Birinci kitab
Yüklə 3,06 Mb. Pdf görüntüsü
|
50
Pemberlinin yaxınlığında, onu örnək götürərək mülk alasan. Bütün İngiltərədə mən Derbişirdən yaxşı qraflıq tanımıram. — Səninlə ürəkdən razıyam. Əgər Darsi satsaydı, mən hətta Pemberlini alardım. — Mən mümkün olandan danışıram, Çarlz. — Doğru sözümdür, Kerolayn, belə bir mülkə Pemberlini alaraq sahiblənmək olar, nəinki onu tikdirməyə cəhd etməklə. Bu söhbət Elizabeti elə maraqlandırdı ki, o, kitab oxumağı saxladı və onu bir kənara qoyaraq kart oynanılan masaya yaxınlaşdı; mister Binqli və missis Hörstün arasında yerləşərək oyunu müşahidə etməyə başladı. — Düşünürəm ki, miss Darsi keçən yazdan bəri xeyli böyüyüb, — miss Binqli dedi. — Yəqin ki, o, mənim kimi hündürboy olacaq. — Tamamilə mümkündür. Bu saat o, bəlkə də miss Elizabet Bennet boydadır və ya bir az hündürdür. — Onu bir daha görməyi elə istərdim ki! Mən onun kimi xoşuma gələn heç kəslə ömrümdə qarşılaşmamışam. Onun görünüşü və maneralan füsunkardır. Hələ bu yaşda o cür savadlı olmaq! O, fortepianoda əsl musiqiçilərdən pis çalmır. — Məni təəccübləndirir, — Binqli dedi, — bütün gənc ledilərin savadlı olmaqdan ötrü səbirləri necə çatır. — Bütün gənc ledilər savadlıdır?! Çarlz, əzizim, sən bununla nə demək istəyirsən? — Məncə, hamısı. Onlann hamısı, peyzaj çəkir, haşiyə downloaded from KitabYurdu.org
51
bəzəyir, cüzdan toxuyurlar. Mən bunu etməyi bacarmayan bir qız belə, yəqin ki, tanımıram. Mən hələ eşitməmişəm ki, bir gənc ledi haqqında onun necə savadlı olduğunu deməyələr. — Gənc qadınların saydığınız kamillikləri, — Darsi dedi, — təəssüf ki, doğrudur. Cüzdan toxumağı, haşiyə bəzəməyi bacaran hər bir qadını savadlı adlandırırlar. Ancaq mən sizin qadın təhsili haqqında fikrinizlə razılaşmaqdan çox uzağam. Mən, məsələn, öyünə bilmərəm ki, tanıdığım qadınların içində beş-altı savadlı qadın tapa bilərəm. — Mən sizinlə tamamilə razıyam, — missis Binqli dedi. — Bu halda, — Elizabet qeyd etdi, — siz, ehtimal ki, “savadlı qadın” anlayışının dəqiq tərifini verə bilərsiniz. — Bəli, o mənə kifayət qədər aydın görünür. — Ooo, gerçəkdən! — onun sadiq müttəfiqi səsləndi. — O qadın əsl savadlı sayıla bilər ki, o, ətrafmdakılarm hamısından bir baş boyu yuxarıda dursun. Qadın adlanmağa layiq olan kəs musiqini, mahnı oxumağı, rəssamlığı, rəqsləri və xarici dilləri yaxşı öyrənməlidir. Bütün bunlardan başqa, onun, necəsə xüsusi özünəməxsus zahiri görünüşü, maneralan, yerişi, tələffüzü və dili olmalıdır — əks təqdirdə o, qadın adlanmağa yalnız yarıya qədər layiq olacaq. — Bütün bunlara o, doğrudan da, sahib olmalıdır, — Darsi dedi. — Ancaq mən bunlara daha əhəmiyyətli bir şey əlavə etmək istərdim — geniş mütaliə ilə inkişaf etmiş downloaded from KitabYurdu.org
52
ağıl. — Bu təqdirdə sizin yalnız beş-altı savadlı qadın tanımağınız məni əsla təəccübləndirmir. Mənə qəribə gələn daha çox odur ki, onları axtarıb tapmaq sizə müyəssər olmayıb. — Yəni siz öz cinsinizə qarşı bu qədər tələbkarsınız və şübhə edirsiniz ki, belə qadınlar həyatda var? — Onlar mənə rast olmayıblar. Mən heç vaxt görməmişəm ki, bir insanda, sizin bayaq saydığınız bütün bu qabiliyyətlər, maneralar, zövqlər birləşsin. Missis Hörst və miss Binqli onlann cinsinə qarşı belə bir qınağın ədalətsizliyindən hiddətləndilər və bir-birinə macal vermədən inandırmağa çalışdılar ki, onlar təklif olunan keyfiyyətlərə tamamilə cavab verən xeyli qadınla qarşılaşıblar. Ancaq nəhayət ki, mister Hörst onlann oyuna diqqət yetirmədiklərindən gileylənərək, onları sakitliyə dəvət etdi. Söhbət kəsildi və Elizabet az sonra otaqdan çıxdı. Qapı örtüldükdən sonra miss Binqli dedi: — Eliza Bennet öz cinsini alçaldaraq qarşı cinsin nümayəndələrinin xoşuna gəlməyə çalışan qızlardandır. Etiraf edim ki, bir çox kişilərə bu xoş təsir göstərir. Ancaq məncə, bu, pis anlamlı alçaq hiylədir. — Şübhəsiz, — bu iradın ünvanladığı Darsi dilləndi. — Kişiləri tovlamaq üçün qadınların istifadə etdiyi bütün üsullar alçaqdır. Hiyləgərliklə əmələ gələn hər şey ikrahdoğurucudur. downloaded from KitabYurdu.org 53
Miss Binqli aldığı cavabdan o qədər də məmnun qalmadığı üçün bu mövzuda söhbəti davam etdirmədi. Elizabet yenidən onların yanma qayıdaraq xəbər verdi ki, bacısının halı daha da pisləşib, ona görə də o, daha bacısından ayrıla bilməyəcək. Binqli mister Consun arxasınca ləngitmədən adam göndərməyi israr etdi. Onun bacıları inandırmağa çalışdılar ki, belə ucqar yerdə lazımi yardımı almaq olmaz. Onlar paytaxtdan tanınmış həkimin gətirilməsi üçün ekipaj göndərməyi tövsiyə etdilər. Elizabet bu barədə eşitmək belə istəmədi və mister Binqlinin təklifi ilə razılaşdı. Qərara alındı ki, Ceyn sabaha qədər xeyli dərəcədə yaxşılaşmasa, mister Consun arxasınca sübh tezdən adam göndərilsin. Binqli çox narahat idi, onun bacılan isə özlərini olduqca bədbəxt hiss etdiklərini deyirdilər. Fəqət onlar şam yeməyindən sonra duetlər oxumaqla rahatlıq tapa bildilər. Həmin vaxt Binqlinin yeganə təsəllisi eşikağasına xəstə qonağa və onun bacısına yüksək diqqətlə yanaşmağı tapşırması oldu. IX
FƏSİL Elizabet, demək olar, bütün gecəni xəstənin yatağının yanında keçirdi və səhər tezdən məmnuniyyətlə onun sağlıq durumu barədə mister Binqlinin sübhdən göndərdiyi qulluqçunun, daha sonra onun bacılarına xidmət edən iki zərif xanımın vasitəsilə kifayət qədər şad xəbər göndərdi. Ancaq xəstəliyin sınma anının müşahidə olunmasına baxmayaraq, o, hər halda Lonqborna məktub göndərməkdə ona yardımçı olmağı xahiş etdi. O, məktubda anasının gəlməsini və durumu onun özünün downloaded from KitabYurdu.org
Yüklə 3,06 Mb. Dostları ilə paylaş:
|