59
göstərir. Məhz buna görə də hər bir kollektivdə normal əmək ritmi yaratmaq, hər
bir işçinin vəzifəsini düzgün bölüşdürmək lazımdır.
Istehsalat rəhbərləri nəinki cari məsələlərə eyni zamanda digər məsələlərə də
fikir verməlidir. Çünki sex rəisi ancaq cari məsələ ilə məşğul olarsa, yaxud usta
əsas iş vaxtını təchizat məsələlərinə həsr edərsə onda gənc fəhlələrin istehsal
təlimi, əməyin düzgün təşkili üçün lazımı iş vaxtı çatışmaz. Demək, sex ustası,
normalaşdırıcılar, iqtisadçılar və mühəndislər ilk növbədə öz istehsalat sahəsində iş
vaxtından daha səmərəli istifadə etmək üçün əməli tədbirlər hazırlamalı, əməyin
təşkilinə fikir verməlidir. əməyin normal təşkili hər bir iş yerində təşkilati-texniki,
sanitar-gigiyena tədbirlərini həyata keçirməyə ağır əl əməyi tələb edən işləri
mexanikləşdirməyə, əməyin düzgün bölüşdürülməsi və koperativləşdirilməsinə,
onun dəqiq normalaşdırılması və ödənilməsinə yardım göstərilməlidir. Əməyin
təşkili iş vaxtından səmərəli istifadə etmək, hər bir işçinin yaradıcılıq qabiliyyətini
və istehsalat vərdişini artırmağa təhrik etməlidir.
Ikinci qrup səbəblər içərisində əsas yeri mənzil şəraitini qənaətbəxş olmaması
və yaşayış yerinin iş yerindən uzaqda yerləşməsi tutur.
Əmək kollektivlərində işdən gedənlərin əksəriyyəti cavan və az stajlı fəhlələr
təşkil edirlər. Məsələn, deyək ki, 25 yaşdan kiçik və 2 ilə qədər stajı olan fəhlələr
içərisində müxtəlif səbəblər üzündən öz iş yerlərini dəyişənlər 33,5% təşkil etdiyi
halda, yaşı 50-dən yuxarı olan və iş stajı 20-25 il olan fəhlələr arasında bu rəqəm
4,1 faizdir.
Işdən gedənləri nəzərdən keçirdikdə görmək olar ki, burada öz xahişi ilə işdən
gedənlər və oxumağa, hərbi sıralarına çağırılmaqla işdən gedənlərin sayı yüksək
faiz təşkil edir. Belə ki, özbaşına çıxıb getmək müəssisədə işçi axıcılığının
yüksəlməsinə səbəb olur. Müəssisələrdə üzürsüz səbəbə görə işə gəlmədiyinə görə
işdən azad olunanlar hələ də yüksək səviyyədə olur. Bu da kollektivlərdə əmək
intizamına ciddi riayət olunmadığını göstərir.
Əmək kollektivlərində kadr hərəkəti sahəsində bazar iqtisadiyyatı ilə əlaqədar
olaraq bir sıra prinsipial dəyişkənliklər baş vermişdir.
60
Kollektivlərdə işçi axınının olması əmək və istehsalın düzgün təşkil
olunmadığını göstərir və işçi qüvvəsinin səmərəlilik səviyyəsinə mənfi təsir
göstərir. Müəssisədə həddindən artıq işçi axınının olması iş vaxtından qeyri-
məhsuldar istifadə olunmasına, əmək intizamının pisləşməsinə səbəb olur və
nəticədə müəssisənin bütün keyfiyyət göstəriciləri aşağı düşür.
Aydındır ki, müəssisədən işçi getdikcə onu yenisi ilə əvəz etmək lazım gəlir
və yeni işçi hətta belə yüksək ixtisaslı olduqda belə, yeni iş yerinə yeni texniki
mexanizmlərə öyrəşənə qədər müəyyən vaxt keçir. Bu dövrdə istər- istəməz
məhsuldarlığının və məhsulun keyfiyyətinin səviyyəsi aşağı düşür.
Axıcılıq əmsalı öz xahişi ilə, üzürsüz olaraq və əmək intizamının
pozulmasının müxtəlif səbəblərinə görə işdən çıxarılanları toplayıb fəhlələrin
(işçilərin) orta siyahı sayına bölməklə müəyyən edilir.
Cədvəl 3.
Kadr axıcılığı əmsalı
Illər
Axıcılıq əmsalı
Axıcılıq faizi
2005
0,297
29,7
2006
0,266
26,6
2007
0,236
23,6
2008
0,197
19,7
Müəssisədə işçi axıcılığı müxtəlif səbəblərdən baş verir. Buna görə də birinci
növbədə bu səbəbləri aradan qaldırmaq lazımdır. Müəssisələrdə gənclər arasında
axıcılıq yüksək faiz təşkil edir. Bunu onunla izah etmək olar ki, ilk dəfə işə
götürülmüş gənclər demək olar ki, yeni əmək fəaliyyətinə başlayırlar. Buna görə də
müəssisə onlara psixi-fizioloji qaydaları öyrətməli, təhsil səviyyəsini artırmağa
imkan verməli, konkret bir peşə-ixtisasla maraqlandırılmalıdır. Lakin bunlara ciddi
əməl olunmur. Müəssisədə işçi axınının sosial-iqtisadi təhlili bu axıcılığa qarşı
ciddi mübarizə aparmağın hansı yollarından istifadəni müəyyən etməyə imkan
verər. Müəssisədə kadrların daimiliyinin təmin edilməsi bir sıra amillərdən asılıdır.
Işçi axını ilə mübarizənin ən səmərəli vasitəsi əmək şəaritinin
yaxşılaşdırılmasına yönəldilən tədbirlərin gücləndirilməsidir. Burada nəzərdə
61
tutulur: müəssisənin yeni texnika ilə təmin olunması, əməyin yüksək səmərəli
təşkili, istehsal təlimi üçün şəraitin yaradılması, fəhlələrin geniş profildə
hazırlığının həyata keçməsi, əmək məhsuldarlığının yüksəldilməsi və onun
nəticələrinə görə real maddi marağın yaradılması və s.
Işçi axınının qarşısının alınması üçün fiziki əmək tələb edən işlərin ixtisar
olunması, iş yerinin təmiz saxlanması, düzgün işıqlandırılması, səs-küyün aradan
qaldırılması və s. kimi məsələlərin də böyük əhəmiyyəti vardır.
Işçi qüvvəsinin sabitləşdirilməsi üçün əmək şəraitinin əhəmiyyəti getdikcə
artır. Əmək şəraitinin pis olması aşağıdakı amillərlə əlaqədardır. Məsələn, əsas
işlərin əl ilə görülməsi xeyli fiziki qüvvə tələb edir, iş yerinin yer altında və ya
yuxarıda yerləşməsi, zəhərli predmetlərlə işləmək, toz, səs və rütubətli iş şəraiti,
yüksək temperaturda işləmək, iş əməliyyatının yeknəsəq olması və s.
Müəssisələrdə maddi-maraq və həvəsləndirmə yolu ilə sabit qalmanı təmin
etmək üçün bəzi qanunverici tədbirlərin həyata keçirilməsini təmin etmək lazımdır.
Burada bir çox ölkələrin, o cümlədən Yaponiya, İsveç, Almaniya və digərlərinin
təcrübəsi diqqətəlayiqdir. Belə tədbirlərə misal olaraq məzuniyyət sisteminin
dəyişdirilməsi, yəni istehsalatda 8-10 il fasiləsiz işləyənlərə əlavə məzuniyyət
günləri verilməsi. Hər ilin yekunlarına görə fəhlələrə mükafat verilərkən hər illik iş
stajını nəzərə almaq, bəzi istehsal sexlərində, zərərli iş sahələrində işləyənlərə,
uzun müddət fasiləsiz işlədiklərinə görə hər il əlavə mükafat vermək və sair
göstərmək olar.
Kollektivlərdə qarşılıqlı münasibətlərin pis olması işdən gedənlərin səbəbləri
içərisində 30-40% təşkil edir. Əmək kollektivlərində kadrlar axıcılığı və kadrların
sabitləşməsinin ixtisar edilməsi üçün tədbirlərin aşağıdakı istiqamətlərdə
aparılması məqsədəuyğun olardı:
-
Təzə işə qəbul olunanların peşə-ixtisasına dəqiq fikir vermək, iş yerinin
xarakteri və kollektivlə tanış etmək;
-
Hər bir işə qəbul olunan fəhləni, mühəndis-qulluqçunu əmək qaydaları ilə tanış
etmək;
Dostları ilə paylaş: |