Cek london oyun
Yüklə 1,46 Mb. Pdf görüntüsü
|
www.vivo-book.com 231 Karkinez körfəzi boyu küləyə üstün gələrək, gəminin böyürlərinə dəyən qüvvətli, dəhşətli dalğalar əmələ gətirirdi. Mənim üst-başım tamam su içindəydi, hətta yelkənim də şkatorunadək islanmışdı. Bir dəfə cəld bir manevrlə özümü Demetriosa çatdırdım, mənim qayığımın burnu onun gəmisinin ortasına toxundu. Bu vaxt mənə köməkçi çox gərək idi. Özümü elə təzəcə irəli atmışdım ki, onun qayığına hoppanım, o, avarla öz qayığını mənimkindən araladı, bunu edərkən təhqiredici şəkildə düz üzümə baxıb güldü. Biz Karkinez körfəzinin başlanğıcında çox qorxulu bir sahədə idik. Vallexo və Karkinez körfəzlərinin suları sürətlə bir-birinə qarşı gəlirdi. Nap çayının və sahildəki nəhəng çəkilmənin suları Vallexo körfəzindən Syuisan limanın Sakramento San-Xoakin çaylarının suları Karkinez körfəzindən keçirdi. Bu qorxulu axınlar toqquşan yerdə dəhşətli iti axın əmələ gəlirdi. Bütün bunlar azmış kimi, külək San-Pablo körfəzinə tərəf on beş dəniz mili qüvvəsində əsir, nəhəng dalğaları iti axıntıya çırpırdı. Bir-birinə zidd axınlar toqquşur, burulğanlar, girdablar, çalalar əmələ gətirir, dörd bir tərəfə çırpınır, qəzəbli dalğalar www.vivo-book.com 232 şaxə qalxır. Həm külək əsən tərəfdən, həm də o biri tərəfdən qayığımıza çarpırdı. Bütün bu çaxnaşmaların arasında San- Pablo limanından hərəkəti nəticəsində sanki ağlını itirmiş nəhəng, köpüklənən güclü ləpələr gurultu ilə axırdı. Mən də fırtınalı dəniz kimi qəzəblənmişdim. Qayıq cıdır atı kimi bütün bu qarmaqarışıqlığın içindən keçərək, bütün maneələri dəf edərək, ildırım sürətilə irəli çarpırdı. Mənim bütün varlığımı sakitləşməyən sevinc bürümüşdü. Nəhəng yelkən, küləyin vıyıltısı, coşqun dalğalar, suya tez- tez baş vuran qayıq, qiyama qalxışan bu mühitin içində xırdaca bir xal, cırtdan olan mən, bu təbii qüvvələri iradəmə tabe etmişəm, onların arasından, onların üzərindən təntənə ilə müzəffər kimi keçirəm. Mən qalib qəhrəman kimi irəli cumanda dəhşətli cırıltı səsi eşidildi. Qayıq bir anda dayandı. Məni qabağa itələdi, qayığın dibinə düşdüm. Ayağa qalxanda gördüm qarşımda yaşıla çalan, üstünü mamır basmış bir şey göründü, mən o dəqiqə başa düşdüm ki, bu dənizçilərin qənimi, batmış payadır. Heç kəs bu bədbəxtlikdən yaxa qurtara bilməz. Sudan şişmiş, düz suyun üzündə üzən payanı coşmuş www.vivo-book.com 233 dənizdə vaxtında görmək, yanından dövrə vurub ötmək mümkün olan iş deyil. Görünür, paya qayığın bütün burun tərəfini zədələmişdi, çünki bir neçə saniyədən sonra qayığın içi yarısınacan su ilə doldu. Dalğalar da qayığın suyunu artırdılar, ağır ballast onu çəkib suyun dibinə apardı. Bütün bunlar elə cəld baş verdi ki, yelkənə ilişdim, məni nəsə qayığın altına dartıb saldı. Mən yarı boğulmuş halda (ciyərlərimə o qədər su dolmuşdu ki, az qala boğulacaqdım) çətinliklə suyun üzünə qalxanda avarlar daha gözə çarpmırdı. Görünür, qudurmuş dalğalar onu yuyub apardı. Mən gördüm ki, Demetrios Kontos öz qayığından boylanır, onun istehzalı, kinli, qisaslı qəhqəhəsi eşidilirdi. O şən-şən nəsə qışqırırdı. O məni açıq-aydın ölümün pəncəsində qoyub gedirdi. Mənim öz həyatımı xilas etmək üçün irəli üzməkdən başqa əlacım yox idi. Bu qarmaqarışıqlıqda ölüm-dirim məsələsini bir saniyə belə həll edirdi. Ciyərlərimə çoxlu hava alıb, bərk-bərk əl-qol ata-ata özümün ağır dənizçi çəkmələrimi, gödəkcəmi çıxarıb atdım. Ancaq ciyərlərimə www.vivo-book.com 234 hava aldım demək asandır, mən tezliklə başa düşdüm ki, məsələ üzməkdə yox, nəfəs almaqdadır. San-Pablonun hündür, ağ yallı, güclü dalğaları mənim üstümə tökülür, məni ora-bura çarpır, qabaran dalğalar məni boğurdu, ağzıma-burnuma, gözümə su fışıltı ilə dolurdu. Dəhşətli çalalar ayaqlarımı sorurdu ki, bir an sonra məni köpüklənən, bulaq kimi çağlayan suyu ilə yuxarı tullasın, elə bu andaca nəfəsimi dərməmiş, nəhəng köpüklü dalğalar başımın üstündən aşırdı. Bütün bunlara uzun müddət davam gətirmək olmazdı. Mən havadan çox su udur, demək olar ki, bütün vaxtı suyun altında olurdum. Ağlımı itirirdim, başım bərk fırlanırdı. Mən sağ qalmaq üçün həyəcanla əl-qol atır, demək olar ki, huşumu tamam itirmişdim ki, çiyinlərimdən tutub qayığa dartdıqlarını hiss etdim. Bir müddət skamyanın üstündə üzü üstə uzanıb qaldım, ağzımdan su tökülürdü. Sonra güc-bəla ilə nəfəs ala-ala dönüb baxdım, görüm xilaskarım kimdir. Bir əli ilə yelkəndən, o biri əli ilə sükandan yapışmış Demetrios Kontos gəminin arxa tərəfində oturub gülümsünərək, mehriban-mehriban başını tərpədirdi. O, www.vivo-book.com 235 sonradan danışdı ki, əvvəlcə məni taleyin ümidinə atıb getmək istəmişdi, ancaq qəlbində xeyirxahlıqla bədxahlıq hissləri oyanmışdı, xeyirxahlıq üstün gəlmişdi, yanıma qayıtmaq fikrinə düşmüşdü. Məndən soruşdu: – Halın düzəldi? Mən çətinliklə “hə”yə oxşar söz dedim, ancaq hələ danışa bilmirdim. O dedi: – Sən qayığı yaxşı sürüdün. Əsl kişi kimi. Demetrios Kontosun məni tərifləməsi sözsüz ki, çox ürəyəyatan idi, çünki o, hər adamı tərifləməzdi, mən onun tərifinə başımı tərpətməklə cavab versəm də, tərifinin qədir- qiymətini bilirdim. Söhbətimiz bununla başa çatdı, çünki hərə öz işi ilə məşğul idi, mən özümə gəlirdim, o isə qayıqla əlləşirdi. Vallexo körpüsünə çatanda Demetrios Kontos qayığı bağladı, qayığın içindən çıxmaqda mənə kömək etdi. İkimizdə körpüdə dayanmışdıq ki, Çarli tarım çəkilmiş torların dalından çıxıb əlini Demetriosun çiyninə qoydu. Yüklə 1,46 Mb. Dostları ilə paylaş:
|