Giriş
Nəzəri və empirik tədqiqatlarda inflyasiyanın iqtisadi artıma təsirinə dair müxtəlif nəticələr
əldə edilmişdir. Belə ki, yüksək inflyasiyanın bir sıra mənfi nəticələri mövcuddur: yüksək
inflyasiya sosial rifahı dəyərsizləşdirir, resursların səmərəli bölgüsünü və maliyyə vasitəçiliyinin
inkişafını məhdudlaşdırır, iqtisadiyyatın rəqabət qabiliyyətini azaldır və nəticədə uzunmüddətli
dövrdə iqtisadi artıma mənfi təsir göstərir.
“Ölkələr üçün hansı inflyasiya səviyyəsi hədəflənməlidir? İnflyasiya və iqtisadi artım
arasında xətti və ya qeyri-xətti əlaqə mövcuddurmu? Bu sual daim iqtisadi siyasəti quranları
düşündürür.
Biz bu tədqiqat işində inflyasiyanın iqtisadi artım üçün zərərli olmayan həddini müəyyən
etməyə və bu həddən sonra inflyasiyanın iqtisadi artıma təsirinə baxacağıq.
Tədqiqat aşağıdakı bölmələrdə verilmişdir: I bölmə - inflyasiyanın iqtisadi artım üçün
zərərli olmayan həddinin hesablanmasına dair ədəbiyyatların xülasəsi. II bölmə - metodologiya
və məlumat bazası. III bölmə - qiymətləndirmənin nəticələri. Sonda siyasət nəticələri qeyd
edilmişdir.
1. Ədəbiyyatların xülasəsi
İqtisadi ədəbiyyatlarda inflyasiyanın iqtisadi artım üçün zərərli olmayan kritik həddinin
tapılmasına dair aparılmış tədqiqatlarda ölkə qrupları üzrə tədqiqatlar üstünlük təşkil edir. (Sarel,
1996); (Ghosh); (Khan M. , 2005)və (Khan M. a., 2001). Bu tədqiqatlar mühüm empirik
nəticələrə malik olsa da, heterogen faktorlar fərqli ölkələrə məxsusdur və konkret ölkəni əhatə
etmir.
Bruno (1998) apardığı tədqiqat çərçivəsində 1961-92-ci illər üzrə inflyasiya böhranını
yaşamış 26 ölkəni tədqiq etmişdir. Tədqiqat zamanı illik inflyasiyadan istifadə etməklə iqtisadi
artımın determinantlarına baxılmışdır. Empirik nəticələr göstərir ki, inflyasiyanın iqtisadi artım
üçün təhlükəsiz həddi 40%-dir. Bu halda inflyasiyanın 40% və ondan yüksək olması böhran üçün
təhlükəli hədd hesab edilir.
Lakin, aparılmış tədqiqatda yüksək inflyasiyalı ölkələr qiymətləndirməyə daxil
edilmədiyindən inflyasiya və iqtisadi artım arasında əlaqənin təhlükəli həddən aşağı olmasına
qənaətinə gəlinmişdir. Bu isə uğurlu nəticə hesab edilə bilməz. Bununla yanaşı empirik təhlillər
sübut edir ki, təhlükəli həddən sonrakı səviyyədə inflyasiya ilə iqtisadi artım arasında müvəqqəti
neqativ əlaqə mövcuddur. Empirik nəticənin əhəmiyyətliliyini qiymətləndirməyə şok xarakterli
amillər daxil edilməklə baxılıb.
Bruno (1998) belə hesab edirdi ki, inflyasiyanın təhlükəli həddinə malik olan ölkələrdə
iqtisadi artım canlandıqdan sonra inflyasiya təhlükəli həddən aşağı düşür. Bu, yüksək
inflyasiyanın iqtisadi artıma daimi mənfi təsirə malik olmadığını göstərir.
Boyd (2001) 1960-1995-ci illər üzrə bankların özəl sektora kredit qoyuluşu, bank
öhdəliklərinin həcmi, fond bazarının kapitallaşması (ÜDM-ə nisbəti) və ticarətin həcmi kimi 5
illik orta göstəricilər ilə inflyasiya arasımda əlaqəni qiymətləndirmişdir. Nəticədə inflyasiya ilə
maliyyə sektorunun inkişafı arasında qeyri-xətti əlaqə aşkar edilmişdir. İnflyasiya özəl sektorun
61
banklardan borclanma və fond bazarının kapitallaşma səviyyəsinin və ticarətin həcminin
azalmasına səbəb olur.
(Sarel, 1996) əhali, ÜDM, istehlak qiymətləri, ticarət şəraiti, real valyuta məzənnəsi, dövlət
xərcləri və özəl investisiyaların artım tempi kimi göstəricilər əsasında qiymətləndirmə
aparmışdır. Bu statistik məlumatlar 1970-1990-cı illəri əhatə etməklə illik əsasda 87 ölkə üzrə
hazırlanmışdır. Alınmış empirik nəticələr struktur sınmaların əhəmiyyətli rola malik olmasını
sübut etmişdir. Qiymətləndirmələrə görə inflyasiya 8% təşkil etdikdə, iqtisadiyyatda struktur
sınmalar baş verir. İnflyasiya 8%-dən aşağı olduqda iqtisadi artıma təsir etmir. Lakin, inflyasiya
8%-dən yuxarı olduqda, onun iqtisadi artıma neqativ təsiri baş verir. Bu nəticə siyasət üçün
konkret kəmiyyət hədəfi kimi çıxış edir.
(Khan M. a., 2001) ilkin olaraq (Kung-Sig, 1998) və (Hansen, 1999) ekonometrik
metodlardan istifadə etməklə inflyasiyanın iqtisadi artım üçün mənfi təsir göstərən həddini
müəyyən etmişdir. Qiymətləndirmə məqsədilə onlar 140 ölkə üzrə 1960-1998-ci illəri əhatə edən
statistik məlumatlardan istifadə etmişlər (həm inkişaf etmiş ölkələr (İEÖ), həm də inkişaf
etməkdə olan ölkələr (İEOÖ) daxil olmaqla). Bəzi IEOÖ üzrə göstəricilər olmadığından təhlil
zamanı “qeyri-bərabər panel” göstəricilərdən istifadə edilmişdir. Empirik nəticələrə görə
inflyasiyanın iqtisadi artım üçün zərərli həddi mövcuddur. Zərərli həddən aşağıda inflyasiya
iqtisadi artıma təsir etmir, zərərli həddən yuxarıda isə iqtisadi artım üçün neqativ təsir yaradır.
Empirik qiymətləndirmə zərərli həddin inkişaf etmiş ölkələr üzrə 1-3%, İEOÖ üzrə isə 7-11%
səviyyəsində müəyyən edilməsinə imkan vermişdir.
(Kremer S., 2009) öz tədqiqatında 63 ölkənin (İEO və İEOÖ üzrə) məlumatları əsasında
inflyasiyanın uzunmüddətli dövrdə iqtisadi artım üzərində təsirinə baxmışdır. Empirik nəticələrə
görə İEÖ-də inflyasiya 2%-i, İEOÖ-də isə 12%-i üstələdikdə iqtisadi artımı məhdudlaşdırır.
Lakin, tədqiqatda inflyasiyanın iqtisadi artıma pozitiv təsir etməsi və zərərli həddinin aşağı
olması göstərilmişdir.
İnflyasiyanın iqtisadi artım üçün zərərli həddinin müəyyən edilməsinə iqtisadçı alimlərdən
(Hodge, 2005) Cənubi Afrika, (Fabayo, 2006), Nigeriya, Kheir-El-Din və Abou-Ali (2008) Misir
üzrə müvafiq hesablamalar aparmışlar.
Hodge (2005) Cənubi Afrika üzrə inflyasiya və iqtisadi artım arasında əlaqədə 2 əsas
məsələyə baxmışdır:
1. Cənubi Afrika üzrə məlumatların testi uzunmüddətli perspektivdə inflyasiyanın iqtisadi
artıma mənfi təsiri haqqında nəticəni sübut edirmi?
2. Qısa müddətli dövrdə inflyasiya hesabına yüksək artım təmin edilirmi?
Nəticə ondan ibarət idi ki, Cənubi Afrikada inflyasiya və iqtisadi artım arasında
uzunmüddətli dövrdə neqativ əlaqə mövcuddur. Qısamüddətli dövrdə isə iqtisadi artıma dəstək
vermək üçün inflyasiyanın artması mümkündür.
(Fabayo, 2006) Nigeriya üzrə inflyasiyanın iqtisadi artım üçün zərərli həddinin müəyyən
edilməsi zamanı Khanın modelindən istifadə etmişdir. Qiymətləndirmə 1970-2003-cü illəri əhatə
edən geniş bir dövr üzrə aparılmışdır. Tədqiqat zamanı inflyasiyanın iqtisadi artım üçün zərərli
həddinin 6% səviyyəsində olması müəyyən edilmişdir. Həssaslıq testinin təhlili də alınmış
nəticəni bir daha təsdiq edir. Tədqiqat sübut edir ki, təkrəqəmli səviyyəyə qədər inflyasiyanın
Dostları ilə paylaş: |