34
Biçeraxovun dəstəsinin dövlət çevriliĢi cəhdinin üstü açıldıqdan sonra Azərbaycan hökumətinin tələbi ilə general V.Tomson "Qafqaz-Xəzər" hökumətini qanundan kənar
elan edib, 48 saat müddətində Bakıdan uzaqlaĢdırdı, daha sonra isə erməni hərbi hissələri tərksilah edilib buraxıldı.
Beləliklə, 1918-ci ilin dekabrından etibarən ingilis komandanlığı Bakıda qoyulan məhdudiyyətləri tədricən azaltmağa baĢladı: Azərbaycan polisi, su nəqliyyatı və neft
sənayesi, maliyyə idarələri, mətbuat üzərində nəzarət ləğv olundu. 1919-cu ilin aprelində Bakıda ingilis general-qubernatorluğunun ləğvi ilə əlaqədar Gəncədə təĢkil olunmuĢ ilk
Azərbaycan alayı paytaxta daxil oldu və xalq onu təntənə ilə qarĢıladı. 1919-cu ilin aprelindən baĢlayaraq ingilislər Paris sülh konfransının Ģərtlərinə uyğun olaraq Qafqazı tərk
etməyə baĢladılar və bu proses avqustun ortalarında baĢa çatdı. Azərbaycan hökuməti ingilis müdaxiləsi qarĢısında nəinki öz varlığını qoruya bildi, həm də ingilis komandanlığını
Ģəhərin idarəçiliyindən uzaqlaĢdırmağa nail oldu. Lakin ingilislərin Bakını tərk etməsi, bir tərəfdən, Azərbaycanın müstəqilliyini möhkəmləndirirdisə, digər tərəfdən, sovet
Rusiyasının keçmiĢ imperiyanı əvvəlkı sərhədlər çərçivəsində bərpa etmək istəyini sürətləndirirdi. Eyni zamanda Qafqazda yaranmıĢ müstəqil dövlətlər arasında mövcud olan
ziddiyyətlər, ilk növbədə ərazi-sərhəd məsələlərindəki ziddiyyətlər xarici təhlükəni gücləndirirdi.
1919-cu il aprelin 25-də Tiflisdə Azərbaycan, Dağıstan, Gürcüstan və Ermənistan nümayəndələrinin iĢtirakı ilə Qafqaz konfransı iĢə baĢladı. Konfransda siyasi, iqtisadi və
maliyyə məsələləri, eləcə də sərhəd problemləri müzakirə olundu. Konfransın gediĢində bu ölkələr arasında ərazi-sərhəd məsələləri ilə bağlı kəskin ziddiyyətlərin mövcud olması
məlum oldu. KeçmiĢ çar generalı Denikinin könüllü ordusunun Dağıstana hücumu ilə konfrans öz iĢini dayandırmağa məcbur oldu.
―Vahid və bölünməz Rusiya" sərhədlərini bərpa etmək iddiasında olan Denikinin 1919 –cu ilin yazında Dağıstan Dağlılar Respublikasına soxularaq Dərbəndi iĢğal etdi.
Çar
generalının Azərbaycana təcavüzkar niyyətdə olduğu aĢkara çıxdı. Parlamentin, fövqaladə iclasında qəbul olunmuĢ qərara əsasən sərhədlərin təhlükəsizliyini təmin etmək məqsədilə
Dövlət Müdafiə Komitəsi yaradıldı və bütün hakimiyyət onun ixtiyarına keçdi.
Denikin təhlükəsi Gürcüstanı da ciddi narahat etdiyindən iyunun 16-da Gürcüstanla Azərbaycan arasında hərbi müdafiə paktı imzalandı. Bu pakta görə Azərbaycan və
Gürcüstanın istiqlaliyyətinə və ərazi bütövlüyünə hər hansı dövlət tərəfindən təcavüz olunduğu təqdirdə onlar bir-birinə hərbi yardım göstərməli idilər. Üç il müddətinə bağlanan
hərbi pakta Ermənistan iki həftə ərzində qoĢula bilərdi. Lakin Ermənistan Denikinlə gizli müqavilə imzalamağı daha üstün tutdu. Hərbi pakta görə Azərbaycan Gürcüstandan 12
kiçik top, 12 dağ topu, 24 pulemyot, 3 min plan tüfəng/ 211 qılınc, 795 nizə və s. hərbi ləvazimat aldı.
Birinci Dünya müharibəsi 1918-ci ilin noyabrında baĢa çatsa da, onun nəticələrini reallaĢdırmaq uzun bir vaxt tələb edirdi. Qalib dövlətlər müharibədən sonrakı dünyanın
vacib məsələlərini həll etmək üçün Parisdə beynəlxalq sülh konfransının çağırılmasına qərar verdilər.
Azərbaycan parlamenti Paris sülh konfransında iĢtirak etmək üçün tam səlahiyyətli və geniĢ hüquqlara malik nümayəndə heyəti göndərmək haqqında qərar qəbul etdi.
Nümayəndə heyətinə rəhbərlik parlamentin sədri Ə.M.TopçubaĢova tapĢırıldı. Azərbaycan nümayəndə heyətinin Paris sülh konfransında iĢtirak etməkdə əsas məqsədi dünya
dövlətləri tərəfindən Azərbaycan Xalq Cümhuriyyətinin tanınmasına nail olmaq idi. Konfransda iĢtirak etmək üçün 1919-cu ilin yanvarından icazə gözləyən Azərbaycan nümayəndə
heyəti üç aylıq gərgin diplomatik-siyasi mübarizədən sonra ingilislərin köməyi ilə mayın əvvəllərində Parisə gedib çıxa bildi. Mayın 28-də Azərbaycan nümayəndə heyətini ABġ
prezidenti V.Vilson qəbul etdi. Vilsona təqdim edilmiĢ memorandumda Azərbaycan respublikasının yaranma tarixi, onun bir ildə azadlıq yolunda verdiyi qurbanlardan bəhs
olunurdu. Memorandumda göstərilirdi ki, bu mübarizədə Azərbaycanın iki Ģəhəri və 500 kəndi dağıdılmıĢ, 150 min nəfərə qədər sakini qurban getmiĢdir. Təkcə Ġrəvan
quberniyasında qısa bir müddət ərzində 200 müsəlman kəndi yandırılmıĢ və 200 min nəfər müsəlman evsiz-eĢiksiz qalmıĢdır. ABġ prezidentindən Azərbaycan istiqlaliyyətinin
tanınması Vilson prinsiplərinin (1.Hər bir millət xarakterindəki intellektual və mənəvi-dini xüsusiyyətlərinə görə seçilməlidir; 2.Hər bir millət öz taleyini müəyyən etməyə qadir
olduğunu göstərməlidir; 3.O, öz xərclərini ödəmək üçün iqtisadi, təbii və maliyyə vasitələrinə malik olmalıdır; 4.O, özünü xarici təcavüzdən qoruya bilməlidir; 5.O, tabe olduğu
ölkənin hökumətinin zülmündən əziyyət çəkmiĢ olmalıdır) Azərbaycana aid edilməsi, Azərbaycanın Millətlər Cəmiyyətinə qəbul edilməsi, ABġ-ın Azərbaycana hərbi sahədə yardım
göstərməsi, ABġ-la Azərbaycan arasında diplomatik və iqtisadi əlaqələrin bərqərar edilməsi məsələlərində Azərbaycan nümayəndə heyətinə kömək göstərilməsi xahiĢ olunurdu.
Lakin ermənipərəst Vilson Azərbaycan nümayəndə heyətini soyuq qarĢıladı, nümayəndə heyətinə konfederasiya ideyasını müdafiə etməyi, Millətlər Cəmiyyətinin mandatı ilə böyük
dövlətlərdən birinin bu konfederasiya üzərində qəyyumluğunu qəbul etməyi məsləhət gördü. Konfederasiya məsələsinə Azərbaycan və qismən də gürcü nümayəndə heyəti müsbət
yanaĢırdı. Bu iĢin reallaĢmasına əngəl olan isə erməni nümayəndə heyətinin роzuculuq fəaliyyəti idi. Ermənilər Paris sülh konfransı rəhbərliyindən tələb edirdilər ki, Birinci Dünya
müharibəsinin Antantanın xeyrinə qələbə ilə baĢa çatmasında onların böyük xidmətlərini nəzərə alaraq, qalib dövlətlər "Böyük Ermənistan"ın yaradılmasında ermənilərə yardımçı
olmalıdırlar. Guya Qafqazda rus ordusunun tərkibində 180 min, Avropada isə 15 min erməni könüllüsü müttəfiqlərin "müqəddəs iĢi" uğrunda mübarizə aparmıĢdır. Ermənilər
Türkiyənin 7 Ģərq vilayəti, Ġrəvan quberniyası, Tiflis və Yelizavetpol (Gəncə) quberniyalarının cənubunu və Kars torpaqlarından ibarət böyük bir ərazini tələb edirdilər. Bundan əlavə
ermənilər 19 milyard frank həcmində müharibə təzminatı almaq istədiklərini də gizlətmirdilər. Yeri gəlmiĢkən, ermənilərin bu əsassız iddialarını Paris, London, xüsusilə də
VaĢinqton qızğın müdafiə edirdi.