18
baş verdiyini tam əks etdirmir. Bəzi illüstrasiyaların solğun və qarışıq (səh.176-177)
çəkilməsi, bir qisminin isə yerində olmaması mətnin səmərəli mənimsənilməsinə
mənfi təsir göstərir (səh.43-dəki şəkillər, səh.172-dəki şəkil və s.). Bəzi görkəmli
tarixi şəxsiyyətlərin təsvirləri ifadəlilik və cəlbedicilik baxımdan uğurlu
seçilməmişdir (səh.15, 41 və s.).
Şah I Təhmasibin şəkli (səh.10) 7-ci sinif dərsliyində də verildiyindən, burada
onun başqa bir Səfəvi şahının şəkli ilə əvəzlənməsi məqsədəuyğundur. Volinski
(səh.48), Sisianov (səh.161), Tormasov (səh.174), Rtişşev (səh.177) və Paskeviçin
(səh.191) portretlərinin verilməsi məqsədəuyğun deyil. Şagirddə təsəvvür yaratmaq
üçün bir portretin verilməsi kifayətdir.
Hər paraqrafın əvvəlində içərisində məlumat verilmiş (MMV-də “Motivasiya”
adlandırılıb) göy çərçivə, kiçik çərçivələrin yuxarı sol hissəsindəki sual və altında
qıvrılmış ox çəkilmiş nida işarələrinin izahı “Dərslikdə istifadə olunmuş şərti
işarələr”də göstərilməmişdir. Yönləndirici suallar üçün verilmiş şərti işarələrin
hamısında qız şəklinin təsvir edilməsi gender bərabərliyi baxımından məqsədəuyğun
deyil.
Paraqraflarda əksini tapmış islahatlar (məsələn, səhifə 73-də Nadir şahın etdiyi
dəyişikliklər və s.) daha nəzərə çarpan şəkildə verilsə, yaxşı olar. İdarəçilik və
inzibati ərazi bölgüsünə aid məlumatların sxem formasında verilməsi daha yaxşı olar.
Dərslikdə mövzuların mənimsənilməsinə yardım edən 20 müxtəlif xəritə
verilmişdir. Onların əksəriyyəti şərti işarələrlə təchiz olunmuşdur. Verilmiş coğrafi
obyektlərin adı aydın oxunur. İstifadə olunmuş rənglər yorucu deyil. Lakin
xəritələrin bəzisində izah yoxdur (səh.106, 124, 175 və s.). Şəki və cənub
xanlıqlarına dair xəritə verilməmişdir. Bəzi xəritələrdə (səh.95, 114, 117, 120, 122,
124) yüksəkliklər bəsit şəkildə verilmişdir. Bunun üçün səhifə 85-dəki xəritə nümunə
ola bilərdi. Ümumiyyətlə, istər şəkillər, istərsə də xəritələr peşəkarlıq baxımından
eyni səviyyədə işlənməmişdir.
Səhifə 9. Xəritədə digər bəylərbəyilik mərkəzlərinin də Təbriz şəhəri kimi
işarələnməsi məqsədəuyğundur.
Səhifə 17. Sxemdə “Qulamlar” ifadəsinin izahında “döyüşçülərdən” sözünün
“xristian gənclərdən” ifadəsi ilə əvəz edilməsi məqsədəuyğundur.
Səhifə 18. Aşağıdakı şəkildən fərqli olaraq, yuxarıdakı şəkildə topların olduğu
tarixi yerin adı göstərilməmişdir.
19
Səhifə 22. Hörmüzün Portuqaliyadan geri alınma tarixi xəritədə 1620-ci il
verildiyi halda, səhifə 24-də 1-ci abzasın axırında 1622-ci il kimi verilmişdir.
“Azərbaycan Səfəvi dövləti şah I Abbas və varislərinin dövründə” adlı
xəritədə dövr baxımından Həştərxan, Xivə və Buxara xanlıqlarının göstərilməsi,
“Gürcüstan” adının yazılması məqsədəuyğun deyil.
Səhifə 26. Evliya Çələbinin şəkli verilmiş səhifədən sonra onun kim olduğu
yazılmışdır.
Səhifə 29. Sxemdə vəqf torpaqlarının məscidlərə və ruhanilərə məxsusluğu
göstərilmişdir. Halbuki vəqf kiminsə şəxsi torpağı ola bilməzdi. Burada
“ruhanilərə” sözünün “ dini idarələrə” ifadəsi ilə əvəz edilməsi məqsədəuyğundur.
Səhifə 34. Şəklin altında verilmiş yazıda “Multan” sözünün mənası
açıqlanmamışdır.
Səhifə 43. Haqqında bu səhifədə məlumat olmadığı halda, Hacı Davudun şəkli
verilmişdir. Digər tərəfdən, bəzi internet resurslarında bu şəklin Şeyx Hacı Mənsura
aid edilməsinə dair məlumat da var. Dəqiqləşdirmə üçün şəklin haradan götürüldüyü
yazıla bilər.
Səhifə 53. Xəritədə Kartli ilə Kaxetiyanın yeri dəyişik verilmişdir. Şamaxının
adı verilməmiş, Gəncə inzibati mərkəz olaraq göstərilməmişdir. Qılınc işarəsinin
mənası şərti işarələrdə göstərilməmiş, işğalçılıq planında əsas yer tutan Bakı
şəhərinin adı verilməmişdir. Rusların hücum istiqaməti düzgün verilməmişdir.
Verilmiş xəritədən belə nəticə çıxır ki, osmanlılar Azərbaycana elə Azərbaycanın
içərisindən - Şamaxıdan hücum ediblər.
Səhifə 53, 57. Xəritələrdə Dağıstandan qərbdə Terek çayı boyunca çeçen, inquş,
osetin, kabardin, qaraçay, çərkəz torpaqlarının Rusiya ərazisi kimi verilməsi düzgün
deyil. 1722-1723-cü illərdə bu ərazilər Rusiyaya məxsus olmayıb. Rusiya bu
əraziləri XVIII-ci əsrin 70-80-ci illərində işğal edib. Xəritədə şərti işarələr
natamamdır.
Səhifə 56. Şəkildə pulun, yaxud xatirə medalının göstərilməsi
dəqiqləşdirilməlidir.
Səhifə 57. Xəritədə Azərbaycan torpaqlarının “Persiya” adı altında göstərilməsi
tarixi gerçəkliyə uyğun deyil. Şamaxı inzibati mərkəz olaraq göstərilməmişdir.
Səhifə 61. Mərkəzi hakimiyyətə qarşı savaşmış Surxay xanın şəkli verilməyə də
bilər.
Səhifə 66. Şəkildəki xəncərin Nadir xana aid edilməsi mübahisəlidir.
20
Səhifə 77. XVIII əsrin birinci yarısına aid xəritədə Dağıstan ərazisi Rusiya
tərkibində göstərildiyi halda, səhifə 85 və 103-də XVIII əsrin ikinci yarısına aid
verilmiş xəritələrdə “Dağıstanın feodal hakimlikləri” adı ilə göstərilmişdir.
Xəritədə paytaxt kimi Məşhəd şəhərinin göstərilməsi nəzərdə tutulmuşdursa,
müvafiq şərti işarənin daha aydın formada verilməsi, həmçinin şərti işarələrin
açıqlamasında izahının verilməsi məqsədəuyğundur.
Xəritədə “Böyük Monqol imperiyası” ifadəsində “Monqol” sözünün əvəzinə
“Moğol” sözünün yazılması məqsədəuyğundur.
Səhifə 85. Xəritədə Gilan xanlığının Azərbaycan xanlıqlarından fərqli olaraq,
rəngsiz verilməsi məqsədəuyğundur.
Xəritədə Zəncan xanlığının adı verilsə də, səhifə 91-dəki cədvəldə həmin
xanlığın adı verilməmişdir.
Səhifə 86. Şəkildə Hacı Çələbi xanın təsvir edildiyi mübahisəlidir.
Səhifə 91-94. Paraqrafda Cənubi Azərbaycan xanlıqlarına aid ayrıca xəritənin
verilməsi məqsədəuyğundur.
Səhifə 96. Qubalı Fətəli xanın şəklinin tək, yaxud başqalarından aydın şəkildə
fərqləndiriləcək formada verilməsi yaxşı olardı.
Səhifə 102. Tuti Bikənin şəklinin onun haqqında məlumatın verildiyi əvvəlki
səhifəyə keçirilməsi məqsədəuyğundur.
Səhifə 103. Xəritədə şərti işarələrin açıqlamasında “Vassal ərazilər”in iki fərqli
işarə ilə verilməsi qarışıqlıq yaradır.
Səhifə 111. Xanlıqlar dövrünə aid xəritədə Gəncə sultanlıq kimi verilmişdir.
Səhifə 124. Haqqında heç bir məlumat verilmədiyi halda, xəritədə Cavad
xanlığının göstərilməsi əlavə sual yaradır. Bu, səhifə 85-dəki xəritəyə də aiddir.
Səhifə 127. Xəritənin alt hissəsində “1780-1797-ci illərdə Ağa Məhəmməd
Şah Qacarın Gürcüstana yürüşləri” yazılmışdır. 1780-ci ildə Ağa Məhəmməd xan
Qacar şah deyildi. Gürcüstana yürüş isə 1795-ci ildə olub. İfadənin “1795-ci ildə Ağa
Məhəmməd xanın Gürcüstana yürüşü” kimi verilməsi məqsədəuyğundur.
Səhifə 135. Şəkil bir o qədər uğurlu alınmamışdır. O zaman gördüyü işlərlə
müqayisə etdikdə Ağa Məhəmməd Şah Qacar haldan düşmüş bir qoca təsiri
bağışlayır. Həmçinin Qacarın cilovdarının şalvarsız olması onu Roma legionerlərinə
bənzədir.
Səhifə 141. Bakıya aid şəklin şəhər haqqında məlumatın verildiyi səhifə 140-da
verilməsi məqsədəuyğundur. Bəzi şəkillərdən fərqli olaraq, “Bakı. İçərişəhər”
Dostları ilə paylaş: |