Н. Грегори Менкйу
18
Ketrin, Nikolas və Piterə.
Onlar da mənim yeni nəsillərə bir
töhfəmdir
Tələbələr üçün ön söz
XIX əsrin görkəmli iqtisadçısı Alfred Marşall hesab edirdi ki, «iqtisad elmi
insan cəmiyyətinin normal həyat fəaliyyətini öyrənir». 100 ildən çox vaxt
keçib, insanların iqtisadi fəaliyyəti haqda biliklərimiz əhəmiyyətli dərəcədə
artıb, lakin dahi iqtisadçının fikirləri yenə də özünü doğruldur.
Nə üçün XXI əsrdə yaşayan tələbə iqtisad elmini öyrənməyə
başlamalıdır? Bunun üçün ən azı 3 səbəb var.
Birincisi, «İqtisadi nəzəriyyə»nin öyrənilməsi sizə ətraf mühitin
reallıqlarını başa düşməyə kömək edəcək. Ekonomiks çoxlu maraqlı sualları
qarşıya qoyur. Nə üçün Nyu-Yorkda yaşayış yeri tapmaq çox çətindir? Nə üçün
aviakompaniyalar, sərnişin şənbədən bazara keçən gecə getdiyi yerdə qalırsa,
ona ikitərəfli biletləri aşağı qiymətə satırlar? Nə üçün kinoaktyor Robin
Uilyams belə yüksək qonorarlar alır? Nə üçün bir çox Afrika ölkələrində həyat
səviyyəsi bu qədər aşağıdır? Nə üçün bir çox ölkələr hiperinflyasiyaya məruz
qalıb, bu zaman isə digər ölkələrdə əmtəələrin qiyməti praktiki olaraq
dəyişməz qalır? Bunlar ekonomiksin giriş kursunu öyrəndikdən sonra sizin
cavab tapacağınız sualların kiçik bir hissəsidir.
İkincisi, iqtisadi nəzəriyyə hətta biliklərinizi artırdıqdan sonra, siz
özünüzü bazar münasibətlərinin çox gözəl bilicisi kimi hiss edəcəksiniz. Siz
daim çoxlu təsərrüfat qərarlarını qəbul etməli olursunuz. Məktəbi bitirib,
sonrakı təhsil yerini və onun müddətini müəyyən edirsiniz. İşə daxil olub, hər
gün belə bir suala cavab axtarırsınız ki, gəlirin hansı hissəsini cari xərclərə
yönəltmək, hansı məbləği əmanət hesabına qoymaq lazımdır. Ola bilsin ki, siz
öz şəxsi kompaniyanıza, yaxud iri korporasiyaya rəhbərlik edəcəksiniz və
məhsula qiymət qoymaq barədə qərarlar qəbul etməli olacaqsınız. İqtisadi
nəzəriyyənin öyrənilməsi əlaçı tələbəyə dərhal iri sahibkara çevrilməyə imkan
vermir, lakin siz qoyduğunuz məqsədlərə çatmağı sürətləndirən vasitələrə
malik olacaqsınız.
Üçüncüsü, ekonomiksin əsaslarının başa düşülməsi iqtisadi siyasətin
mümkün hədlərini başa düşməyə sizə imkan verəcək. Ölkənin bir vətəndaşı
kimi ictimai resursların bölüşdürülməsi siyasətinin həyata keçirilməsində
Економиксин принсипляри
19
iştirak edirsiniz. Seçici bülletenini doldurarkən qərar qəbul etdikdə, siz həm
namizədin iqtisadi baxışlarını, həm də ölkədəki vəziyyəti nəzərə alırsınız.
Vergi qanunvericiliyinin bu və ya digər variantı sizin vəziyyətinizdə öz əksini
necə tapacaq? Sizin ölkənizin xarici ticarətinin nəticələri necədir? Ətraf mühiti
necə mühafizə etmək olar? Dövlət büdcəsinin kəsiri iqtisadiyyata necə təsir
edir?
İqtisadi nəzəriyyənin prinsipləri müxtəlif həyat situasiyalarında sizə
lazım olacaq. Siz gələcəkdə hansı kresloda, televizor qarşısındakı kresloda,
kompaniyanın direktorunun stulunda, yaxud ölkənin prezidenti kreslosunda –
oturmağınızdan asılı olmayaraq, öz taleyinizə eyni dərəcədə minnətdar
olacaqsınız ki, o sizi iqtisad elmini öyrənmək zərurəti qarşısında qoymuşdur.
N.Qreqori Menkyu
Ġyul 2000-ci il
Н. Грегори Менкйу
20
I HĠSSƏ
G Ġ R Ġ ġ
Fəsil 1
ĠQTĠSADĠ NƏZƏRĠYYƏNĠN ON PRĠNSĠPĠ
Ekonomika sözü yunan sözü olub, mənası «ev təsərrüfatının idarə olunması»
deməkdir. İlk baxışdan ev təsərrüfatı və iqtisadiyyat tamamilə müxtəlif
anlayışlardır, lakin diqqət yetirsək, onların arasında ümumi cəhətlərin çox
olduğunu görərik.
Ev təsərrüfatında bir çox qərarların qəbul olunması zəruriyyəti ilə qar-
şılaşırıq. Ailə üzvlərindən kim müəyyən vəzifələri yerinə yetirəcək və əvəzində
nə alacaq: naharı kim hazırlayacaq, kim paltar yuyacaq, kim mükafat kimi
əlavə dondurma payı alacaq, kim axşam televiziya proq
ramını seçir? Qısaca desək, ailə üzvlərinin qabiliyyət, imkan və arzularını nə-
zərə alaraq, onların arasında məhdud resursları bölüşdürmək məcburiyyətində
qalırıq.
Ev təsərrüfatı kimi, cəmiyyət də çoxlu sayda qərarların qəbul olunması
zəruriyyəti ilə qarşılaşır. Öncə hansı məsələlərin həll olunması və bu işlərin
kimə tapşırılması barədə cəmiyyət qərarlar qəbul etməlidir. cəmiyyətin taxıl
becərən, ev heyvanları saxlayan, paltar tikən, kompüterlər üçün proqram
təminatı işləyib hazırlayan insanlara ehtiyacı vardır. Əgər cəmiyyət müxtəlif
işlərin icrası üçün insanları (torpaq, binalar və maşınlar kimi) bölüşdürürsə,
deməli o, istehsal olunan əmtəə və xidmətlərin müəyyən proporsiyalarda bölüş-
dürülməsini də həyata keçirməlidir, kimin səhər yeməyinə qırmızı kürü yeyə-
cəyini, kimə isə soyuq kartofun qismət olacağını, kimin «Porshe» avtomobili
sürəcəyini, kimin isə avtobus dayanacağında yağışın altında islanacağını qət
etməlidir.
cəmiyyətin resursları idarə etməsi məsələsinin vacibliyi onların məh-
dudluğu ilə müəyyən olunur. Məhdudluq
o deməkdir ki, cəmiyyət müəyyən
həcmdə resurslara malikdir və buna görə də insanların malik olmaq istədikləri
bütün əmtəə və xidmətləri istehsal edə bilmir. Ev təsərrüfatının ailənin hər
üzvünə arzu etdiyini vermək imkanı olmadığı kimi cəmiyyət də hər bir üzvünə
onun can atdığı yüksək həyat səviyyəsini təmin etmək iqtidarında deyil.