryağdı oğlunun şahidliyinə
görə Hacı Hüsü 1875-ci ildə "Kürq-Şahnaz", bir el şənliyində isə Sadiqcanın
müşayiətilə "Qatar" muğamlarını yaratmışdı, onlarca dadlı-dadlı təsnif
qoşmuşdu..." .
Cabbar Qaryağdı oğlunun toyların birində bədahətən "İrəvanda xal
qalmadı" mahnısının həm sözlərini, həm də musiqisini oxuması musiqi
tariximizdə
yaddaqalan
hadisə
kimi
xatırlanır. Xan Şuşinski
yaradıcılığına aid edilən "Şuşanın dağları" dillər əzbəri olmuşdur.
Ustad tarzən Əhməd Bakıxanov "Ömrün sarı simi" kitabında yazır:
33
Azərbaycanın məşhur ustad oxuyanlarından Ələsgər Abdullayevlə
Qurbanın "Segah", "Rahab" və "Şur" çalması xüsusi qeyd olunmalıdır.
Qurban ilk dəfə olaraq tarda "Çoban bayatı"nı böyük ustalıqla çalmışdır".
Peşəkar musiqiçilərin ən böyük xidmətlərindən biri də Azərbaycan
dilinin, Azərbaycan poeziyasının muğamata, təsniflərə bədii mətn kimi
seçməsidir. Filologiya elmləri doktoru, yazıçı Rəfael Hüseynov yazır: Bu
həmin Hacı Hüsü idi ki, Mir Möhsün Nəvvabla birgə Şuşada musiqi
məclisinin təməlini qoymuşdu.
Bu həmin Məşədi İsi idi ki, Cəlil Bağdadbəyovun yazmasınca məhz o
Azərbaycan şairlərinin şeirlərini ilk dəfə məclislərdə oxumağa başladı və
Cabbar Qaryağdı oğlunun fikrincə "Herati-Kabili" muğamının ən mahir
ifaçısıydı, "xanəndələr arasında qaval çalmasına, əlinin zərbinin düz
olmasına görə birinciydi"...
Musiqi tədqiqatçısı Firudin Şuşinski yazırdı: "...Cabbar Qaryağdı oğlu
böyük ifaçılıq qabiliyyəti göstərib, Azərbaycan şairlərindən Füzulinin,
Qasım bəy Zakirin, Seyid Əzim Şirvaninin və Xurşidbanu Natəvanın
qəzəllərini ilham və məhəbbətlə oxumuşdur. Cabbarın doğma ana dilində
qəzəl oxuması muğamatın geniş kütlələr içərisində yayılmasına xeyli
kömək etmişdir".
Bülbül Məmmədov yazırdı: "XIX əsrin sonunda və XX əsrin əvvəlində
inqilabi hadisələrin və artmaqda olan milli şüurun təsiri altında xanəndə
ansamblları demokratikləşməyə başlayır. Xalq onları kütlələrlə qarışmağa
məcbur edir. Qeyd etmək lazımdır ki, Cabbar Qaryağdı oğlu Azərbaycan
xalq mahnılarını ifa etməyə başlayan və tədricən fars dili mətnindən
uzaqlaşan ilk müğənnilərdən biri olmuşdur".
Ümumiyyətlə, iyirminci yüzillik bütövlükdə xanəndə və sazəndə
dəstələrinin rolunu və əhəmiyyətini tamlığı ilə qoruyub saxladı. XX əsrin
sonuna doğru keçmiş ənənələr daha bariz şəkildə kütləviləşdi. Muğam
dəstgahlarının bu formada təqdimatı geniş musiqi ictimaiyyəti tərəfindən
arzu edilən oldu.
Bir sıra keçmiş sazəndəçilər öz çıxışlarını instrumental musiqinin
təbliğinə yönəltdilər. Kamançaçalanlar Habil Əliyev, Ədalət Vəzirov, Şəfiqə
Eyvazova, tarzənlər Ramiz Quliyev, Həmid Vəkilov, qarmonçalanlar
Aftandil İsrafilov, Zakir Mirzəyev və başqa sənətkarlar daha çox
instrumental musiqinin inkişafı və təbliğinə üstünlük verdi. Bu tendensiya
aşıqlıq sənətində də özünü göstərmyə başladı. Necə deyərlər, Aşıq Ədalət
Nəsibovun uğurlu çıxışları sazın instrumental şəkildə inkişafına və təbliğinə
üstünlük verdi. Bu tendensiya aşıqlıq sənətində də özünü göstərməyə
başladı. Necə deyərlər Aşıq Ədalət Nəsibovun uğurlu çıxışları sazın solo
Dostları ilə paylaş: |