65
Çin, Hindistan və Cənubi Afrika Respublikasından ibarət olan BRİKS formatı
regionlararası iqtisadi rəqabət birliyinin yaranması üçün əsas faktor rolunda
çıxış edir. Bu gün artıq bu format birliyə çevrilməkdədir və 2014-cü ilin iyul
ayında Braziliyada keçirilən sammitdə BRİKS bankının yaradılması da qərara
alınmışdır. Hətta Argentina da bu formata daxil olmaq istəyinə düşmüşdür.
Beynəlxalq təhülkəsizlik üçün gərginlikləri özündə əks etdirən
təhdidlər bunlardır:
-güclü silahlanmalar (kütləvi qırğın silahlarına sahib olan dövlətlərin
sayının çoxalması) və müharibələrə hazırlıqlar;
-baş verən müharibələr (ölkələrarası müharibələr və ölkələrdaxili
vətəndaş müharibələri);
-münaqişələr (regional –ölkələrdaxili və ölkələrarası etnik münaqişələr);
-ərazi işğalları, sərhəd pozuntuları;
-beynəlxalq transmilli cinayətkarlıq əməlləri, o cümlədən terrorizm;
-hərbi-siyasi və maliyyə-iqtisadi böhranlar, o cümlədən ərzaq və tibb
böhranlar;
-dindən kənar müxtəlif dini sektaların radikal fəaliyyəti;
-ekoloji və epidemioloji təhlükələr;
-sərhəd pozulmları halları;
-qaçqın və məcburi köçkünlülüyün artması;
-kibercinayətkarlıq və s.
Beynəlxalq təhlükəsizlik üçün təhdidlər meydana gəlir:
-ayrı-ayrı ölkələrin və regionların fərqli inkişaf xüsusiyyətlərindən-bu
fərqlilik də dünya üzrə bütün məsələlərdə qeyri-tarazlılığı meydana gətirir.
Kasıb ölkələrdə inkişaf etmiş ölkələrə qarşı milli eqoizm meydana gəlir və bu
da özündə terroru formalaşdırmış olur
;
-beynəlxalq münasibətlərin qeyri-tarazlı qaydada institutlaşmasından, bu
baxımdan ayrı-ayrı regionlarda rəqabəti şərtləndirən fərqli gücə malik olan
təşkilatların yaradılmasından və onların fəaliyyətindən. Böyük gücə malik olan
dövlətlər ətrafında təşkilatlanma təbii olaraq digər böyük gücün özünü
müdafiəsini şərtləndirir və həmin güc tərəfindən alternativ qurumun
yaradılması siyasətinə başlanılır. Bu siyasət daha çox ətraf dövlətləri məcburi
qaydada özünə cəlb etmək üçün münaqişələr fonunda da həyata keçirilir
Beynəlxalq təhlükəsizlik üçün yeni təhdidlərin əsasları
Qeyd olunduğu kimi, beynəlxalq təhlükəsizlik üçün təhdidlərin meydana
gəlməsində təşkilatlanma da böyük rol oynayır. NATO-nun fəaliyyəti, onun
Şərqə doğru, postsovet məkanına doğru genişlənməsi, digər tərəfdən də
66
Rusiyanın postsovet məkanında hərbi-siyasi və iqtisadi cəhətdən təşkilatlanma
siyasəti, Rusiyanın Asiya və Latın Amerikasında güclənmə siyasəti
Avrasiyada və digər regionlarda yeni təhdidlərin ortaya çıxmasına şərait
yaradır. Əgər bir tərəfdə, yəni Avratlantika regionunda təşkilatlanma daha çox
zəruri (inkişaf zərurəti) səbəblərə söykənirsə, digər tərəfdə isə bu, məcburi
xarakter, yəni qeyri-könüllü imperativ xarakter kəsb edir.
Beynəlxalq təhlükəsizlik üçün təhdidlər dövlətlərarası, xalqlararası sabit
və rəvan münasibətlərə və əlaqələrə zərbə vuran, əlaqələri korlayan və
korlamaq üçün risqləri ortaya çıxaran hədələyici aktlardan ibarətdir.
Beynəlxalq təhlükəsizlik üçün təhdidlər həm fərdi məzmun daşıyır, həm də
lazımi anlarda silsilə əhəmiyyətə malik olur və ardıcıllığı özündə cəmləşdirir.
Bu gün Yaxın Şərq, Ərəb dünyası, eləcə də postsovet məkanları özlərində
vətəndaş müharibələrini, ölkələrarası və ölkələrdaxili etnik münaqişələri əks
etdirən təhdidlərlə zəngindir. Hələ də sabit və davamlı Avropa sivilizasiyasını
təmin etmək mümkün deyildir. Yaxın Şərqdə Ərəb-İsrail münaqişələri davam
etməkdədir və çox hallarda bu münaqişələr aktiv fazaya keçir.
Dünya siyasəti sistemində də köklü dəyişikliklər baş verməkdədir. SSRİ
dağıdıqdan sonra beynəlxalq münasibətlər sistemində birqütblü dünya düzəni
formalaşmış olsa da, XXI əsrdən etibarən mahiyyət dəyişməyə başlayıb.
Rusiya postsovet məkanında yenidən güclənmmə strategiyasını qarşısına
məqsəd qoyub. Rusiya iqtisadi ittifaqların da yaradılması strategiyasını yerinə
yetirməkdədir və bu istiqamətdə Avrasiya iqtisadi birliyini yaratmışdır.
(Rusiya, Qazaxıstan, Belorusiya sazişi)
Avrasiyada Çin, Ruisya və Hindistan kimi oyunçular materikin geosiyasi
çalarlarını formalaşdıran əsas mərkəzlər rolunu oynamaqdadırlar. Demək olar
ki, bu kimi dövlətlər Qərblə iqtisadi-siyasi rəqabətin nəticəsi olaraq yaxından
əməkdaşlıq etmək məcburiyyətində qalırlar. Onlar həm könüllü, həm də zəruri
inteqrasiya siyasətinə üstünlük verirlər. Rusiya Avro-Asiyanın mərkəzi
qüvvəsi olmaq üçün həm də Şanxay Əməkdaşlıq Təşkilatının fəaliyyətinin
güclü olmasında xüsusi maraq nümayiş etdirir.
Təhdidlər zamanı ən çox zərbəni güc mərkəzləri ətrafında toplaşan kiçik
dövlətlər qəbul edirlər. Belə dövlətlər həm də rəqabət xəttinin ərazisinə daxil
olan, aralıq dövlətləridirlər. Məsələn, Azərbaycan, Gürcüstan və Moldova belə
dövlətlərdəndir. Rusiya bu kimi dövlətlərin Avropaya yaxından inteqrasiyasına
qısqanclıqla yanaşır və bu dövlətləri öz iqtisadi-siyasi orbitində axtarır.
Ukrayna da aralıq məkanda yerləşən dövlətdir. Məlumdur ki, 2013-cü ilin
noyabr ayından başlanan Ukrayna siyasi böhranı hərbi-siyasi məzmuna doğru
inkişaf etməkdədir. Ukrayna Rusiya ilə Qərb arasında rəqabət məkanı üçün son
dövr ən böyük element olmaqda qalmaqdadır. Bununla bərabər, təhdid zonaları
da artmaqdadır. Bu həm dənizləri, həm də quru sahələrini əhatə edir. NATO ilə
Rusiya arasında kəskin rəqabətin yaşanması, Rusiyanın Avropa maraqlarının
yenidən əvvəlki fazada oyanması, Ukraynada hərbi iştirakı NATO-nun