Fizikadan masalalar to’plami

9(1,37) Uzunligi 120 m bo'lgan poyezd ko'prikning ustidan 18 km/soat tezlik bilan o'tmoqda. ko'prikning uzunligi 480 m bo'lsa u ko'prikning ustidan qancha vaqtda to'liq o'tib bo'ladi? Bu masalada poyezdni moddiy nuqta deb hisoblash mumkinmi?
10(1.38) Taksida nima uchun pul to'laymiz yo'l uchunmi ko'chish uchunmi? Samalyotdachi?
11(1.50) Moddiy nuqta X o'qi bo'ylab shunday tekis harakat qilmoqdaki, vaqtning t₁=1 s da uning koordinatalari x₁=5m vaqtning t₂=5s da koordinatalari x₂=-3m ga teng. Moddiy nuqtaning harakat tezligini aniqlang. Nuqtaning x(t) harakat tenglamasini tuzing. Moddiy nuqtaning istalgan Δt=2s vaqt ichidagi ko'chishini va bosib o'tgan yo'lini toping.
12(1.54) Orasidagi masofa L bo'lgan A va B shaharlardan bir-biriga qarab v₁ va v₂ tezlik bilan ikkita avtomobil harakatlana boshladi. ularning uchrashish joyi va vaqtini aniqlang. Masalani analitik va grafik usulda yeching.
1 3(1.55) X o'qi bo'ylab harakatlanayotgan jismning koordinatasi vaqt o'tishi bilan o'zgarish qonuni rasmda tasvirlangan. Jism tezligining va bosib o'tgan yo'lining vaqtga bog'liq grafiklarini yasang. Birinchi 3s dagi jisimning bosib o'tgan yo'lini va ko'chishini toping. Jismning birinchi 5s dagi o'rtacha proyeksiya tezligi v_x va butun yo'ldagi o'rtach tezligini toping.
Nisbiy harakat.
14(1.59) Velosiped g'ildiragi gardishidagi nuqtalarning trayektoriyasini a) velosiped ramasi bilan, b) yer bilan bog'langan sanoq sistemasidagi trayektoriyasini chizing. Trayektoriya sanoq jismining tanlanishiga bog'liqmi? Jismning ko'chishi yoki bosib o'tgan yo'li sanoq jisimining tanlanishiga bog'liqmi?