25
zənginləşdirməlidir. Hakimiyyət nümayəndəsi, istər mərkəzi, istərsə də yerli
olsun, insanları güc vasitəsilə təzyiq altında saxlamamalıdır.
Hakimiyyət nümayəndəsinin davranışı, nitqi, efir görünüşü, ictimai
ə
laqələri nümunəvi və ədalətli olmalıdır, universal ədalət prinsiplərindən
kənara çıxmamalıdır. Məkrlilik, hiyləgərlik, şəxsi korporativ maraqların önə
çəkilməsi və digər zərərverici addımlar təbii ki, hakimiyyət etikasına çox
böyük zərbələr vurur. Hakimiyyətlə xalq arasındakı rəvan əlaqələrə xətər
yetirir və inam tellərini zəiflədir. Bu baxımdan da hakimiyyət etikasının əldə
rəhbər tutulması dövlət və cəmiyyət sabitliyinin əsaslarını təşkil edə bilir.
Hakimiyyətin yüksək etikası ideal dövlətin və cəmiyyətin, həmçinin
hüquqi və ədalətli dövlətin və cəmiyyətin qurulmasına xidmət edir.
Siyasət və fəlsəfə
Siyasət ümumən münasib zamanlarda və məkanlarda dövlət aktlarından
ibarət olan bir aşkarlıqdır, hadisələr cəmidir. Siyasət pilləli və əlaqəli aktlardan
ibarətdir. Siyasət dövlət fəaliyyətinin ümumi adıdır. Onun pozitiv mahiyyəti də
ola bilər. Siyasət zahirən və tərkib strukturu etibarilə alidən aşağıya doğru,
makrodan mikroya qədər forma alan proseslər cəmindən ibarətdir. Burada da
insanların makro və mikro maraqları formalaşır. Siyasətin başlıca qayəsi insan
tələbatlarını, maraqlarını mövcud olan sahələrdə ödəməkdən ibarətdir. Siyasi
fəaliyyətin məzmunu və məzmundan irəli gələn etikası da bunu tələb edir.
Sahələr çoxaspektli olduğundan siyasət də çoxsahəli və mərhələlidir. Lakin
siyasət hər zaman müsbət ola bilmir. Çünki maraqlara müxtəlif bucaqlardan
baxışlar var. Tərkibin müxtəlifliyi siyasətin bütün şəraitlərdə mütləq
pozitivliyini heçə endirir. Lakin başlıca məqsəd ümumən maraqları taraz
şə
kilində təmin etməyə yönəlir. Bu baxımdan da müdrik siyasət, ağıllı,
düşünülmüş və hər kəs üçün faydalı olan siyasət yaranır. Bu kimi siyasət
düşüncələrdə pozitiv dövlət, dəyərli dövlət anlamını ortaya qoyur.
Siyasət
və fəlsəfə ayrı-ayrı ifadələr olsalar da, siyasətin predmetinin,
məna və formasının dərin olması onu deməyə əsas verir ki, siyasət əslində elə
fəlsəfənin obyektidir. Siyasətin dərin mahiyyəti onun fəlsəfi məzmununu
ortaya qoymuş olur. Siyasətin dərinə düşüncə istiqamətlərindən fəlsəfə
formalaşır. Fəlsəfə hər hansısa bir hadisəyə, hadisələr cəminə müxtəlif
bucaqlardan, çoxsaylı tərəflərdən dərinə düşünmə deməkdir. Bu baxımdan da
siyasətin çoxaspektli tərəfləri məhz bu düşünməni yaradır. Siyasi düşüncələrin
fəlsəfi məzmunu ali səviyyəli konseptuallıqda özünü büruzə verir. Obyektə
kompleks yanaşma elə fəlsəfi yanaşmadır. Siyasət fəlsəfəsində siyasətin
subyekt və obyekt fəlsəfəsi xüsusi önəmə malik olur. Siyasət proseslərində
insan öz mənasını, dövlətdə və cəmiyyətdə statusunu müəyyən edir. Dövlət və
hakimiyyət də özünün dərin mqəsədlərini ortaya qoyur. Siyasət sayəsində
məkanda maraqların mənası aşkar olunur. Subyekt (siyasət tərəfdarı özünü
26
təsdiq edir). Elmi aspektlərdə, araşdırma və düşünmə prizmasında siyasət
fəlsəfənin predmetidir, obyektidir. Siyasət çoxaspektli, sistemli, həmçinin
sistem daxilində akkomodasiya (yəni, uyğunluq xassəsini özündə əks etdirən)
xarakterli olduğundan fəlsəfə onu düşünür. Siyasət sistemdə həm də fərqlidir.
Siyasət şəbəkəlidir, genişlənəndir. Horizontal və şaquli olaraq məkanlarda
aktların genişlənməsini özündə ehtiva edir. Siyasət dövlətin həm daxili, həm
də xarici aktlarının cəmindən ibarət olduğundan, genişləndikcə özündə
struktur elementləri cəlb etməklə, böyük sahə yaradır. Siyasətin tərkibi
müxtəlif aktlardan ibarətdir. Bu baxımdan da strukturda fərqli enerjini özündə
cəmləşdirir. Müəyyən məkanda siyasət vahid məzmun kəsb edir və öz
tərkibinə cəlb edir.
Fəlsəfi məzmun, fəlsəfi mahiyyət, dərinlik, ali məzmun hər bir mənalı
hərəkətdədir.
Fəlsəfənin
ə
sas
funksiyası
düşüncələr
zamanını
genişləndirmədir, dərinləşdirmədir. Düşüncə genişlənir, axar artır və
müəyyənlik də artır. Bu baxımdan da siyasət müəyyən olunur. Aktlardan yeni
aktlar törəyir. Resurslar üzərində nəzarət həyata keçirilir, təsir formalaşır.
Fəlsəfə (mövcud resurslar üzərində düşünmə) siyasəti müəyyən edir, axarı
cızır. Axarlar arasında əlaqənin zərurətini və mahiyyətini ortaya qoyur.
Gələcək məkanları, hadisələri və zamanları özündə ehtiva edir. Bu baxımdan
da elmi və təcrübi planlaşdırılma həyata keçirilir. Resurslar mərkəzlərdən
yönləndirilir. Fəlsəfi düşüncələr aktların xassələrini müəyyən edir. Siyasətin
nəticə etibarilə nəyə xidmət etməsini müəyyənləşdirir. Siyasətin zaman və
məkan kriteriyası üzrə həyata keçirilməsinin əsaslarını üzərə çıxarır.
Siyasət fəaliyyətdir, hərəkətdir. Siyasət və fəlsəfəni (siyasətin fəlsəfəsini)-
hər iki anlayışı siyasi hərəkətlərin (hərəkətlərin siyasi mahiyyəti, dövlətə və
hakimiyyətə aid olan tərəfi məhz hərəkətlərə siyasi mənalar verir) mahiyyəti
və məzmunu anlayışları vəhdətdə birləşdirir. Hakimiyyətin hərəkətləri,
bunlardan meydana gələn hadisələr, aşkarlanmalar, təsiredici aktlar
siyasətdir. Hakimiyyətin əxlaqı və normalara uyğun hərəkəti cəm halda
siyasətin fəlsəfəsini meydana gətirə bilir. İstənilən hərəkət öz ardınca digər
vəziyyətləri yaradır. Çünki elementlər hərəkətdə olur, digər məkandakı
elementləri hərəkət vəziyyətində saxlayır. Nəticə etibarilə istiqamətlər axarı
yaranır. Buna görə də siyasətin əsasını təşkil edən hərəkətlərin (hakimiyyətin
hərəkətlərinin) mahiyyəti məhz özündə siyasətin mahiyyətini meydana gətirir.
Dövləti də tərəflər olaraq hakimiyyət və vətəndaş- idarəedən (mənbə elə
idarəolunan tərəfdən yaranır. Bu baxımdan da xalq həm idarə edir, həm də
özü tərəfindən idarə olunur)
və idarəolunan təşkil edir. Hakimiyyət də
vətəndaşlardan təşkil olunur. Vətəndaşlar hakimiyyəti özlərini idarə etmək və
bu baxımdan maraqlarını təmin edən prosesləri istiqamətləndirmək naminə
yaradırlar. Maraqların sərhədləri mövcud olur, maraqlar arasında keçicilik
yaranır, məkan amili meydana gəlir.
Dostları ilə paylaş: |