31
xırdalı 138 dükan vardı. Tacir və sənətkar dükanlarından başqa bazarda ərzaq dükanları
da var idi.
Ticarət, xüsusilə, yerli ticarət, sənətkarlıqla birlikdə şəhərin iqtisadi həyatının
əsasını təşkil edirdi. Ticarət əsasən iki cür aparılırdı: topdansatış və pərakəndə.
Bazarda ticarətin bütün növləri üzərinə ağır vergilər — gömrük haqqı
qoyulmuşdu. Xanlığın hər bir bucağında — qala qapısından tutmuş ta çayların
keçidlərinə qədər, hətta dini ocaqlara gedən yolların hamısında xanın adamları —
rahdarlar və bacdarlar durub, gedib-gələnlərdən ağır vergilər alırdılar.
Rahdarlar və bacdarların vəzifəsi demək olar ki, eyni idi. Onların hamısı vergi
toplayırdı. Lakin buna baxmayaraq, onların fəaliyyətində müəyyən fərq var idi.
Bacdarlar gələn tacir və səyyahlardan bir növ «torpaq-basdı» gömrüyü alırdılar.
Rahdarlar isə yalnız xanlığın daxilində gömrük toplayırdılar.
Naxçıvan xanlığının ticarətindən bəhs olunarkən qeyd etmək lazımdır ki, tədqiq
olunan dövrdə buranın ərazisində tez-tez feodal ara müharibələri getdiyindən dəfələrlə
Naxçıvan xanlığı müharibə meydanına çevrildiyindən və daha çox dağlıq hissə
olduğuna görə rahat yollar olmadığından xanlığın ərazisində ticarət zəif inkişaf etmişdi.
Beləliklə, ticarətin aparılması üçün lazımi imkan olmadığından, təsərrüfatın
genişlənməsinə, sənətkarlıq məhsullarının artmasına, bu sahədə
əməyin
intensivləşməsinə imkan olmadığına görə daxili ticarət də zəifləmişdi.
Daxili ticarətdən fərqli olaraq Naxçıvan xanlığında gəlmə tacirlərin hesabına
xarici ticarətdə nisbətən canlanma hiss olunurdu. Xarici ölkələrdən, xüsusilə Rusiyadan
buraya gələn tacirlər öz ölkələrinə Naxçıvan ustalarının hazırladıqları nəfis ipək parçalar
aparırdılar. Təsadüfi deyildir ki, Moskvadakı, Nijni Novqoroddakı yarmarkalarda
Naxçıvan və Ordubadda istehsal edilmiş ipək parçalara və müxtəlif rənglərə boyanmış
ipək saplara təsadüf olunurdu. Naxçıvan xanlığından bır sıra xarici bazarlara qırmızı və
ağ bez parçalar, düyü, şərab və s. məhsullar aparılırdı. Bez əsasən Qarabağ və İrəvan
xanlıqlarına, düyü Mərənd, Xoy və Təbriz xanlıqlarına, pambıq parça Bayazid, Qars,
Tiflis, Şuşa və digər şəhərlərə ixrac edilirdi.
Ticarətin zəif inkişaf etməsinə baxmayaraq, Naxçı
[43-44]
van xanları xəzinəni
əsasən ticarətdən yığılan vergilər hesabına doldururdular. Ona görə də xanlar ticarət
vergilərinin toplanmasına ciddi fikir verir, bu məsuliyyətli işi ən yaxın adamlarına etibar
edirdilər. Naxçıvan xanlığının ticarətində ən çox gəlir «rahdari» gömrüyündən əldə
edilirdi. Demək olar ki, bazara gətirilən bütün mal və məhsullardan — növündən,
sayından və cinsindən asılı olmayaraq rahdari gömrüyü alınırdı.
Xanlıqlar dövründə rahdari gömrüyü xanların ən böyük gəlir mənbəyi hesab
olunurdu. İrəvanlı Hüseynqulu xanın məktublarının məcmuəsində açıqdan-açığa
göstərilirdi ki, xanın gəlirinin əksəriyyətini rahdari gömrüyü təşkil edirdi. Çox güman
ki, bütün xanlıqlarda vəziyyət eyni idi. Naxçıvan xanlığında rahdari gömrüyü toplamaq
hüququ başqa sahələrdə olduğu kimi, icarəyə verilirdi. Xandan böyük məbləğə (ildə
1300 tümən) həmin «vəzifəni» almış icarədarın bazara gətirilən bütün mallardan
gömrük toplamaq hüququ olurdu. Məsələn, at və dəvə ilə gətirilmiş hər ipək, boyaq, sap
və pambıq yükü üçün sahibkar icarədara 4 m. 20 qəp. və ya 2 m. 50 qəp. verməli idi.
Şəkər, dəmir məmulatı, həna, yağ, bal, tütün, mal piyi və s. satan tacir 2 manat 12
qəpik rahdari gömrüyü verməli idi. Boyaqçılara vacib olan qırmızı (marena) boyaq
32
bitkisi, həmçinin İrandan gətirilmiş müxtəlif məhsullar üçün tacirdən 1 manat 60 qəpik
miqdarında rahdari alınırdı. Xurma və saxsı qablar üçün də satıcı 25 qəpik gömrük
verməli idi.
Məhsulun satılıb-satılmamağından asılı olmayaraq satıcı geri qayıdarkən yuxarıda
göstərildiyi kimi, rahdari gömrüyünü verməli idi. İrandan gətirilən toxunma parçalara
görə 2 manat 40 qəpik həcmində gömrük alınırdı. Naxçıvan xanlığından aparılan üzüm,
nar, noxud və düyü üçün gümüş pulla 62 qəpik, bu məhsulların şəhər bazarına
gətirilməsi üçün isə daha artıq gömrük alınırdı.
Dövlət xəzinəsinə axan gəlirin müəyyən hissəsini boyaqçılıqdan alınan vergi
təşkil edirdi. Naxçıvanda da boyaqçılıqdan vergi alınması hüququ icarəyə verilirdi. Bu
hüququ qazanmaq üçün ildə xəzinəyə 370 tümən ödənməliydi. Bundan sonra heç kəsin
icarədarın icazəsi olmadan və ona müəyyən məbləğ vermədən hər hansı əşyanı
boyamağa və yaxud rənglətdirməyə ixtiyarı yox idi. Naxçıvandan malı mizan-tərəzidə
çəkib vergi almaq hüququ da icarəyə verilirdi. Bu hüquq üçün mizandar ildə dövlət
xəzinəsinə 100 tümən verməli idi. Mizandar bir batman pambığı, balı, yağı, ipəyi,
tütünü, boyağı və digər məhsulları mizan-tərəzidə çəkdiyinə görə, gümüş pulla 16 qəpik
alırdı. Bu vergi şəhərə satış üçün məhsul gətirən bütün tacirlərdən məcburi alınırdı. Əks
təqdirdə
1
onun öz malını satmağa ixtiyarı yox idi. Meyvə və quru meyvə satmaq
hüququ olan şəxslər xəzinəyə ildə müəyyən məbləğ verməli idilər. Bazara gətirilmiş
yemiş və qarpızdan başqa, digər təzə və quru meyvələrin hər yükü üçün icarədara 12
qəpik gümüş pul, həmçinin satdığı maldan «pay» verilməli idi. Bu vergi yalnız şəhərə
məhsul gətirənlərdən toplanılırdı. Bazarda həmin meyvəni alıb istədikləri qiymətə
satanlardan isə heç bir vergi alınmırdı.
Çörək və dənli bitkilər satmaq hüququ da 50 tümən həcmində icarəyə verilirdi.
Bu hüququ almış şəxs —icarədar satılan hər batman buğda, arpa, darı üçün gümüş pulla
2 qəpik, düyüyə görə isə 4 qəpik gömrük alırdı.
Sabun satışından gömrük toplamaq hüququnu almış icarədar xəzinəyə hər il 60
tümən verməli idi. O, xanlıqda sabunun bişirilməsi və satılması üzərində nəzarət edir və
haqqını alırdı. Naxçıvan xanlığında icarədarın icazəsi olmadan heç kəs sabunu nə bişirə,
nə də sata bilərdi. Başqa xanlıqda sabun istehsal edənlər Naxçıvanda öz mallarını yalnız
icarədara sata bilərdilər. İcarədar isə həmin sabunu istədiyi qiymətə verirdi.
Tütün satışından gömrük toplamaq hüququ da ildə 15 tümənə icarəyə verilirdi.
Şəhərdə yalnız icarədarın tütün satmağa ixtiyarı var idi. Ancaq xanlıqdan kənara tütün
aparmaq qadağan edilmirdi və bunun üçün də vergi gömrük alınmırdı.
Ən əlverişli gəliri icarədar duz mədənlərindən əldə edirdi. O, duz satışından ildə
1000 tümən qazanırdı. İcarədar hər batman duz üçün 8 qəpik, duzun daşınması üçün də
bir o qədər gömrük alırdı . Əldə edilən məbləğin dörddə biri duz mədənlərində
işləyənlərə verilirdi. Mədəndə işləyənlərin əmək haqqı bəzən duzla əvəz olunurdu.
Maraqlıdır ki, yalnız Şıx Mahmud kəndinin əhalisinin duz mədənlərində işləmək
hüquqları var idi. Deyilənlərə görə bu, ona görə idi ki, ilk dəfə həmin kəndin adamları
hökumətə duz mədənlərinin yerini xəbər veriblərmiş.
[45-46]
Culfa yaxınlığındakı Araz keçidindən gömrük almaq hüququ Culfadan olan
yüksək rütbəli bir nəfər şəxsə 160 tümənə verməli idi. Bundan əlavə icarədar xəzinəyə
ildə topladığı gömrüyün dörddə bir hissəsini də verməli idi. Araz çayının üstündəki