KOSMONAVTLARIN
BAYRAMI
Ü
mumdünya Kosmonavtika Günü 12 aprel tarixində
qeyd edilir. Ulduz şəhərciyində həmin gün hər za-
man təntənəli idi. Bayramdan bir neçə gün öncə şəhərcikdə
canlanma müşahidə olunur. Hər şey səliqəyə salınır, qəsəbə
bəzədilir. Zabitlər Evində Yuri Qaqarinin böyük şəkli yerləşdi-
rilir. Həmin gün istirahət günüdür. Zabitlər heyəti parad for-
masında gəzir, kosmonavtlar isə yaxalarındakı çoxsaylı medal-
larla fərqlənirdilər.
Qaqarinin abidəsinin önündə hər il yığıncaq və hərbi parad
təşkil olunur. Daha sonra tədbir Zabitlər Evində davam edir:
ən məşhur rusiyalı müğənnilərin çıxışı ilə konsert proqramı
olur.
1977-ci ildə ilk dəfə belə bir tədbirin iştirakçısı olmalı idim.
Biz namizədlər xüsusilə xoş qarşılanırdıq. Aviator formaların-
da çıxış edirdik: çexlər göy rəngli, biz polyaklar isə gümüşü
rəngli formalarda. Tədbiri təmtəraqlı ziyafət bağlayırdı. Ban-
ket zamanı bizi tanınmış kosmonavtların analarına təqdim
edirdilər. Onların arasında Anna Timofeyevna – Yuri Qaqari-
nin anası da var idi. Görüş qısa, nəzakət xarakterli idi. Qaqari-
nin anasını şəkillərdən xatırlayırdım. Çox xoş qadın idi, söhbə-
ti davam etdirmək istədiyini hiss etdim, lakin, təəssüflər olsun
ki, bizdən konsert zalına keçməyimizi xahiş etdilər. Gedərkən
mənə dediyi sözləri eşitdim: “Miroslav, səni bizə dəvət edirəm,
gələrsən”. Dəvətə görə təşəkkür etdim.
Bir neçə il sonra, Qaqarinin uçuşunun 20-ci ildönümündə,
artıq kosmonavt olaraq Kosmonavtika Gününə həsr edilən təd-
birə dəvət olunmuşdum. Zabitlər Evinə tələsirdim. Foyedə bir
neçə həmkarımla - sovet kosmonavtları, həmçinin bir qrup bey-
nəlxalq namizədlərlə qarşılaşdım. Hər zaman olduğu kimi, ilk
olaraq Aleksey Leonov çıxış edirdi. Hər qonağı mehribanlıqla
salamlayırdı, üstəlik hələ zarafat da edirdi. Bizdən pərdə arxa-