91
Təmtərağı sevən deyildi, şan-şöhrətdən məst olmazdı. Artıq xərcdən,
israfçılıqdan boyun qaçırardı. Çünki əlavə pul xərcləməyi heç sevməz, həddən
artıq qənaətlə dolanardı.
A) Sərvətini daha da artırmaq, daha da çox varlanmaq istəyirdi.
B) Əvvəllər hambal işləmişdi, kasıbçılığın nə olduğunu bilirdi.
C) Çox xəsis idi, pulunu xərcləməyə əli gəlmirdi.
D) O, çox kasıb ailədə anadan olmuşdu, belə çox pul görməmişdi.
❾
Sözlərin əlaqələnməsinə diqqət yetirməklə müəllimin təklif etdiyi
mətni Azərbaycan dilinə tərcümə edib dəftərinizə yazın.
❿
Mətndə altından xətt çəkilmiş sözlərin əvəzinə onların sinonim
qarşılıqlarını qoyub cümlələri yenidən oxuyun. Həmin cümlələrin məzmununda
hər hansı bir dəyişiklik olub-olmadığı barədə fikrinizi söyləyin.
⓫
Mətndən götürülmüş aşağıdakı sözlərin əksmənalı qarşılıqlarını tapıb
qarşılarında yazın və bir neçəsini cümlələrdə işlədin.
xəsis, israfçılıq, varlanmaq, əzəmətli, zay etmək, geri qalmaq, yandırmaq
⓬
Mətndə üzərində ulduz işarəsi qoyulmuş eynicinsli qoşasaitli və
qoşasamitli sözləri dəftərinizə köçürün. Onların düzgün tələffüzü ilə əlaqədar
qaydaları izah edin və hər birinin qarşısında tələffüz şəklini göstərin.
⓭
Mətndə mavi rəngdə verilmiş sözün omonim qarşılığını cümlədə iş-
lədin və həmin feili keçmiş zamanın hər iki növündə şəxslər üzrə dəyişib yazın.
HИKMЯT XЯZИNЯSИNDЯN
Kömək yoxsullar üçündür, israfçılar üçün deyil. Sədi şirazi
⓮
Tapmacanı cavablandırın. Cavabın mətnlə hər hansı bir əlaqəsi olub-
olmadığını əsaslandırın. Cümlələrdəki sözləri yenidən sıralasanız, necə
edərdiniz?
Qırx kişi var bir boyda, bir biçimdə,
Yatıb hamısı bir sandıq içində,
Sandıq da babamın şalvar cibində.
⓯
Lətifəni oxuyun və əsas fikri müəyyənləşdirin. Bu lətifənin və oxu-
duğunuz mətnin məzmunu arasında hər hansı bir əlaqə görürsünüzmü? Fikri-
nizi əsaslandırın.
Teymurləngsən ki, varsan
Günlərin birində Teymurləng Mollaya deyir: – Molla, bu gün kefim çox
sazdı. Sənə bir şey bağışlamaq istəyirəm. Amma bilmirəm nə bağışlayım ki,
sənin ürəyindən olsun.
Molla deyir: – Qibleyi-aləm sağ olsun, elə sən hər nə bağışlasan, mənim
Çap üçün deyil
92
ürəyimdən olar.
Teymur deyir: – Onda qoy mən bir-bir sayım, sən özün seç! Ya on qızıl, ya
bir at, ya bir sürü qoyun, ya da bir bağ. Hansını istəyirsən?
Molla deyir: – Əgər mənim ürəyimi soruşursansa, mən istəyirəm, sən
sübut eləyəsən ki, doğrudan da, ədalətli bir şahsan.
Teymur deyir: – Necə?
Molla deyir: – Əgər mən on qızılı cibimə qoyub ata minsəm, qoyunları
qabağıma salıb bağa getsəm, sən sübut eləmiş olarsan ki, ədalətli şahsan.
Teymur deyir: – İştahan pis deyil. Əgər heç birini verməsəm?
Molla deyir: – Heç bir şey. Sübut eləmiş olarsan ki, elə Teymurləngsən ki,
varsan.
|
Lətifədə işlənmiş feillərin şəxsini və kəmiyyətini müəyyənləşdirin.
⓰
Lətifədə qara şriftlə verilmiş sözləri və ifadələri yaxınmənalı qarşılıqları
ilə əvəz edib cümlələri yenidən oxuyun. Hansı variant daha çox xoşunuza
gəlir? Fikrinizi bildirin.
⓱
Aşağıdakı məlumatı oxuyun və orada işlənmiş qoşmaları tapıb
qoşulduğu sözlərdə hansı məna çaları yaratdığını izah edin.
“İsmailiyyə” binasının üzərində İmam Əlinin aşağıdakı müdrik sözləri
həkk edilmişdi: “İnsan əməyi ilə ucalır və arzularına yalnız zəhməti ilə
çatır”; “İnsan doğulandan ölənə qədər öyrənməlidir”; “Müsəlmanlar! Sizin
dövrünüz sizinlə birlikdə ölür, öz övladlarınızı yeni dövrə hazırlayın!”
⓲
Aşağıdakı məlumatı oxuyun. Deyilənlər Nağıyevin xarakterini səciy-
yələndirən və onun varlı olmasını təmin edən cəhətlərdən sayıla bilərmi?
Müzakirə edin və fikrinizi yoldaşlarınızla bölüşün.
Qoçulər iki dəfə Ağa Musanı oğurlayib öldürməklə hədələmişdilərsə
də, ondən heç nə qopara bilməmişdilər. Bir dəfə onu gizli mənzila gətirib on
min manat tələb edirlər. Ağa Musa özünu itirməyib deyir: “Min manat verə
biləram, artıq yox”. Qaçıranlar onu ölümlə hədələyanda halını pozmadan de-
yir: “Atam, atam, öldürun. Öldürsəniz, o min manat da əlinızdan çıxacaq, onu
da ala bilməyəcəksınız”.
|
Altından xətt çəkilmiş sözlərdə ahəng qanunu pozulmuşdur. Bu sözlər
necə yazılmalı idi? Fikrinizi əsaslandırın.
⓳
Aşağıdakı atalar sözlərini oxuyun və yadınızda saxlayın. Onların
içərisində mətnin məzmunu ilə səsləşəni varmı? Fikrinizi əsaslandırın.
1) Xəsisdən alınan yumurtanın sarısı olmaz. 2) İçim özümü yandırır,
çölüm özgəni. 3) İgidlik biləklə deyil, ürəklədir. 4) İlan öz əyrisin bilməz,
deyər: dəvənin boynu əyridi.
ATALAR SЮZЦ – AЬLIN GЮZЦ
Çap üçün deyil
93
§ 24. xEYRİYYƏçİ HACI zEYNALABDİN TAğIYEV
Hacı Zeynalabdin Tağıyevin bir xeyriyyəçi kimi tarixdə qalmasının sə bə-
bini anlamağa təkcə bir misal kifayət edər:
Tağıyev öz ana dillərində oxumaları üçün Bakıda ilk qız məktəbinin
açılması xahişi lə imperator III Aleksandra müraciət edir. III Aleksandr bu
xahişi rədd edir. Lakin Tağıyev bu fikirdən əl çəkmir və istəyinə nail* ol-
maq üçün əlindən gələni əsirgəmir. Əvvəlcədən* məktəbin xərcini ödəmək
üçün banka 150.000 manat qoyur. Bu, beş faizdən* ildə 7.500 manat gəlir
gətirəcəkdi ki, məktəbin bütün xərcləri artıqlaması ilə ödəniləcəkdi.
1896-cı ildə qız məktəbi açmağa icazə verilir. Tağıyev 1898-ci ildə mək-
təbin binasını tikdirməyə başlayır. Məktəbin binası 1900-cü ildə hazır olur.
Bina 184.000 manat qızıl pula başa gəlir. Bundan əlavə, tədris avadanlığına
29.000 manat xərclənir. Bankda 125.000 manat toxunulmaz kapital saxlanılırdı.
Məktəb seminariyaya çevriləndən sonra vəsait* 225.000 manat olmuşdu.
Məktəbə 58 qız qəbul edilmişdi; onlardan 35 nəfəri kasıb ailələrdən*
idi. Onlar təhsil haqqından azad edilmişdilər. Geyim və yemək-içməklərinin
xərcini Tağıyev ödəyəcəkdi.
Musa Nağıyev birinci Realnı* məktəbin hamiliyini öhdəsinə götürmüşdü.
Hər il hazırlıq* sinfinə 25 müsəlman uşağını əlavə qəbul etdirməyə nail
olmuşdu. Bunun nəticəsində az bir zamanda məktəbdə müsəlman şagirdlərinin
sayı 50 faizə*çatmışdı.
... O zamanlar* dustaqları Nargin adasında saxlayırdılar. Camaat* ora
gedib-gələndə çox əziyyət* çəkirdi. Tağıyev camaatın xahişi ilə təzəcə tikilib
qurtarmış beşmərtəbəli dəyirman binasını
dustaqxana
üçün bağışlayır.
Tağıyevin bu cür xeyriyyə* işlərinin sayı-hesabı yoxdu. Ona görə də o, tarixdə
milyonçu kimi deyil, böyük xeyriyyəçi kimi yaşadı.
Hacı pula güvənib yolundan* azmamaq üçün bənnalıq* etdiyi baltanı
imarətindəki seyflərdən birinin divarından* qapı ilə üzbəüz asıbmış ki, hər
açanda görsün və o günlərini* yadından çıxarmasın...
SЮZ EHTИYATI
başa gəlmək – обойтись
əlindən gələni əsirgəməmək – не жалеть
əl çəkmək – burada: отречься yolunu azmaq – сбиться с пути
❶
Oxuduğunuz faktlar sizi hansı qənaətə gətirib çıxarır? Mətndən çıxar-
dığınız nəticə barəsində fikirlərinizi yoldaşlarınızla bölüşün. Danışarkən digər
danışanların fikrinə də münasibət bildirin.
❷
Mətndəki faktlardan istifadə edərək aşağıdakı sualların mətnin məz-
mununu əks etdirmədiyini əsaslandırın.
Çap üçün deyil
Dostları ilə paylaş: |