86
mkm-ə çatır. Hüceyrələrin belə ölçülərində onların səthi 1 litr
qıcqıran üzüm şirəsində 10m
2
-ə çata bilir. Yalnız hüceyrələrin belə
böyük səthi onların metobolizmini və ətraf mühitlə maddələr mü-
badiləsi prosesinin intensivliyini müəyyən edir. Maya hüceyrələri
özü ilə eyni çəkidə olan (500 kq) heyvandan daha çox zülal sintez
edə bilir. Belə ki, maya kütləsi gün ərzində 50 ton zülal sintez
etdiyi halda, heyvan bütövlükdə 0,5 kq zülal sintez edə bilir.
Maya hüceyrələri xüsusi çəkisinə görə bakteriya hücey-
rəsindən az fərqlənir. Bakteriya hüceyrəsinin nisbi sıxlığı 1,050-
dən 1,112 arasında tərəddüd etdiyi halda mayalarda bu göstərici
1,055-dən 1,060 arasında dəyişir.
Maya hüceyrələrinin dəyişməyən morfoloji formasına yalnız
standart qida mühitində cavan kulturlarda təsadüf olunur.
Mayaların bu və ya digər kulturları xüsusilə inkişaf mərhələsi
və ətraf mühit şəraitindən asılı olaraq forma və ölçüsünə görə
fərqlənən hüceyrələrdən ibarət olur. Belə ki, xeres maya
hüceyrələri qıcqırma dövründə iri olub, elleps yaxud dairəvi
formaya malik olsa da, pərdə əmələ gəlmə mərhələsində xırda
şəkil almaqla, daha gərilmiş konfiqurasiyaya malik olur. Şərab
üzərində adətən güclü gərilmiş xırda hüceyrə yığımından pərdə
əmələ gətirən Hansenula maya cinsi, hava məhdud daxil olan
şəraitdə, məsələn butulkanın dibində iri və dairəvi forma alır.
Maya hüceyrələrinin forma və iriliyi mühitə CO
2
verildikdə xeyli
dəyişir. Pivə maya hüceyrələrinin (Sacch.Carlsbergensis) iriliyi
artır, zəif qıcqıran maya heceyrələri (Torula Latvica) xeyli
kiçilmiş olur.
Maya hüceyrəsi mürəkkəb tərkib və quruluşa malikdir. O, bir
hüceyrəli mikroskopik quruluşlu orqanizm olmaqla, bitki və
heyvan hüceyrələri ilə eyni quruluşludur. Hüceyrədaxili kompo-
nentlər ayrı-ayrı orqanoidlərə daxildir. Orqanoidlərə - hüceyrə
qılafı, sitoplazmatik membran, sitoplazma, mitoxondri, vakuollar,
holci
kompleksi, nüvə aiddir. Bundan başqa hüceyrədə müxtəlif
ehtiyat qida maddələri: qlikogen, treqaloza, yağ, metaxromatin və
b. olur.
Qılaf - sıx,
zərif və elastiki olmaqla, sitoplazmanı xaricdən
örtür, ona xarakterik forma verir və sitoplazmanı mühitin zərərli
87
təsirindən qoruyur. Qılaf, hüceyrədaxili osmotik təzyiqi nizamla-
maqla, hüceyrəyə məsamələrdən düzların və başqa kiçik molekulu
maddələrin keçməsini tənzim edir. Qılafın kimyəvi tərkibinə zülal-
polisaxarid kompleksi, fosfatlar və lipidlər daxildir (şəkil 3.5).
Şəkil 3.5. Maya hüceyrəsinin eninə kəsiyinin sxemi
1-holci aparatı; 2-tumurcuqlama hüceyrələrinin əmələ gəldiyi yer;
3-endoplazmatik zəncir; 4-valyutin dənəcikləri; 5-vakuol; 6- ribosom; 7-
piy damlacıqları; 8-sitoplazmatik membran; 9-nüvəcik; 10-mitoxondri;
11-hüceyrə qlafı; 12-sitoplazma; 13-nüvə
Sitoplazmatik membran, stoplazmanın xarici səthindən yara-
nır və protoplalazmanı əhatə edir. Mikroorqanizm hüceyrəsində
sitoplazmatik membran əsasən 4 funksiya yerinə yetirir: Osmotik
təbəqə kimi təsir edir; məhluldan hüceyrəyə qida maddələrinin və
əksinə, mübadilə məhsullarının keçməsini tənzim edir; özünü bəzi
fermentlərin və orqanoidlərin (ribosomların) daşıyıcısı kimi
göstərir.
Sitoplazma - maya hüceyrəsinin bütün əsas elementlərini,
mitoxondrii, ribosomlar və başqa ehtiyat maddələrini özündə
birləşdirir. Elektron mikroskopu və biokimyəvi tədqiqatlar nəticə-
sində müəyyən olunmuşdur ki, sitoplazma özünü zülallardan,
karbohidratlardan, lipidlərdən, mineral maddələrdən, sudan və bir