752
gözünə yuxu gedəndə mən küçəyə çıxdım, babamın yaşadığı
evə tərəf getdim, onun evinə çatmamış, körpünün üstündə
durdum. Bu zaman o adam gəldi...
– Bu adam Arxipovdur, Nikolay Sergeiç, bu barədə
mən sizə danışmışdım. Bu həmin adamdır ki, bir nəfər
tacirlə Bubnovagildə idi, orada onu bərk döymüşdülər. Nelli
onda bunu birinci dəfə görürdü... Nelli, danış!
– Mən onu saxlayıb bir manat gümüş pul istədim. O
mənə baxıb soruşdu: “Bir manat gümüş pul?” Mən də dedim
ki: “Bəli”. O gülüb mənə dedi: “Gedək mənimlə”. Mən
bilmirdim gedim, ya yox. Birdən qızıl gözlüklü bir qoca kişi
bizə yaxınlaşdı. O mənim bir manat gümüş pul istədiyimi
eşidibmiş, mənə tərəf əyilib soruşdu ki, sən niyə ancaq bir
manat istəyirsən? Mən də dedim ki, anam xəstədir, dərman
almağa bu qədər pul lazımdır. O soruşdu ki, siz harada
yaşayırsınız? Mən yaşadığımız yeri dedim, o da yazdı, mənə
bir manat pul verdi. O biri adam gözlüklü qocanı görən
kimi, çıxıb getdi, daha məni çağırıb aparmadı. Mən dükana
gedib manatı qara pula xırdaladım, onun otuz qəpiyini
kağıza büküb anam üçün saxladım, on dörd şahısını kağıza
downloaded from KitabYurdu.org
753
bükmədim, qəsdən ovucumda sıxıb babamın yanına getdim.
Ora çatan kimi, qapını açıb astanada durdum, qolaylanıb
ovucumdakı pulu onun üstünə atdım, pullar otağa səpələndi.
– Alın, – dedim, – bu da sizin pulunuz! Sizin pulunuz
anama lazım deyil, çünki siz onu qarğıyırsınız.
Qapını çırpıb tez getdim.
Anna Andreyevna Nikolay Sergeiçə baxmadan, Nellini
bərk-bərk özünə sıxaraq dedi:
– Lap yaxşı eləmisən, ona elə lazımdı! Sənin baban
daşürəkli zalım adammış...
Nikolay Sergeiç:
– Bəli... – deyərək səsləndi.
Sonra Anna Andreyevna səbirsizliklə soruşdu:
– Bəs sonra nə oldu, sonra nə oldu?
– Mən daha babamın yanına getmədim, o da mənim
yanıma gəlmədi.
– Bəs sizin halınız necə oldu? Ax, yazıqlar, yazıqlar!
Nelli:
– Anamın halı daha da pis oldu, indi o yataqdan çox az
qalxırdı, – deyərək sözünə davam etdi, onun səsi titrəyirdi,
downloaded from KitabYurdu.org
754
qırılırdı. – Pulumuz da daha heç yox idi, mən kapitan arvadı
ilə dilənməyə getdim. O, evlərə gedib dilənirdi, küçələrdə də
yaxşı adamları saxlayıb sədəqə istəyirdi, bununla da
yaşayırdı. O mənə deyirdi ki: “Mən dilənçi deyiləm, mənim
elə kağızlarım var ki, orada rütbəm yazılmışdır, kasıb
olduğum da yazılmışdır”. Bu kağızları adamlara göstərirdi,
bunun üçün də ona pul verirdilər. O mənə deyirdi ki,
hamıdan dilənmək ayıb deyil. Mən onunla bir yerdə
dilənməyə gedirdim, bizə sədəqə verirdilər, biz də bununla
yaşayırdıq. Anam bunu bildi, çünki kirayənişinlər onu “sən
dilənçisən” deyə məzəmmət eləməyə başladılar. Bubnova da
anamın yanına gəlib deyirdi ki: “Sən onu dilənməyə nahaq
qoyursan, mənim yanımda qoysan yaxşıdır”. O əvvəllər də
anamın yanına gələrdi, ona pul verərdi. Anam ondan pul
almayanda o deyirdi ki: “Siz niyə belə lovğasınız!” Yemək
də göndərirdi. İndi o gəlib məni anamdan istəyəndə, anam
qorxub ağladı, Bubnova da ona pis-pis sözlər dedi, çünki o
kefli idi, bunu da dedi ki, sənin qızın onsuz da dilənçidir,
kapitan arvadı ilə dilənməyə gedir. Elə o axşam da kapitan
öz arvadını evdən qovdu. Anam bunları biləndə ağlamağa
downloaded from KitabYurdu.org
755
başladı, sonra birdən yatağından qalxıb geyindi, qolumdan
yapışıb məni özü ilə apardı. İvan Aleksandrıç onu saxlamaq
istədi, anam onun sözünə qulaq asmadı, biz də çıxıb getdik.
Anam güclə yeriyirdi, tez-tez küçədə otururdu, yeriyəndə
mən onun qolundan tuturdum. Anam elə deyirdi ki, mən
babamgilə gedirəm, məni onun yanına apar. Hava çoxdan
qaralmışdı. Birdən biz gəlib böyük bir küçəyə çıxdıq, burada
bir evin qabağında çoxlu kareta dayanırdı, karetalardan da
çox adam düşürdü, bütün pəncərələrdən işıq gəlirdi, musiqi
səsi eşidilirdi. Anam dayandı, mənim qolumdan tutub dedi:
“Nelli, kasıb ol, ömrünün axırına kimi kasıb ol, onların
yanına getmə, kim gəlsə, kim çağırsa, getmə! Sən də orada
ola bilərdin, varlı olardın, yaxşı geyinərdin, ancaq mən bunu
istəmirəm. Onlar zalım, daşürəkli adamlardır. Mənim sənə
tapşırığım budur: kasıb ol, işlə, dilən, kim səni gəlib
aparmaq istəsə, de ki, mən sizin yanınıza getmək
istəmirəm!..” – Nelli həyəcandan titrədi, üzü qızararaq əlavə
etdi: – Anam xəstə olanda mənə belə dedi, mən də ömrümün
axırına kimi onun sözündən çıxmaq istəmirəm. Nə qədər
ömrüm var – qulluq eləyəcəyəm, işləyəcəyəm, sizin də
downloaded from KitabYurdu.org
756
yanınıza qulluq eləməyə, işləməyə gəlmişəm, mən varlı
adamların qızı kimi olmaq istəmirəm...
Anna Andreyevna onu bərk-bərk qucaqlayaraq
həyəcanla dedi:
– Sən nə deyirsən, nə deyirsən, can bala, sən nə
deyirsən! Anan bu sözləri sənə deyəndə xəstə imiş.
Nikolay Sergeiç sərt bir ifadə ilə:
– Dəli imiş... – dedi.
Nelli birdən ona tərəf döndü:
– Qoy dəli olsun, qoy dəli olsun! Ancaq o mənə belə
tapşırıb, mən də bütün ömrüm uzunu o deyən kimi
eləyəcəyəm. Anam bu sözləri mənə deyəndə hətta özündən
də getdi.
Anna Andreyevna:
– Ah ilahi! – dedi. – Özü də xəstə, küçədə, qışın günü!..
– Bizi polis idarəsinə aparmaq istədilər, bir ağa bizim
harayımıza çatdı, aparmağa qoymadı. Məndən harada
yaşadığımızı soruşdu, mənə on manat pul verdi, öz
sürücüsünə əmr etdi ki, bizi evimizə aparsın.
downloaded from KitabYurdu.org
Dostları ilə paylaş: |