650
calal ulduzumuz qəhr şəfəqini hər kimin üzərinə salarsa, onu arvad-uşağı, qohum-əqrəbası və nəsli ilə birlik-
də yox edər. Gərək ki, müxaliflikdən əl çəkib dərgaha tələsəsən və əmirlər cərgəsində qərar tutasan. Darvaza
və qapı bağlamaqdan bir fayda hasil olmaz”.
Beytlər
“Qapını bağlasan da,
səndən əl çəkməyəcəyik,
Əgər qapını bağlasan, damdan da yol var.
Evin qapısını günəşin üzünə bağlasan da,
O, hicabsız şəkildə nəfəslikdən içəri girəcək”.
Onlar ağlın azlığı və cəhalətin çoxluğu ucbatından yola gəlmədilər. Beləliklə, qəflət pası nəsihət sı-
ğalı ilə onların kirli könlünün lövhəsindən təmizlənmədi, lütf, təzyiq, təhbeh, təhdid, vəd və xəbərdarlıq kəl-
mələrinin təsiri olmadı.
Nəzm
“Qəzəb üzündən aləmin pənahı olan şah,
Ordu başçıları ilə danışıb dedi ki:
O alçaqda vəfa adəti yoxdur,
O olmaz bizimlə səfa məqamında.
Yalandır və əbəsdir onun sözü və əməli,
Olmaz bir kəs agah onun işindən.
Dil açdılar aydın ürəklilər [və dedilər] ki:
Sənin dərgahın bəxtiyarların qibləsidir.
Sənsən fələk səmasında günəş,
Sənin feyzindən bütün aləm kam alır.
Yüz ürəklə istəməsə səni əgər səma,
Onun ürəyi yüz para olsun günəşin qılıncı ilə.
Bütün intiqamını düşməndən alarıq,
Sənin hökmündən əsla boyun qaçırmarıq”.
Amma Şamxal sultan və Pərixan xanım öz əməllərindən peşman idilər. Lakin onların fitnəkar düşün-
cələrinin fəsadları asayiş dairəsindən keçmişdi. Balıq kimi iztirab toruna düşmüşdülər. Xofdan qan onların
damarlarının məcrasında dondu, padşahın heybətindən onların kəlləsinin böyük çuxurlarında beyinləri əridi
və qorxudan onların nəfəs yolu tutuldu.
Misra
“Sənin düşmənin çətinliklə nəfəs alır”.
Ondan sonra fələk [kimi] şövkətli ordu Qəzvinə doğru hərəkətə gəldi. Elə ki hökmdarın zərnigar tu-
ğunun ayparası ədalət və inancla Qəzvin darvazasının üfüqündən doğdu, Şamxal sultan kölgə kimi günəşə
tab gətirməyib zülməttək günəşin parlaqlığından üz çevirdi, öz qara bəxtinin axşamı kimi qürub məğribində
gizli və pünhan olaraq çarəsizlik və iztirab üzündən Səbzikar kəndinə getdi. O, Əmiraslan bəy Əfşarın ətə-
yindən yapışdı. O da onun zamanın Rüstəmi və dövranın İsgəndəri ilə bərabərlik iddiasına malik şərlə dolu
başını bədənindən ayırıb, aləmin pənahı olan dərgaha gətirərək zillət torpağı üzərinə atdı. Pərixan xanım yüz
qəm və kədərlə özünü hərəmə saldı. O həzrət onu Xəlil xan Əfşara tapşırdı. O da onu o biri dünyaya yolladı.
Pəncşənbə günü, zilhiccə ayının 5-də (13.02.1578) o həzrət dövlət atına minib cah-calalla hökmdar
sarayına daxil oldu. Çox-çox (dəstə-dəstə) dərgah əmirləri, bargah müqərrəbləri, seyidlər, mollalar, hakimlər,
kələntərlər, ağalar (“ərbab”) və əhali dərgaha gəlib öz vəziyyətlərinə uyğun şəkildə ehtirama layiq görüldü-
lər. Minbərlər və dinarlar onun mübarək adı ilə bəzək və zinət tapdı. Vəzirlik mənsəbi Mirzə Salmana həvalə
edildi. Ali mənşəli vəzir müdrikliyinin və biliyinin bolluğu ilə mülki idarəçiliyi həyata keçirdi, ürəklərdən
qorxu pasını və şübhə rəngini ehsan sığalı ilə təmizlədi. Bu böyük vəzifənin və incə işin zərurətini yerinə ye-
tirməyə başlayıb, bütün əmrlərdə və qadağalarda Həzrət İlahinin xofunu və qorxusunu göz önündə saxlaya-
raq hikmət qaydalarının istiqamətləndirilməsi və hökmlərin icrasında ümumi xalqla və bütün camaatla o tərz-
də rəftar etdi ki, onun işində heç bir əyər-əskik təsəvvür edilməsin. Zalımların cəzalandırılması və məzlumla-
ra himayə göstərilməsi üçün çalışdı, tərəfkeşliyə, ayrıseçkiliyə, səhlənkarlığa və qəflətə yol vermədi. Divan
651
malının çoxaldılmasında, kəndlilərə və əkinçilərə qayğıkeşlikdə imkanının yetdiyi qədər çox səy göstərdi.
Əsgərlərin ülufələrinin verilməsində və ehtiyac sahiblərinə maddi yardın göstərilməsində, bir dəqiqə olsun,
laqeydlik etmədi.
Cahanın pənahı olan şah yüksəyə qalxan günəş kimi qızıl taxt üzərinə çıxıb əyləşdi, dirhəm və dinarı
nur şüaları kimi xalqın üzərinə saçdı.
“Nemət xəzinəsinin qapısı açıldı,
Bütün xalqın ürəyi valeh oldu.
Hava təmizləndi onun nəfəslərindən,
Qəm yazısı ürəkdən silinib getdi”.
Dinin pənahı olan şahın Qəzvindəki nağd cavahiratdan, mallardan və hərb alətlərindən [ibarət] xəzi-
nələri əmirlərə, əməlisalehlərə, seyidlərə,
fəqirlərə, əsgərlərə, səfərdə və hüzurda olanlara paylandı. Dinin pə-
nahı olan şah qoşunun məvacibini on dörd il müddətində verməsə də, o həzrət hamısını şəfqətlə ödədi. Belə
ki, məchul bir adam iki yüz tümən, üç yüz tümən aldı. Cahan sakinləri Ugetay Qaanın
2713
səxavətini unutqan-
lıq tağı üzərinə qoydular. Adəm zamanından ta hicri tarixinin 985-ci ilə çatdığı hazırkı zamana kimi iqtidar
sahibi olan heç bir padşah qoşuna bu qədər qızıl verməmişdir.
Ədalətpərvərliyin cahangir şeypurunun zümzüməsi və İsgəndər [uğuruna bənzər] uğurun kosunun
təntənəsi ətrafa və yan-yörəyə çatdıqda islam vilayətlərinin hakimləri ərəbin və əcəmin (ərəblərin və qeyri-
ərəblərin) padşahının dərgahına xoş söhbətli elçilər və xeyirli qədəmlərə malik səfirlər göndərib bəndəlik və
itaət izhar etdilər.
Həmçinin bu zaman cavan şah Təbriz şəhərinin idarəçiliyini Əmir xan Türkmana həvalə etdi, Ərdə-
bil əyalətini, ona tabe və daxil olan əraziləri Pirə Məhəmməd xan Ustacluya verdi və Əliqulu sultan Türkma-
na Xoy hakimliyini tapşırdı.
Həmin əsnada Azərbaycandan xəbər gəldi ki, üzüqara kürdlər Xoy şəhərinə basqın etmişlər. Onların
müxalifliyinin şərhi belədir ki, İsmayıl mirzə səltənətə oturduqdan sonra Şahqulu Bəlilan Kürdün oğlu Qazi
bəy məhəbbət və dostluq silsiləsini hərəkətə gətirib təbrik üçün Qəzvinə elçilər və məktublar göndərdi, bən-
dəlik və itaət izhar etdi. Bu tərəfdən də Səlmas və Təsuc
2714
hakimliyinin fərmanı ona göndərildi (O, şah tərə-
findən verilmiş fərmanla Səlmas və Təsuc hakimi təyin edildi). O, İsmayıl mirzənin [dünyadan] köçməsi xə-
bərini eşitdikdə tələskənliyindən peşman oldu; ayağını haqq yoldan və qədəmini doğru yöndən kənara qo-
yub, bir dəstə kürdlə sürətli yürüş edərək Xoya gəldi. O vaxt həmin diyarın valisi olan Mahmud bəy Rumlu
iki yüz süvari ilə onu qarşılamağa tələsdi. O, Vələdian kəndi ətrafında kürdlərlə üzləşdi, lakin qılınc və miz-
raq işlətmədən qaçışa üz qoydu. Kürdər ondan və oğullarından əl çəkib o şəhərə basqın etdilər və istila bay-
rağını yüksəltdilər.
O zaman kürdlərdən [ibarət] çoxsaylı bir dəstə Qazıqıranın oğulları ilə ittifaqda Hüseyncan sultan
Xınıslunun üzərinə gəldilər. Hüseyncan sultan bir kəndə sığınıb, təqribən min iki yüz süvari ilə ölümü gözə
alaraq təxminən bir ay o azğın qövmə qarşı savaşdı. Həmin vaxt Van və Vostan ordusu, Şahqulu Bəlilanın
oğlu Qazi bəy tam qələbəliklə kürdlərə yardıma gəldilər. O gün səhərdən axşamacan döyüş və vuruş atəşi
son dərəcə şiddətlə alovlandı və şölələndi. Hər iki tərəfdən bir çoxları həlak torpağı üzərinə düşdülər. Onların
məqsəd oxu mətləb hədəfinə çatmadığı üçün məkr və fırıldaq üzündən Hüseyncan sultanın yanına yaxşı nitq
qabiliyyətinə malik elçilər göndərdilər, dostluqdan, sədaqətdən, məhəbbətdən və uzlaşmadan dəm vurdular.
Xınıslular əhd-peyman qaydalarının möhkəmləndirilməsindən və “Quran”a and içildikdən sonra kürdlərin
yanına getdilər. Onlar əksər qaziləri qətlə yetirib onların kiçik və böyük övladlarını əzab təpiklərinin altına
atdılar.
Həmçinin o zaman Ərzurum paşası çoxlu ordu cəmləyib Şuregelə gəlmək istədi. Onun mötəbər
əmirlərindən olan Qulaməli oğlu Mirzə Əli bəy qürur üzündən məruzə etdi ki, sizin gəlməyinizə ehtiyac yox-
dur, bəndəniz Şuregel hakimini qolu bağlı hüzurunuza gətirəcəyəm. Ona görə də paşa Əlini tam təchizatlı
yeddi min nizədar süvari ilə Şuregelə basqın etməyə yolladı. Rumilər tam qətiyyət və təntənə ilə və xəyalın
idrakından kənar bir lovğalıq və qürurla qeyri-ənənəvi bir yoldan [keçərək] Qaraxan bəy Bayburtlunun üstü-
2713
Ugetay Qaan – Çingiz xanın oğludur. Öz səxavəti ilə məşhurlaşmışdı
(Seddon, şərhlər, s.296).
2714
Təsuc – Cənubi Azərbaycanda, Urmiya gölünün şimal sahillərində qəsəbə
(Хамдаллах Казвини. Нузхат ал-кулуб, с.43).