gözlənilməz şəkildə müəssisəyə baş çəkir
. Digər mexa-
nizm isə
müəssisə xarici agentliklərinin
istifadəsidir. Burada müəssisə xarici agentlikləri
tərəfindən təyin olunan şəxslər müştəri qismində xidmətdən istifadə etməyə göndərilir və aş-
kara çıxardıqları nəticələri müəssisəyə rəsmi şəkildə məruzə edirlər.
Bəzi müəssisələr xidmətin maddi aspektlərinin daxili göstəricilərindən müştərilərin göstərilən
xidməti necə qəbul etdiklərinin göstəricisi kimi istifadə edirlər. Məs: bəzi müəssisələr müştərinin
xidməti gözləmə vaxtını və gözləmə mühitini müştərinin xidmətdən məmnuniyyətinin göstəricisi
kimi istifadə edirlər.
Fitzqerald və əməkdaşları həm də fəaliyyət göstəricilərini müəssisənin korporativ və marketinq
strategiyaları ilə əlaqələndirməyin əhəmiyyətini vurğulamışlar. Məs: əgər rəqabətə davamlılıq-
da üstünlük əldə etmək üçün aşağı qiymətə xidmət təklif edilməsi əsas strateji dəyişən hesab
olunursa, onda məsrəflərin büdcəyə uyğunluğu nəzarət sisteminin əsas amili olacaqdır.
Xidmət müəssisələri çox vaxt daha asan ölçülə bildiyi üçün maliyyə fəaliyyəti üzrə göstəricilərə
lazım olduğundan çox diqqət yetirirlər. Bu tendensiya uzunmüddətli fəaliyyətin səviyyəsini
mümkün qədər yüksəltmək əvəzinə qısamüddətli fəaliyyət nəticələrinin təkmilləşdirilməsinə
|