117
“Aşıq Göydəmir (artist Ə. Ələkbərov) qoşduğu mahnılarda
kəndlilərin acı taleyindən, mülkədarların zülmkarlığından, ədalətsiz-
liyindən
bəhs edir, kəndliləri onlara qarşı mübarizəyə çağırır” (20).
Ə. Ələkbərov Göydəmirin xarakterini düzgün dərk etmiş,
dolğun bir ekran qəhrəmanı yaratmışdır.
“Ə. Ələkbərov söhbətlərinin birində dedi ki, “Səməd həmişə
axtarırdı. O, çəkdiyi hər bir kadrı dönə-dönə nəzərdən keçirir, onun
obrazlı təbiətini əldə etməyə çalışırdı. O, vuruş səhnəsini dəfələrlə
məşq edirdi ki, filmin adına, məzmununa, layiq kadrlar yaratsın.
Mənə deyirdi ki, Ələsgər, sən Göydəmirin təbiətini birdən-birə
açmağa tələsmə, ilk vaxtlar onda sadəlövlük, məsələni yavaş-yavaş
dərk etmək halları olmasından qorxma. Lakin o, ağı ağ, qaranı da
qara görəndən sonra sən mübarizədə saxlanılmaz yelə dönürsən, hər
şeyi ölçən, biçən, hadısənin gedişinə istiqamət verən bir sərkərdəyə
çevrilirsən”. Xarakterin ümumi rəsmini düzgün ifadə edən rejis-
sorun bu göstərişləri Ə. Ələkbərova obrazı psixoloji cəhətdən dərk
etməyə, Göydəmirin mürəkkəb psixoloji həyatını təbii göstərməsinə
təkan vermişdir” (2).
Ə. Ələkbərovun teatrda qazandığı müvəffəqiyyət artıq kinoda
da özünü biruzə verirdi. On yeddi yaşından kino aləminə gəlmiş bu
gənc artıq kinoda getdikcə püxtələşərək Göydəmir kimi mürəkkəb
bir obraz ilə tamaşaçıları sevindirirdi.
“Ələsgər Ələkbərov üçün kino aləmi də teatr qədər sevimli
idi. Kino aləmində aktyorun önündə yeni, böyük meydan açılırdı ki,
burada biz yeni orijinal kino aktyoruna təsadüf edirik. Bacarıqlı
kino aktyoru Ə. Ələkbərovun yaratdığı müxtəlif xarakterli kino
obrazları kinematoqrafiya tarixinə möhkəm daxil olmuşdur. Onun
teatrda yaratdığı obrazları ilə kino obrazları arasında müəyyən bir
yaxınlıq vardır. Məsələn “Kəndlilər” dəki Göydəmir obrazı ilə Xan-
lar (“Xanlar” pyesi) çox yaxındır. Ələkbərovun ifasındakı Göydə-
mir, gələcəkdə aktyorun teatrda oynadığı inqilabçı obrazının bir növ
rüşeymidir. Bu müqayisə bəlkə də bir qədər aktyorun oyununa
məftunluqdan irəli gələn fikirdir. Lakin burada bir həqiqət də vardır,
118
çünki bu sevimli aktyorumuzun bütün yaradıcılığından keşən aydın
bir xətt kimi gözə çarpır” (25).
Psixoloji cəhətdən mürəkkəb obraz olan aşıq Göydəmir-
Ələkbərov mərd, dönməz bir insan kimi tamaşaçıların rəğbətini
qazanmışdır. Göydəmir Ə. Ələkbərov kənd mühitində böyümüş bir
insan
kimi tədricən inkişaf edir, formalaşırdı.
Göydəmir-Ələkbərovun qurultayda Mehmandarbəydən (bu
rolu Xeyri Əmirzadə ifa edirdi-İ.A.) sonra etdiyi çıxışı unutmaq
cətindir. O, çıxışa başlayarkən ətrafa diqqətlə nəzər yetirirdi. Ağalar
Göydəmir-Ələkbərovdan mütilik gözlədikləri halda, mətin bir insan
kimi ona diqqət kəsilirdilər. Obrazın dinamikasında baş verən bu
hadisə filmin ən dramatik nöqtəsidir.
“Adi bir kəndli balasının
mübarizələrdə böyüyüb bərki-
diyini, onun qorxmaz inqilab
əsgərinə çevrildiyini Ələkbə-
rov ustalıqla təcəssüm etdirir-
di. Aktyorun hərəkətləri təbii
və coşqun idi. Onun ekranda
olduğu qətiyyən hiss edilmədi-
yi üçün süni təsir bağışlamırdı.
O, sanki həyatda hərəkət edir,
danışır, sevinir və qəzəblənir-
di. Sonrakı səhnələrdə Ələkbə-
rovun Göydəmiri artıq döyüş
meydanında düşmənlə igidcəsinə çarpışan bir qəhrəman kimi can-
lanırdı. Filmin döyüş səhnələrində o, qızgın bir hərəkət və ehtirasla
vuruşur, ayıq gözlərlə ətrafı seyr edərək döyüşün ən təhlükəli yerlə-
rinə cumurdu. Burada şəxsiyyətin meydana gəlməsində kollektivin
təsir və tərbiyəsinin də böyük rolu olduğunu görürük.
Beləliklə, Ələkbərov səsli kinoda canlı, dinamik bir xarakter
yaratmağa müvəffəq olur ki, bu müvəffəqiyyətdə onun bir teatr
aktyoru kimi təcrübəsi də öz faydalı təsirini göstərir. Digər tərəfdən
Ə.Ələkbərov – Göydəmir rolunda