Məsihdə azadlıq addımları
227
Rəbbim, mən etiraf edirəm ki, mən (adı) qarşı
(dəqiq nə etdiyinizi söyləyin) ilə üsyankar olmuşam.
Mənim üsyankarlığımı bağışladığına görə çox sağ ol.
Mən indi təvazökar olmağa və Kəlamına itaətkar ol-
mağa qərar verirəm. İsanın adı ilə dua edirəm. Amin.
5
-ci addım: Qürur əvəzinə təvazökarlıq
Qürur öldürür. Qürur deyir: «Mənə Allahın və ya başqa kiminsə
köməyi lazım deyil. Mən özüm yoluna qoyaram.» Əsla, siz bunu
edə bilməzsiniz! Bizə Allah mütləq lazımdır və bir-birimizə son
dərəcədə böyük ehtiyacımız var. Həvari Paul yazır: «Allahın
Ruhu vasitəsilə ibadət edən, Məsih İsa ilə fəxr edən və cismani
şeylərə güvənməyən bizlərik» (Filip 3:3). Bu təvazökarlığa gözəl
bir tərifdir: cismani şeylərə, yəni özümüzə güvənməmək, əksinə,
«Rəbdə və Onun böyük qüvvəsində möhkəmlənmək» (Efes. 6:10).
Təvazökarlıq
düzgün şey, yəni Allaha etibar etməkdir.
Sül. məs. 3:5-7 oxşar fikri ifadə edir: «Bütün qəlbinlə Rəbbə
güvən, öz idrakına etibar etmə. Bütün yollarında Onu tanı, O,
sənin yollarını düzəldər. Öz gözündə özünü hikmətli sanma,
Rəbdən qorx, şərdən çəkin.» (Yaqub 4:6-10 və 1 Peter 5:1-10-
da bizə xəbərdarlıq edir ki, bizim qürurlanmağımız ciddi ruhani
problemlər ilə nəticələnəcək.). Allah qarşısında təvazökarcasına
yaşamağa görə qərar verməyinizi ifadə etmək üçün aşağıdakı
duadan istifadə edin:
Əziz göylərdə olan Atam, Sən deyirsən ki, əcəldən
əvvəl təkəbbür və fəlakətdən əvvəl lovğalıq ruhu
gəlir. Mən əsasən başqaları barəsində deyil, özüm
barəsində düşündüyümü etiraf edirəm. Mən özümü
imtina etməmişəm, gündəlik çarmıxımı götürüb Sənin
ardınca gəlməmişəm. Bunun nəticəsində həyatımda
şeytana yer vermişəm. Mən təkbaşına xoşbəxt və
uğurlu ola biləcəyimə inanaraq günah etmişəm. Mən