Buxovlari qıran

222
Buxovları qıran
lığında  etməyinizdir.  Heç  kim  o  biri  insanın  günahının  ağrısını 
çəkmədən və qəbul etmədən həqiqətən bağışlaya bilmir. Bu, haq-
sız görünə bilər və siz «burada ədalət yoxdur» fikirləşə bilərsiniz, 
amma ədalət çarmıxda tapılır. Çarmıxa görə bağışlama qanuni və 
ədalətlidir. 
İsa  günahın  əbədi  nəticələrini  Öz  üzərinə  götürüb.  «Günahla 
əlaqəsi  olmayan  Məsihi  Allah  bizim  uğrumuzda  günah  qurbanı 
verdi  ki,  biz  Onda  Allahın  salehliyinə  nail  olaq»  (2  Kor.  5:21). 
Amma  biz  çox  vaxt  başqa  insanların  günahlarının  müvəqqəti 
nəticələrindən  əzab  çəkirik.  Bu,  sadəcə,  hər  birimizin  üzləşməli 
olduğu həyatın sərt reallığıdır. 
O biri insanın sizdən üzr istəməsini gözləməyin. Yadda 
saxlayın, İsa onu çarmıxa çəkənləri bağışlamazdan əvvəl onların 
üzr  istəmələrini  gözləmədi.  Hətta  onlar  Onu  ələ  salıb,  lağa  qo-
yanda belə, O dua etdi: «Ata! Onları bağışla, çünki nə etdiklərini 
bilmirlər» (Luka 23:34). 
Səmimi qəlbdən bağışla. Sizi incidən insanlara qarşı hiss et-
diyiniz ağrılı emosiyalarınızı Allahın üzə çıxarmasına icazə verin. 
Əgər sizin bağışlamağınız həyatınızın emosional mərkəzinə toxun-
mursa, bu tamamlanmayacaq. Bir çox vaxtlar biz ağrıdan qorxu-
ruq,  ona  görə  də  öz  emosiyalarımızı  ürəyimizin  dərinliklərində 
basdırırıq.  Qoy  Allah  onları  üzə  çıxarsın  ki,  həmin  zədələnmiş 
emosiyalara şəfa verməyə başlaya bilsin. 
Bağışlama  kiminsə  günahına  görə  ona  qarşı  artıq  kin 
saxlamamağa  qərar  verməkdir.  Kin  saxlayan  insanların  on-
ları incidən insanlarla bağlı keçmiş məsələləri qaldırması çox ge-
niş  yayılmış  bir  şeydir.  Onlar  həmin  insanların  özlərini  pis  hiss 
etmələrini istəyirlər. Amma biz keçmişi əlimizdən buraxmalıyıq və 
hər bir qisas hissini rədd etməyə qərar verməliyik. Bu, o demək 
deyil  ki,  siz  başqalarının  gələcək  günahlarına  dözməkdə  davam 
etməlisiniz. Allah günaha dözmür, siz də dözməli deyilsiniz. Baş-
qaları tərəfindən özünüzün daim incidilmənizə icazə verməyin. Sizi 

---

Məsihdə azadlıq addımları 
223
incidən insanlara qarşı lütf və bağışlamanı tətbiq etməkdə davam 
edərək günaha qarşı dayanın. Əgər sizə sonrakı incikliklərdən özü-
nüzü qorumaq üçün ağıllı qərarlar çıxarmaqda kömək lazımdırsa, 
etibarlı bir dostunuz, məsləhətçiniz və ya pastorunuz ilə danışın.
Gözləməyin  ki,  sizin  emosiyalarınız  bağışlamağa  razı 
olacaq
. Onlar buna heç vaxt razı olmayacaq. Onlar razı olmasa 
da bağışlamaq üçün çətin seçimi edin. Siz bağışlamağı seçəndən 
sonra şeytan həmin sahədə üzərinizdə olan öz gücünü itirəcək və 
Allahın şəfa verən gücü sizə toxuna biləcək. İndi əldə edəcəyiniz 
bir şey azadlıqdır, ola bilsin ki, emosiyalarınızın dəyişilməsi üçün 
bir az vaxt lazım olacaq. 
İndi  siz  bağışlamaq  üçün  hazırsınız.  Siyahınızda  olan  birinci 
insandan başlayaraq, yadınıza düşən hər bir ağrılı xatirəyə görə 
həmin insanı bağışlamağı seçin. Yada düşən bütün ağrıları bağış-
ladığınıza əmin olana qədər həmin şəxsdə dayanın. Sonra siyahını 
eyni üsulla davam etdirin. 
İnsanları bağışlamağa başladıqca Allah tamamilə unutduğunuz 
ağrılı  xatirələri  sizin  yadınıza  sala  bilər.  Hətta  bu,  sizi  incitsə 
də,  Onun  bunu  etməsinə  icazə  verin.  Allah  sizin  azad  olmağı-
nızı  istəyir;  bunun  yeganə  yolu  həmin  insanları  bağışlamaqdır. 
Sizi incidən şəxs sizə çox yaxın insan olsa da, onun davranışını 
bəhanə etməyə çalışmayın.
«Rəbbim, xahiş edirəm, mənə bağışlamağa kömək et» deməyin. 
O, artıq sizə kömək edir və bütün proses boyunca sizinlə olacaq. 
«Rəbbim, mən…bağışlamaq istəyirəm» deməyin, çünki bu, bizim 
etməli  olduğumuz  çətin  seçimin  yanından  ötüb  keçir.  «Rəbbim, 
mən…bağışlamağı seçirəm» deyin. 
Siyahıdakı istənilən insana görə olan hər bir ağrılı xatirə üçün 
ucadan bu duanı edin: 
Rəbbim,  mən  (insanın  adı),  (onların  etdiklərinə 
və ya etmədiklərinə) görə bağışlamağı seçirəm, çünki 
buna görə mən (ağrılı hissləri bölüşün) hiss etdim. 

---

224
Buxovları qıran
Yadınıza düşən bütün incikliklərə görə bir insanı bağışladıqdan 
və hansı hisslər keçirdiyinizi səmimi şəkildə ifadə etdikdən son-
ra ucadan aşağıdakı duanı etməklə həmin insan üçün bağışlama 
duasını bitirin:
Rəbbim,  mən  inciklikdən  əl  çəkməyi  seçirəm. 
Məni  kinin  əsarətindən  azad  etdiyinə  görə  Sənə 
minnətdaram. Mən qisas almaq haqqımı kənara atıram 
və Səndən zədələnmiş emosiyalarıma şəfa verməyini 
xahiş edirəm. İndi məni incidənlərə xeyir-dua verməni 
Səndən xahiş edirəm. İsanın adı ilə dua edirəm. Amin. 
4
-cü addım: Üsyankarlığın əvəzinə tabeçilik 
Biz  üsyankar  bir  əsrdə  yaşayırıq.  Bir  çox  insanlar  qanunlara 
və hökmranlıqlara yalnız onlar üçün münasib olanda tabe olurlar. 
Hakimiyyətdə olanlara qarşı ümumi bir hörmətsizlik hissi var və 
məsihçilər çox vaxt cəmiyyətin qalan üzvləri kimi tənqidi, üsyan-
kar ruhu qidalandırmaqda təqsirlidirlər. Əlbəttə, bizdən rəhbərlərin 
Kəlama riayət etməyən siyasətləri ilə razılaşmaq tələb olunmur, 
amma biz Peterin sözlərinə münasib tərzdə yaşamalıyıq: «Hamıya 
hörmət edin. İmanlı bacı-qardaşları sevin, Allahdan qorxun, pad-
şaha hörmət edin» (1 Peter 2:17). 
Üzərimizdə olan hakimiyyətin yalnız ürəyimiz istəyəni etməkdə 
azadlığımızı oğurladığına inanmaq çox asandır. Həqiqət budur ki, 
Allah onları bizim müdafiəmiz və azadlığımız üçün oraya qoyub. 
Allaha  və  Onun  qoyduğu  hakimiyyətə  qarşı  üsyankarlıq  etmək 
çox  ciddi  bir  günahdır,  çünki  bu  günah  şeytanın  hücum  etməsi 
üçün geniş yol açır. Tabe olmaq yeganə həll yoludur. Amma Allah 
tabeçiliyin sadəcə zahiri görünüşündən daha dərin şeyi tələb edir; 
O istəyir ki, biz hakimiyyətdə olanlara səmimi qəlbdən tabe olaq. 
Siz Allahın və Onun üzərinizdə təyin etdiyi insanların hakimiyyəti 
altında  dayananda  şeytani  hücumlar  üçün  bu  təhlükəli  girişi 
özünüzdən uzaqlaşdırırsınız. 

---