69
bilmək qabiliyyəti kimi təsvir edilir. Bir sıra araşdırmaçılar isə sa-
bitliyi effektiv fəaliyyət mexanizminə malik olan hakimiyyətin
uzunmüddətli fəaliyyəti kimi səciyyələndirirlər. Politoloq Samuel
Hantinqton “konstitusiya nizamı+varislik” formulu ilə ifadə etdiyi
sabitliyi qanunlar tərəfindən təsbit olunan səlahiyyətlər çər-
çivəsində hökumətin fəaliyyəti kimi nəzərdən keçirir: “Demokra-
tik idarəetmə sisteminin fonunda hər hansı bir siyasi institutun
illeqal surətdə digərləri üzərində hegemonluq qurması siyasi-
hüquqi əsaslara və normalara uyğun deyil. Siyasi institut-
lararası mübarizə, ilk növbədə, rəqabətə əsaslanmalıdır. Haki-
m siyasi subyektlərin fəaliyyət mexanizminin səmərəliliyini
göstərən amillərdən biri də onun siyasi palitrada təmsil olunan
institutlarla apardığı mübarizə formasıdır. Amma bütün bun-
larla yanaşı, hakim qüvvələr özlərinin bütün resurslarından is-
tifadə etməklə özlərinin hakimiyyətlərini mühafizə etməyi ba-
carmalı və bununla da təmin edilmiş siyasi sabitliyin davamlı
xarakter almasına nail olmalıdırlar... Demokratiyada siyasi
proseslərin iştirakçıları öz maraqlarını qoruya bilməli və leqal
surətdə hakimiyyəti ələ keçirmək üçün yetərincə siyasi-hüquqi
resurslara malik olmalıdırlar. Məhz belə bir şəraitin fonunda
siyasi rəqabətə əsaslanan qüvvələrarası leqal mübarizədən
bəhs etmək mümkündür”.
S.Hantinqtonun qənaətincə, sabitlik müvəqqəti və daimi olmaq
etibarilə iki istiqamətdə dəyərləndirilməlidir: “Siyasi sabitlik ha-
kimiyyətin fəaliyyət mexanizminin səmərəlilik səviyyəsini gös-
tərən başlıca amillərdəndir. Hakimiyyət mövcud resurslarının
fonunda sabitliyin təmin edilməsi üçün müxtəlif vasitə və me-
todlara istinad etməklə siyasi sabitliyə nail ola bilər. Ancaq is-
tifadə edilən metodların xarakterinə və mahiyyətinə görə siyasi
sabitlik müvəqqəti və ya uzunmüddətli olur. Başqa sözlə, siyasi
sabitliyin dayanıqlılığı hakimiyyətin istinad etdiyi resurslar və
vasitələrin səciyyəsindən asılıdır. Mütəmadi surətdə zorakı me-
todlara istinad edilən, tez-tez konstitusiyası formal surətdə də-
yişdirilən, fövqəladə vəziyyət elan edilən, parlamenti buraxı-
70
lan, dövlət başçısı və ya hökumətləri istefaya göndərilən, hərb-
çiləri mülki və inzibati vəzifələri həyata keçirən, dini, etnik və
irqi zəmində qarşıdurmalar yaranan ölkələrdə siyasi sabitlik
uzurpasiya metodları vasitəsilə təmin edilir ki, bu da uzun-
müddətli ola bilməz. Amma siyasi-hüquqi islahatların davamlı
şəkildə aparıldığı, siyasi qüvvələrarası münasibətlərin rəqabət
əsasında formalaşdırıldığı və hakimiyyətin effektivliyinin mak-
simum səviyyədə təmin edildiyi ölkələrdə uzunmüddətli sabitli-
yə nail olunması mümkündür. Bunların əsasında isə siyasi ida-
rəetmənin səmərəliliyi və lider faktoru dayanır. Başqa sözlə,
praqmatik fəaliyyət mexanizminə malik olan siyasi liderin hə-
yata keçirdiyi effektiv idarəetmə siyasi sabitliyin təmin olun-
masının əsasını təşkil edir”.
Beləliklə, bütün bu təsbitlərin fonunda bir daha məlum olur ki,
Ulu öndər Heydər Əliyevin praqmatik strateji kursunun fonunda
yuxarıda sadalanan problemlərin həll edilməsi və təməl strateji və-
zifələrə nail olunması, yəni, sürətli legitimləşdirmə tendensiyasının
əsasının qoyulması, milli siyasətdə ümummilli maraqların və mə-
nafeyin əsas götürülməsi, milli-etnik zəmində qarşıdurma meyilləri
və hallarının qarşısının alınması kimi fundamental işlər siyasi sa-
bitliyin əldə edilməsini şərtləndirmiş oldu.
Məhz belə bir təsbitin fonunda qeyd edə bilərik ki, bütün bu
strateji vəzifələrin yerinə yetirilməsinə müvəffəq olmaq qısa za-
man kəsiyində həyata keçirilən struktur islahatlarının fonunda ha-
kimiyyətin effektivliyinin təmin edilməsi sayəsində mümkün oldu.
Siyasət nəzəriyyəsində hakimiyyətin effektivliyi dedikdə, ilk
növbədə, hakimiyyətin öz vəzifə və funksiyalarını yerinə yetirmə
səviyyəsini göstərən inteqral xüsusiyyətlərdən biri nəzərdə tutulur.
Hakimiyyətin effektivliyinin meyarlarına isə məhz bunlar aid edi-
lir: hakimiyyətin legitimliyi və onun resurslarından səmərəli istifa-
də edilməsi, şaquli və üfüqi hakimiyyət strukturlarının simmetrik
koordinasiyası və fəaliyyət mexanizminin səmərəliliyi, hakimiyyət
sərəncamlarının analizinin aparılmasının təşkilati-texniki və kadr
təminatı, hakimiyyət əmrlərinin yerinə yetirilmədiyi halda haki-
71
miyyət obyektlərinə tətbiq edilərək daimi sanksiyalar sisteminin
olması, hakimiyyətin effektiv özünənəzarət sisteminin mövcudlu-
ğu və sair.
Bütün bu meyarlara nəzər yetirdikdə məlum olur ki, 1991-
1993-cü illər arasındakı zaman kəsiyindən fərqli olaraq Ümummil-
li lider Heydər Əliyevin ikinci dəfə hakimiyyətə gəlməsindən son-
ra görülən sistematik və kompleks strateji tədbirlərin sayəsində ha-
kimiyyətin effektivliyi təmin edildi və qeyri-formal milli dövlət
quruculuğu prosesinin mərhələli surətdə həyata keçirilməsi müm-
kün oldu.
Əlbəttə, ölkəmizdə hökm sürən xaotik və anarxik meyillərin
neytrallaşdırılmasında, mürəkkəb siyasi-hüquqi kataklizmlərin qar-
şısının alınmasında və ictimai-siyasi sabitliyin əldə edilməsində
Azərbaycan xalqının Ümummilli lideri Heydər Əliyevin liderlik
keyfiyyətləri birinci dərəcəli amil kimi xüsusi rol oynadı. Məhz o
cür mürəkkəb situasiyanın fonunda milli-etnik və subyektlərarası
barışmaz ziddiyyətləri aradan qaldırmaq, simmetrik sosial inteqra-
siyanı və onun davamlılığını təmin etmək, xalqla hakimiyyətin
kommunikasiyasını və milli ideoloji həmrəyliyi təmin etmək kimi
zəruri strateji funksiyaları müvəffəqiyyətlə yerinə yetirən Heydər
Əliyev Azərbaycan xalqının Ümummilli lideri olmasını ölkəmizin
müstəqilliyini qoruyub saxlamaqla və yeni inkişaf üfüqləri açmaq-
la bir daha sübut etdi.
Siyasətşünaslıq elmində siyasi liderlər müxtəlif meyarlar əsa-
sında bir neçə qrupda təsnif edilir. İlk növbədə, təsdiqinə görə si-
yasi liderlər formal və qeyri-formal olmaq etibarilə iki qrupda təs-
nif edilir. Formal liderlər inzibati qayda və resurslarla müəyyən
quruma rəhbərlik edən şəxslərdir ki, onların rəhbərliyi rəsmi xa-
rakter daşıyır və nüfuz-təsir imkanları bilavasitə rəsmi, inzibati re-
sursların fonunda müəyyən edilir. Qeyri-formal liderlərin isə rəs-
mi, inzibati resurslarla quruma rəhbərlik etməsi şərt deyil. Onlar
şəxsi keyfiyyətləri və nüfuzları, xarizmatik xüsusiyyətləri ilə mü-
əyyən qurum və qrup tərəfindən lider kimi qəbul edilirlər. Bəzən
bir şəxs həm formal, həm də qeyri-formal lider statusu daşıya bilir.