31
Müxtəlif hadisə və
predmetlərin təsviri
onu söyləyənin
şahidliyi və iştirakı
ilə təqdim olunur
Əhvalat
rəvayət
şəklində
təqdim olunur
Əhvalat yarı
şahidlik, yarı
rəvayət şəklində
təqdim olunur
Danabaş kəndinin
məktəbi
Poçt qutusu
Danabaş kəndinin
əhvalatları
Kişmiş oyunu, İki alma Usta Zeynal,
Pirverdinin xoruzu
İranda hüriyyət,
Oğru inək
Qurbanəlibəy Rus qızı
Molla Fəzləli,
Qoşa balınc
Dəllək
Qəssab
Konsulun arvadı,
İki qardaş
Quzu
Taxıl həkimi
Xanın təsbehi,
Hünərli qadınlar
Nigarançılıq
İki ər
Zırrama, Qiyamət
Şərq fakültəsi Fatma xala
Baqqal Məşədi
Rəhim, Yuxu
Təzə xəbər
Şeir bülbülləri,
Eydi-rəmazan
Sirkə, Proletar şairi
Atlar dayandı
Bəlkə də qaytardılar, Toy
Hamballar,
Şəhər və kənd
Qəza müxbiri,
Yan tütəyi, Sarı
Saqqallı uşaq,
Ucuzluq
Buz, Zəlzələ
32
Cəlil Məmmədquluzadə nəsrində süjet xəttinin
təqdimi dəqiqdir. Ədib süjet və hadisələr haqqında söh-
bət açmağa geniş yer vermir, fikirlərini əsas etibarilə
hadisələrin inkişafında, süjetlərin xarakterində ifadə
edir. Cədvəldən də aydın olur ki, Cəlil Məmmədqulu-
zadə nəsrində süjet xətti daha çox müəllifin şahidliyi ilə
təqdim olunur. Birinci sütundan olan əsərlərdən yalnız
biri – «Kişmiş oyunu» birinci şəxsin, yəni İranda
günləri «məşəqqət və korluqla» keçən seyidin dilindən
nağıl formasında təqdim olunur. Qalan əsərlər isə ədibin
öz dilindən həqiqətən görmüş və iştirak etmiş hadisələr
kimi qələmə alınmışdır. Bu qəbildən olan əsərlərə
ardıcıl bir silsilə kimi də ümumi nəzər yetirmək heç də
doğru olmazdı. Əsərlərdə təqdim olunan şahidlik və
iştirak fərdiliyi hər bir hadisədə mühakimə və məz-
mununa görə öz orijinallığı ilə fərqlənir. Burada:
1) Müəyyən yaş dövrü ilə bilavasitə bağlı olan
müəllif şahidliyi və iştirakı;
a) kiçik yaş dövrünü əhatə edən hekayə süjetlərinin
təqdimi: «Danabaş kəndinin məktəbi», «Buz»;
b) gənclik dövrlərini əhatə edən hekayələr: «Yan
tütəyi», «Xanın təsbehi», «Toy»;
c) ahıl dövrü əhatə edən hekayələr: «Saqqallı
uşaq», «İki alma», «Qoşa balınc» və s.
2) Bədii publisist fonda ictimai fikirlərin tənqidi
(«Qəza müxbiri», «Eydi-rəmazan», «Qiyamət») və s.
əhatə olunur.
İkinci sütunda qruplaşan hekayələrdə ədib sadəcə
rəvayət üsulunda süjet təqdimini seçir, hər hansı bir
33
hadisə müəyyən həyati xarakterlərlə, tipik şərait və
hadisələrlə təsvir olunur.
Əhvalat süjetini yarı şahidlik, yarı rəvayət fonunda
təqdim etmək üsulu Cəlil Məmmədquluzadə yaradıcılı-
ğında ilk nəsr əsəri olan «Danabaş kəndinin əhvalatları»
povestində sənətkarlıqla nümayiş etdirilir. «Əhvalatlar»
hekayəçi tərəfindən təqdim olunsa da Cəlil Məmməd-
quluzadənin «mən»i şərti olaraq yoxdur. Bunun əvəzinə
əsərdə iki «mən», iki hekayəçi var: lağlağı Sadıq və
qəzetçi Xəlil. Müəlliflik hüququ hekayəçiyə verildiyi
kimi, bütün məsuliyyət də sanki onun üzərinə qoyulmuş-
dur» (132, 24). Əsərə yazılmış «Bir yüngülvari müqəd-
dimə»də povestin təhkiyəçisi əsərdəki əhvalatların
uydurulmadığını, real həyatdan, gündəlik məişətdə baş
verən fakt və hadisələrdən götürülmüş olduğunu, bunları
isə hekayəçi ya özü görüb, ya da başqalarından eşit-
diyini vurğulayır. Yaxud «Rus qızı» əsərində süjet
müəllifin öz şahidliyi ilə təqdim olunsa da rəvayəti
davam etdirən Məşədi Qulamhüseyn, «Taxıl həkimi»
əsərində isə davamçı kəndlilərdir. Burada – a) müəllifin
təhkiyə şərhi; b) müşahidə edilə bilinən əlamət və
keyfiyyətlərin təsviri; c) daxili və mənəvi düşüncələrin
əks olunması başlıca şərtlərdəndir.
Ədibin nəsrində süjet mövzunun açılmasının əsas
vasitələrindəndir. Yunan filosofu Aristotel yazmışdı ki,
«hər bir kamil süjetin başlanğıcı, ortası və sonu olma-
lıdır. Süjet istədiyi yerdə başlanmamalı, istədiyi yerdə
tamam olmamalıdır» (6, 17). Cəlil Məmmədquluzadə
nəsrində süjet xəttini təşkil edən hadisələr stabil bir
34
forma ardıcıllığı ilə deyil, hadisələr onların bilavasitə
inkişafına zəmin yaradan, personajlar arasındakı mü na-
qişə və ziddiyyətlərin gah gərginləşməsi, getdikcə
mürəkkəbləşməsi, gah da zəifləyən forma ilə sistemə
salınması ilə tamamlanır. Onun nəsr yaradıcılığında şəx-
si üslub xüsusiyyətləri çoxdur. Bu orijinallıq əsərlərin
süjet quruluşunda özgün bir formada üzə çıxır (istər
məzmun, istər forma daxilində). Yazıçı məharətlə ənə-
nəvi qanunları «pozur», orijinal təsvir və təhkiyə üsul-
ları ilə hadisələrin daha qabarıq təsvirinə nail olur.
Cəlil Məmmədquluzadə nəsrində süjet xəttinin
inkişafına müxtəlif formalarda təsadüf olunur.
Ümumiyyətlə, «ədəbiyyatşünaslıqda, bütün kompo-
zisiya prinsipləri: süjet və onun elementlərinin – kolle-
ziya, intiriqa və situasiyanın seçilməsi, obraz ların qanu-
nauyğun yerləşdirilməsi, ayrı-ayrı fəsillərin və səhnə-
lərin zəruri olması, bədii priyomlar və s. son nəticədə
sənətkarın ideyası, yaradıcılıq vəzifəsi ilə müəyyən
edilir.
Bədii ədəbiyyatda kompozisiyanın üç şəkli daha
geniş yayılmışdır.
Birinci halda müəlliflər əsərlərində müəyyən bir ha-
disə təsvir edərək onu tədrici inkişaf yolu ilə aparmağı və
öz niyyətlərini əsərin lap axırında açmağı üstün tuturlar.
İkinci halda, təsvir edilən əhvalatın sonu əsərin lap
başlanğıcında verilir, təfsilata isə yazıçı sondakı hissə-
lərdə keçir.
Üçüncü halda, təsvir edilən əhvalatın məğzini,
cövhərini təşkil edən məsələ əsərin ortasında gedir. Baş-
Dostları ilə paylaş: |