125
Həmçinin bu il Büraq-oğlan Özbək, Məhəmməd xan Özbəyin ordasını tutub özbək ulusunun çoxuna
sahib oldu.
Bu il Mirzə İsgəndər Kürdüstana gedib o diyarı basdıqdan sonra Ərbili mühasirə etdi. Çoxlu savaş-
dan sonra qala hakimi Əmir Həsəni ələ keçirdi. Mirzə İsgəndər Ərbili öz oğluna verib Təbrizə qayıtdı.
Həmçinin bu il Mirzə Rüstəm Bağdad ətrafına basqın etdi.
Həmçinin bu il Şahvələd oğlu Sultan Məhəmməd Vasiti ələ keçirdi.
Ölümlər
Məhəmməd bəy Qaramanoğıu vəfasız və pis etiqadlı bir padşah idi. Bir dəfə Sultan Muradla sülh
bağlayıb and içmişdi ki, yeddi il düşmənçilik etməyəcəkdir. Lakin az müddət keçdikdən sonra düşmənçiliyə
başladı. O diyarın alimləri ərz etdilər ki, “axı siz yeddi illik sülh bağlamışdınız”. Cavab verdi ki, “mən “yel”
demişdim, “yıl” (il) deməmişdim və indiyə qədər də min yel ötüb keçmişdir”. Daim deyərdi ki, “heç bir şey
haram deyildir, təkcə daşdan başqa; çünki onu yemək olmur”. Yuxarıda qeyd edildiyi kimi, bu il o, top mər-
misi ilə öldürüldü.
Bu il Kürdüstan əmiri Məlik İzzəddin Şir vəfat etdi.
827-Cİ İLDƏ (05.12.1423 – 22.11.1424) BAŞ VERMİŞ HADİSƏLƏR HAQQINDA SÖHBƏT
Bu il Rum padşahı Sultan Murad, İzmiroğlunun
621
üzərinə gəlib, onu vilayətindən qovaraq Məntəşa-
elini, Sərxan-elini və Həmid-elini
622
ələ keçirdi.
Həmçinin bu il Mirzə Uluğ bəy həbs etdiyi Şir Məhəmməd-oğlanı yenidən öz məmləkətini idarə et-
məyə göndərdi. O, öz məmləkətinə çatan kimi müxaliflik etməyə başladı. Bu xəbər Mirzə Uluğ bəyə çatdıq-
da, həddən artıq bir ordu ilə Xocəndə yollanıb o şəhərdə qışlaq etdi. Həmçinin bu il Mirzə Uluğ bəy Cətəyə
hərəkət etdi. Büraq-oğlanın elçiləri gəlib, bir neçə qartal və yorğa atlar gətirərək onun Dəşti-Qıpçaq hökumə-
tinin taxtına əyləşməsinin müjdəsini gətirdilər. Mirzə Uluğ bəy elçiyə hörmət göstərib Tursun-oğlanı və Dur-
kəs Barlası çoxsaylı və müqayisəyəgəlməz mallarla təbrik üçün Dəşti-Qıpçağa yolladı.
Bu il Şirvan padşahı Əmir Xəlilulla çoxlu qoşunla Gürcüstan üzərinə hərəkət bayrağını qaldırdı. On-
dan ötrü ki, qardaşı Əmir İshaq, Seyid Əhmədin yanına Şəkiyə getmişdi və gürcülərlə ittifaq halında Şirvana
qəsd etmək istəyirdi. Gürcülərlə şirvanlılar arasında böyük bir müharibə oldu. Döyüşdən və vuruşdan sonra
gürcülər qaçış yolunu tutdular və cəngəlliyə daxil oldular. Şirvanşah onları təqib edib meşəyə daxil oldu.
Gürcü qoşunu onları məğlub etdi. Əmir Xəlilulla yüz həsrət və ah ilə Şirvan tərəfə fərar etdi. Gürcülər Şirvan
diyarına basqın edib öz vilayətlərinə qayıtdılar.
Həmçinin bu il Zühəl (Saturn), Müştəri (Yupiter), Günəş, Zöhrə (Venera), Ay və Ütarid (Merkuri)
əqrəb bürcündə qovuşdular. Ona görə də Hindistanda və Gücəratda min min (bir milyon?) adam öldü.
Ölümlər
Mirzə Rüstəm ibn Ömərşeyx ibn Əmir Teymur Kürəkan şəvval [ayının] 6-da (01.09.1424) kədərlə
dolu dünyadan əbədi aləmə köçdü. Ömrünün müddəti qırx yeddi il olmuşdur. Oğulları: Sultan Əli, Osman,
Pir Məhəmməd və Sultan Cəlaləddin. Əmir Hacı onun oğlu Mirzə Osmanı əmirliyə əyləşdirdi.
828-Cİ İLDƏ (23.11.1424 – 12.11.1425) BAŞ VERMİŞ HADİSƏLƏR HAQQINDA SÖHBƏT
Mirzə Uluğ bəyin Şir Məhəmməd-oğlanla müharibə etməsi
Bu ilin əvvəllərində yaxşı əməl sahibi olan şahzadə Mirzə Uluğ bəy çoxlu ordu ilə Moğolustan üzəri-
nə hərəkət etdi. Yol əsnasında Əmir Loğman Barlası müqayisəyəgəlməz bir ordu ilə Əşpərə hüdudunda qış-
621
İzmiroğlu – Aydın elinin əmiri Cüneyd Aydınoğlu nəzərdə tutulur. O zamanlar Aydın vilayətinin ən mühüm şəhəri İzmir idi
(Nəvai, şərhlər, s.310).
622
Burada Həmid-eli əvəzinə Aydın-eli yazılması daha doğru olardı. Çünki Həmid-elini Osmanlı sultanı daha öncə Qaramanlı İbra-
him bəydən almışdı. Saruxan-eli, Aydın-eli və Məntəşa-eli Anadolunun qərbində, Egey hövzəsində yerləşən tarixi vilayətlərdirlər
(Nəvai, şərhlər, s.310). Həmid-eli isə İsparta, Burdur, Egridir bölgələrində yerləşirdi.
126
laq edən yağı (üsyankar) ulusa basqın etməyə göndərdi. Müxaliflər əmirlərə qarşı döyüşməyə başladılar. Da-
va-dalaşdan sonra onlar qaçış yolunu tutdular. Əmirlər müzəffər və qalib şəkildə, qeyri-məhdud qənimətlərlə
birlikdə Mirzə Uluğ bəyin ordusuna qoşuldular və birlikdə hərəkət bayrağını nifaq əhlinə doğru qaldırdılar.
Toququ mövqeyində Şir Məhəmməd-oğlan dəniz kimi təlatümə gələn ordu ilə göründü. Mirzə Uluğ bəy öz
qalibiyyətli ordusunu tərtib etməklə məşğul oldu. Sağ cinahda (“meymənə”) Arslan Xoca Tərxan və qardaşı
Əmir Mahmud qərar tutdu. Sol cinahda (“meysərə”) Həri Məlik və Əmir Loğman bahadırlar dəstəsi ilə yer-
ləşdilər. Mirzə Uluğ bəy mərkəzdə (“qəlb”) dayandı. O tərəfdən isə sağ cinahda (“bəranğar”) Payəndə Buğa,
sol cinahda (“cəvanğar”) Məlik Heydər və mərkəzdə (“qol”) Şir Məhəmməd-oğlan qərar tutdular.
Şeir
“Oğlan soyluların və Rüstəm kimi döyüşçülərin yığışmasındən,
Yer başdan-başa Qaf dağını
623
qısqandırdı.
Döyüş ahənginə malik iki dəmir dənizində,
Yüz minlərlə nəhəng (timsah) göründü.
Cahan məhşər çölünə döndü,
Hava qoşunun tozanağından qaraldı”.
Əcəl qartalı döyüş meydanının fəzasında pərvaz etdi. Bəla şahini qəhr caynağı ilə döyüşçülərin ruh-
larını qopardı. Qan yağdıran bulud ildırım xəncəri ilə bahadırların ömrünü şərab şüşəsi kimi göz yaşı ilə dol-
durdu. Qılıncın can odlayan şimşəyi igidlərin halına gil qədəh kimi güldü. Şir Məhəmməd-oğlan sol və sağ
cinahları mərkəzə birləşdirib bir anda həmlə etdi. Lakin Arslan Xoca Tərxan və bahadırlar dəstəsi yerlərin-
dən tərpənmədilər.
Nəzm
“O qızğın aslanlar dəstəsi yerindən tərpənmədi,
Onlar öz ayaqlarını Elburz dağı kimi yerə dayadılar.
Dayandılar dəmir papaqlı igidlər,
İsgəndər səddi kimi o döyüş meydanında”.
Mirzə Uluğ bəy düşmən ordusuna həmlə etdi. Şir Məhəmməd-oğlan döyüşməyə tab gətirməyib qaçış
yolunu tutdu. Qalib qoşunlar o məğrur güruhu təqib edərək bir çoxlarını qətlə yetirdilər. Mirzə Uluğ bəy, El-
çi Buğanı on min süvari ilə o yaramazın ardınca göndərdi və özü Yulduz yaylağına yollandı, oradan da qayı-
dıb Qərşi
624
mövqeyinə gəldi. O mövqedə bir qaş daşı (“səngi-qaş”) vardı. Qədim padşahlar onu Xətay tərəf-
dən gətirmişdilər. Sahibqiran (Əmir Teymur) həzrətləri istəmişdi ki, o daşı Mavəraünnəhrə nəql etsin və [bu-
nun üçün] Əmir Cahanşahı neçə min adamla orada qoymuşdu. Lakin onlar onu nəql etməkdə aciz qaldılar və
Sahibqiran həzrətləri öz təəssüfünü izhar etdi ki, nə üçün daşı gətirmədilər. Mirzə Uluğ bəy orada iki min
cəld kişi qoydu ki, o daşı araba ilə darüssəltənə Səmərqəndə çatdırsınlar. O həzrət tam əzəmətlə darüssəltənə
Səmərqəndə qayıtdı.
Ölümlər
Bu il söz ustadlığı meydanına nizam verənlərin seçkini Xoca İsmət Buxari bu fani aləmdən əbədi ca-
hana köçdü. Onun nəsəbi Cəfər ibn Əbu-Talibə
625
çatırdı. Atası Xoca Məsud Buxaranın böyüklərindən idi.
Xoca İsmət Buxari şeirdə Əmir Xosrov Dehləvinin yolu ilə gedirdi və o cənabın işlətdiyi mənaların çoxunu
öz şeirlərinə daxil etmişdir. Buna görə də birisi onun barəsində demişdir:
Şeir
“Rəhmətlik Əmir Xosrovu
gecə gördüm yuxuda,
Dedim: İsmət sənin xırmanından sünbülləri toplayıb,
Onun şeiri sənin şeirindən daha artıq şöhrət tapıb.
623
Qaf dağı – klassik kosmos anlayışlarında yer üzünü çevrələdiyi qəbul edilən əfsanəvi dağ (K.Yaşaroğlu. Kafdağı // TDVİA, cilt:
24, yıl: 2001, s.144-145).
624
Qərşi – indiki Özbəkistanın cənubundakı Qaşqadərya vilayətinin inzibati mərkəzi olan və Buxaradan 150 km. cənub-şərqdə,
Qaşqadərya çayı sahilində yerləşən Karşi şəhəri.
625
Cəfər ibn Əbu-Talib – Həzrət Əlinin qardaşıdır.