14
yolla çökdürülmüş tabaşir, SK tabaşiri, metakril turşusu ilə modifikasiyalaşdırılmış
alüminium hidroksidi kimi doldurucular HCl-un ayrılma sürətinə ciddi təsir
göstərmiş, SDK tabaşiri və metilfenildixlorsilanla modifikasiyalaşdırılmış alüminium
hidroksidi isə plastifikləşdirilmiş polimerin termoksidləşmə destruksiyasının sürətini
bir qədər (20-30%) zəiflədir.
Doldurucular olduqda plastifikləşdirilmiş PVX-in termooksidləşmədən
parçalanmasının zəifləməsi doldurucuların tərkibində səthin modifikasiyalarının, yəni
polimer kompozisiyanın destruksiyası zamanı fenol birləşmələrinin formalaşması ilə
parçalanan, məsələn, hidrolizə olunan (metilfenildixlorsilan) appretlərin movcudluğu
ilə əlaqədardır. Belə appretlər polimer molekullarının parçalanmasını törədən kimyəvi
agetlərin yaranmasının qarşısı alınması hesabına mürəkkəbefirli plastifikatorların
oksidləşməsini və nəticə etibarilə PVX-in termooksidləşmə destruksiyasını zəiflədə
bilirlər. Alınmış göstəricilər xəbər verir ki, doldurulmuş PVX plastifikatların
termooksidləşmə destruksiyasının intensivliyi plastifikatorun oksidləşməyə qarşı
davamlılığı, eləcə də mineral doldurucuların səthinin modifikatorlarının polimer
kompozisiyasındakı oksidləşmə proseslərinin sürətinə təsiri ilə müəyyən edilir.
Bəzi işlərdə doldurucusu taxtadan olan ekoloci cəhətdən təmiz plastik
kütlələrin tətbiq edildiyi halda fazalararası qarşılıqlı təsirə və polimer doldurucu
sisteminin tərkib məhsullarının miqdarından asılacağına diqqət yetirilir.
Bir qayda olaraq bu kompozisiyalarda polimerlərin taxta ilə doldurulma
dərəcəsi 40-60% təşkil edir.
Aparılmış elmi-tədqiqat işləri ekoloji təmiz taxta doldurucularının alınma
texnologiyasının əsasını təşkil etmişdir. Bunların elmi yeniliyi birincisi, kompozisiya
hissəciklərinin lazımi fiziki-kimyəvi göstəricilərinin təmin edilməsi hesabına
termoplast hissəcikləri ilə taxta doldurucusunun yüksək adgeziyasından və ikincisi,
yüksək dərəcədə doldurulmuş polimer ərintisinin tiksotrop axıcılığı və ayrı-ayrı
doldurucu hissəciklərinin mikro-kapsullaşdırılmasını əldə etmək üçün kompozisiya
quruluşunun özünütəşkil mexanizminin istiqamətli reallaşdırılmasından ibarətdir.
15
Mineral doldurucuların PVX və həlledici ilə qarşılıqlı təsiri və bunun PVX
linoleumun fiziki-mexaniki göstəricilərinə təsiri öyrənilmişdir.
PVX linoleumun fiziki-mexaniki göstəricilərini standarta uyğun təyin edirdilər.
Bərklik
TŞM-2
cihazı,
sürtünmə
isə
MİBOB-2
cihazı
vasitəsilə
qiymətləndirilirdi. PVX linoleumun tərkibi aşağıdakı kimidir: 170 q PVX, 52 q
dioktilftalat plastifikatoru, 28 q xlorparafin, 10 q ağ boyaq, 6 q bura, 120 q doldurucu.
Doldurucuların rütubətlənmə istiliyinin qiymətləri polimerin doldurucu
hissəciklərinin səthi ilə effektiv qarşılıqlı təsirinə dəlalət edir. Bu təsir əhəngdaşı tozu
ilə olan PVX kompozisiyalar üçün daha intensiv, fosfogipslə olan PVX
kompozisiyalar üçün daha zəif özünü büruzə verir. Opoka aralıq mövqedə dayanır.
Doldurucular linoleumun fiziki-mexaniki göstəricilərinin zəifləməsinə görə
əhəngdaşı tozu-fosfogips-oroka kimi, rütubətlənmə istiliyi və quruluş məsaməliliyinin
zəifləməsinə görə isə əhəngdaşı tozu-oroka-fosfogips kimi sıralanmalıdır.
Doldurucuların bu ardıcıllığı doldurucu ilə PVX-in qarışıqlı təsirini tənzimləyən
məsamələrin həcmi və miqdarının fərqi ilə izah edilir.
Beləliklə, doldurulmuş PVX linoleumun fiziki-mexaniki göstəriciləri
doldurucu hissəciklərinin səthinin sahəsi ilə əlaqədardır. Doldurucu qismində
əhəngdaşı tozundan istifadə etməklə yaxşılaşdırılmış göstəriciləri olan PVX linoleum
alınmışdır.
Müxtəlif təyinatlı PVX əsaslı kompozisiyaların tərkibində asbest və tabaşir
əvəzinə xalça məmulatları istehsalının tullantılarının istifadə imkanları tədqiq
edilmişdir.
0,2; 0,2-0,4; 0,4-0,6; 0,6-0,8; 0,8-1,0; 1,0-1,5; 1,5-2,0; 2,0-2,5; 2,5-3,0; 3,0-4,0;
4,0-5,0 və 5,0-10,0 mm-lik ölçülü və doldurucunun tərkibinin müvafiq olaraq 9,8;
12,7; 13,2; 11,4; 9,3; 7,1; 6,3; 5,1; 4,4; 3,1 və 3,3%-ni təşkil edən təbii (25%) və
sintetik (20 % kapron + 55% nitron) liflərin qarışığından ibarət olan lifli doldurucu
istifadə edilmişdir. Doldurucunun sıxlığı – 1420 kq/m
3
, nəmliyi – 0,8%-dir.
16
Linoleum və gündən qoruyucu materialların istehsalı üçün kompozisiyalar
sürtünmə əmsalı 1,2-1,3 və valların temperaturu 185
0
S olan laboratoriya
mikrovallarında
hazırlanmışdır.
Linoleumun
alınmasında
istifadə
edilən
kompozisiyaların tərkibi aşağıdakı kimidir: J-7058M markalı PVX qatranı 90 k.h., E-
6250C markalı PVX qatranı 10 k.h., dioktilftalat 45 k.h., xlorparafin 15 k.h., kalsium
stearat 0,15 k.h., sidik cövhəri 0,5 k.h., lifli doldurucu 20-50 k.h.
Müəyyən edilmişdir ki, PVX kompozisiyaların tərkibinə lifli doldurucunu
əlavə etdikdə materialların istehsalı zamanı çətinliklər yaranmır. Bununla yanaşı
doldurucunun miqdarı 15 k.h.-dən 50 k.h.-ə qədər artdıqda nümunələrin bərkliyi,
gərilmə zamanı dağılma gərginliyi və zərbə özlülüyü artır.
Digər şərtlərə əməl olunduqda asbest və digər mineral doldurucuların (tabaşir,
kaolin, talk) lifli xammalla əvəzlənməsinə zəncirvari xassələr kompleksi olan
kompozisiya materiallarını əldə etmək imkanını verir.
Alınmış nəticələr müxtəlif təyinatlı PVX kompozisiyaların doldurucuları
qismində lifli xammalın istifadə imkanlarından xəbər verir.
Quruluşu silisium-oksigen tetraedrləri ilə təşkil olunan kaolinit və
montmorillonit də doldurucular qismində tez-tez istifadə edilir.
Termoplastik polimerlərin doldurulmasında maqnium və sink oksidləri istifadə
edilir. Maqnium oksidi polimer kompozisiya materiallarının istilik keçirmə
xassələrini, sərtlik, bərklik və axıcılığa qarşı davamlılığını artırır. Sink oksidi ilə
doldurulmuş polimerlər isə yüksək bərklik, istiliyə qarşı davamlılıq, elektrikkeçirmə
xassələrinə, termiki və termooksid stabilliyinə malik olur.
Polimerlərin parçalanmış qeyri-üzvi doldurucuları arasında 20-dən artıq
modifikasiyası olan dioksid silisium əsaslı doldurucular praktiki məqsədlər üçün geniş
istifadə olunur. Ən çox üstünlüklərini kəskin qüvvətləndirici effekt, əksər polimerlərlə
yaxşı qarışma, kompozisiyaların laylanmasının qarşısını alma xüsusiyyətləri təşkil
edən aerosil, toz, içi dolu və boş mikrosferlər və şüşə lifləri şəklində şüşə,
mikroskristalik trepel, amorf diatomit istifadə olunurlar.
Dostları ilə paylaş: |