Cek london oyun
Yüklə 1,46 Mb. Pdf görüntüsü
|
www.vivo-book.com 195 – Mən heç istəmirəm də. Gəlsənə, Terner tərsanəsinə bir baş çəkək. Ağlıma bir fikir gəlib, bəlkə gərəyimiz oldu. Biz tərsanəyə yollandıq, Çarli orda məni, sudan çıxarılıb təmizlənmək və təmir üçün slipin 61 üstünə qoyulmuş “Meri-Rebekka”ya tərəf apardı. Biz yüz qırx ton yük qaldıran yastı dibli paroxoda yaxşı bələd idik, körfəzdə heç bir şxunun yelkənlərinin ümumi sahəsi bu qədər deyildi. Çarli əynində göy köynək olan qrot-qafelə donuz piyi sürtən zorba şvedə müraciət etdi: – Ole, işlər necədir? Ole nə isə mızıldadı, işdən ayrılmadan qəlyanını tüstülətməyə başladı. Körfəzdə şxun sürən kapitan da dənizçilərindən geri qalmamaq üçün möhkəm işləməli olurdu. Ole Eriksen Çarlinin zənnini təsdiq etdi, təmir işləri qurtaran kimi “Meri-Rebekka” San-Xoakin çayı ilə yuxarı, Stoktona buğda daşımağa yollanacaqdı. Bu vaxt Çarli 61 Slip – gəmiləri qaldırıb kənara çəkmək üçün qurğu (Tərc. qeydi). www.vivo-book.com 196 xahişini bildirdi, ancaq Ole Eriksen başını qətiyyətlə tərpətdi. Çarli onu dilə tutdu: – Bir qarmaq, təkcə yaxşı bir qarmaq. Ole Eriksen cavab verdi: – Yox, bunu mən bacarmaz. “Meri-Rebekka”nın qarmağı hər lənətə gəlmiş dayaz yer ilişib qalar. Mən “Meri- Rebekka” itirmək istəməz. Olan-qalan bu. Çarli onu inandırdı ki: – Yox, elə deyil, yox. Biz qarmağın ucunu qayığın dibindən keçirərik, içəridən qayka ilə bərkidərik. İşimizi qurtarandan sonra anbara düşüb, qaykanı açıb, qarmağı itələyərik. Sonra biz deşiyə taxtadan qayırılmış tıxac taxarıq, sənin şxunun tam qaydasında olar. Ole Eriksen uzun müddət dediyindən dönmədi, biz onu yaxşıca nahara qonaq etdik, axırdan-axıra yola gətirdik. O, nəhəng yumruğunu ovcunun içinə çırpıb dedi: – Hə, nə edir et, sizi ildırım vursun! Bu qarmağı tələsik düzəlt. “Meri-Rebekka” bu gecə suya gedər. www.vivo-book.com 197 Şənbə günü idi. Çarli tələsməli idi. Biz tərsanənin yaxınlığındakı dəmirçixanaya yollandıq. Orda Çarlinin göstərişi ilə bizim üçün nəhəng, möhkəm əyilmiş polad qarmaq düzəltdilər. Sonra biz tez “Meri-Rebekka”ya qayıtdıq. Çıxarılan gilin keçdiyi iri gil quyusunun arxasında deşik açdıq. Mən bayırdan ora qarmaq keçirtdim. Çarli isə içəridən onu möhkəm qayka ilə çəkib bağladı. Biz işimizi qurtaranda qarmaq şxunun dibindən bir futacan çıxmışdı. O, oraq şəklində, ancaq ondan da iti əyilmişdi. Axşama yaxın “Meri-Rebekka”nı suya saldılar, yola düşmək üçün hər bir iş götürülmüşdü. Çarli və Ole axşam səmasına diqqətlə baxırdılar görsünlər ki, sabah külək olacaq ya yox; sahil küləyi əsməsəydi planımız baş tutmayacaqdı. Onlar ikisi də belə nəticə çıxartdılar ki, bütün əlamətlər adi gündəlik sahil küləyinin yox, güclü qərb küləyinin demək olar ki, qasırğanın başlanacağını göstərir. Ertəsi gün onların dedikləri yerini aldı. Günəş parlaq işıq saçırdı, ancaq Karkinez körfəzində qasırğa küləyi əsirdi, www.vivo-book.com 198 “Meri-Rebekka” qrotunda iki rif 62 , bir fokla 63 səfərə çıxdı. Körfəzdə və Syunsan limanında bizi gəmi möhkəm atıb- tutdu, ancaq tezliklə külək tutmayan yerə keçdik, külək əvvəlki kimi yelkənlərə yaxşı dolsa da, sakitlik oldu. Şip-Aylend mayakını keçəndə rif vasitəsilə gəmi yelkənlərini yığışdırırdıq. Çarlinin göstərişi ilə iri balıqçı stakseli 64 dikəltmək üçün hazır idi, dor ağacının başına bağlanmış fok tapseli açıb elə qoymuşduq ki, istədiyimiz vaxtda qaldıra bilərdik. Biz yelkənləri kəpənək kimi açıb staksel sağ tərəfimizdə, qrot solumuzda, küləyin istiqaməti ilə sürətlə gedirdik, tezliklə qabaqda balıqçıların dəstəsini gördük. Bütün çay göz baxdıqca, keçən dəfəki kimi, bizə kələk gəldikləri gündə olduğu kimi başdan-başa qayıqlarla, torlarla dolu idi. Sağ sahildə onlar gəmilər üçün ensiz keçid qoymuşdular, qalan suyun üzü başdan-başa geniş açılmış 62 Rif – gəmi yelkənində ip keçirilən halqa, ilmək (Tərc. qeydi). 63 Fok – gəminin qabaq dorunda olan alt yelkən(Tərc. qeydi). 64 Staksel – üçbucaq çəp yelkən (Tərc. qeydi). www.vivo-book.com 199 torlarla dolu idi. Biz sözsüz ki, bu ensiz yerdən keçməli idik, ancaq sükanın arxasında durmuş Çarli “Meri-Rebekka”nı düz torların üstünə sürdü. Ancaq bu balıqçıları narahat etmədi, çünki çay yuxarı gedən gəmilərin gilinin üstündə adətən, “altlıqlar” qalır, bunlar da torun üstündən sürüşüb gedir, onlara ilişmir. Biz torların ucundakı uzun sıra ilə düzülmüş qursaların üstündən keçəndə Çarli dedi: – İşləri bitdi! Bu qursaların bir ucunda balaca bir çəllək – siqnal üzgəci, o birisində isə içində iki balıqçı olan qayıq var idi. Çəlləklə qayıq birdən sürətlə bir-birinə yaxınlaşmağa başladı, balıqçılar bizim onları dalımızca sürüdüyümüzü görüb ucadan qışqırmağa başladılar. İki-üç dəqiqə ötmüşdü ki, biz ikinci, dalınca üçüncü toru dartırdıq, gəmi dəstəsinin ortası ilə hərəkət edərək, torları bir-birinin dalınca qarmağa ilişdirirdik. Özünü itirmiş balıqçılar çaşbaş qalıb bizə baxırdılar. Biz tora ilişincə, onun iki ucu da – siqnal üzgəci də, qayıq da bir-birinə yaxınlaşır, bizim şxunun dalınca hərəkət edirdi, Yüklə 1,46 Mb. Dostları ilə paylaş:
|