107
inanırdı. Özünə, sözünə, düşündüklərinə, dediklərinə! Ağlına-kama-
lına, duyğularına, həyəcanlarına, sevincinə və kədərinə! Onun qadın,
zövcə, ana ləyaqətinə, vəfasına, ilqarına, vətəndaş sədaqətinə, bəstə-
kar istedadına-hamısına inanırdı. Hamısına! Hökümə xanım təlqin
hünəri güclü olan sənətkarlardandır. Onun bu hünəri “İnsan” tama-
şasında az qala hipnoz qüvvəsi kəsb edir, sehrə çevrilirdi. On iki
şəkildən ibarət olan tamaşanın ancaq üç şəklində bilavasitə iştirak
edirdi. Amma bütün şəkillərdə yaşayırdı. Şahbazın xəyalında,
“Hicran nəğməsi”ndə, bunların hamısından çox öz təlqin
qüvvəsində yaşayırdı. Özü səhnəyə çıxmadığı epizodlarda belə
Səhərin səhnə həyatı səhnədə davam eləyir, tamaşaçılar onun səsini,
nəfəsini, addım izlərini duyur və görürdülər...
Hökümə xanım bu rolu əvvəldən axıra qədər həqiqətən
misilsiz bir gözəlliklə, sənətkar dəyanəti, sədaqəti ilə oynayırdı.
Onun bütün səhnələri gözəl idi. Onun özü də bütün səhnələrdə gözəl
idi. Lakin on ikinci şəkildəki son epizodun misli yox idi...
...insan obrazının və insaniyyət məfhumunun tamaşadakı bədii
təcəssümündə Səhərin-Hökümə Qurbanovanın rolu, xidməti xüsusilə
böyükdür. Tamaşanın ideya istiqamətini, üslub və janr xüsusiy-
yətlərini təcəssüm etdirmək işində də aktrisanın sənətkar səyi, yaradı-
cılıq potensialı böyük rol oynamışdır. “İnsan” sözün əsl mənasında
müasir faciədir. Səhər də sözün həqiqi mənasında tragik obrazdır. Hö-
kümə Qurbanovanın faciə istedadı bu rolda yanidən parlamışdır” (16)
Bütün bu sözlərdən sonra belə qənaətə gəlmək olar ki,
Hökümə Qurbanova irili xırdalı müxtəlif biçimli obrazlar-Tamara,
Xuraman, Tatyana, Məryəm, Şirin və nəhayət Səhəri ifa etməklə
Səməd Vurğun dramaturgiyasında yaranan obrazlar qalereyasına bir
növ möhür vurdu. Onun Səhəri Azərbaycan səhnəsində özünə
layiqli yer tutdu. Və Azərbaycan Teatrının 100 illik yubileyi müna-
sibəti ilə indiki Akademik Milli Dram Teatrı iyun ayının 27-dən iyul
ayının 10-a qədər Moskva da Malı teatrının səhnəsində S. Vurğunun
“İnsan” (27; 04), İ. Əfəndiyevin “Mahnı dağlarda qaldı” (28; 07), N.
Poqodinin “Zamanın hökmü” (29; 10), F. Şillerin “Mərk və
məhəbbət” (30; 05); N. Xəzrinin “Sən yanmasan” (01; 06), V.
108
Şekspirin “Fırtına” (02; 09), C. Məmmədquluzadənin “Ölülər” (03;
08) tamaşaları göstərildi. Qastrol S. Vurğunun “İnsan” mənzum
facəsi ilə işinə başladı və N. Poqodinin “Zamanın hökmü” pyesi ilə
sona çatdı. Həkümə Qurbanova bu qastrolda iki dəfə Səhər obrazını
o dövrün paytaxt tamaşaçıları qarşısında canlandırdı. Bayaq adlarını
çəkdiyim mərkəzi mətbuatlarda (“Sovetskaya kultura” 02.07.1974;
“Literaturnaya qazeta” 10.07.1974) Hökümə Qurbanovanın bənzər-
siz ifa etdiyi Səhər obrazına böyük qiymət verildi. Bu ömrünün ahıl
dövrünü sənətdə keçirən görkəmli bir səhnə ustasının böyük
sənətinə verilən qiymətin gözəl nümunəsi idi.
1975-ci il iyun ayının 7-də tamaşaya qoyulan Avkisenti
Saqarelinin “Xanuma” komediyası (tərcümə T. Əyyubov) Ə. Şəri-
fovun quruluşunda tamaşaya qoyuldu və baş rol olan Xanumanı
qüdrətli səhnə ustası Hökümə Qurbanova ifa etdi.
Hökümə xanım Xanuma obrazı ilə sübut etdi ki, sənətkar üçün
yaş məhdudiyyəti yoxdur. O, hər hansı bir rolu ömrünün müxtəlif
dövrlərində oynamağı bacarırdı.
“Baku” qəzeti (28.06.1975) yazır ki; “Hökümə Qurbanovanın
yaratdığı şən, şux Xanuma obrazını tamaşanın nəbzinə bənzətmək
olar. Bərabər olmayan aktyor qüvvələrini o, bir vəhdətdə cəmləş-
dirir, öz parlaq oyunu ilə tamaşanın bəzi kəsirlərini, nöqsanlarını
hamarlayıb düzəldir”.
Hökümə Qurbanova ampula tanımırdı, onun istedadı nə qədər
məsafə desən qət etməyə hazır idi. Bu Xanuma obrazında aydın
görünürdü.
“Son iyirmi beş ildəki yaradıcılığın əsas siqlətini, onların
ictimai-estetik vəznini, əlbəttə ki, faciə janrı və bu janrda yaranmış
patetik, romantik səpkili xarakterlər səciyyələndirir. Aktrisa başqa
janra mənsub əsərlərdə də çıxış eləmişdir. Bu dövr komik obrazlarla
da zəngindir... Belə obrazların cərgəsinə Xanuma rolunu da əlavə
eləməliyik. Aktrisanın özü qeyd elədiyi kimi bu “müzukl tipli ta-
maşa, müzukl səpkili obrazdır”. Bu çətin tamaşada, çətin rolda aktri-
sanın tükənməz istedadının yeni çalarları meydana çıxmışdır” (16).
109
“Kəndi qızı”nda ki, Bənövşədən sonra ikinci belə iri həcimli
obraz yaradan Hökümə xanım Xanuma obrazı ilə özünü komediya
aktrisası kimi bir daha təsdiqlədi. Heç inanmaq olmurdu ki, bu
misilsiz sənətkar Mariya Tüdor, Kleopatra, Janna d’Arkın kimi
mürəkkəb xarakterli qadın obrazları yaradan aktrisa idi.
““Xanuma” şən oynaq, dinamik, zövq oxşayan tamaşa idi.
Cünki reyissorun üzdən, səthi yanaşdığı səhnələri, tərəf-müqabillə-
rin süstləşdirdikləri epizodları Hökümə Qurbanova bütün qüvvə və
bacarığını, yumor qabiliyyətini səfərbər etməklə ətə-qana gətirir,
boşluğa ecazkar təbiilik verir, hərəkətlərinin mayasına uyuşuqlu yu-
mor qatırdı. “Aktirsa obrazın mayasında olan xeyirxahlığı, həqiqət-
pərəstliyi, mənəvi saflığı, insan gözəlliyini qabarıqlaşdırmış”, “öz
incə məharətli oyunu ilə... tamaşaçının ürəyində gülüş doğurur”, an-
samblın enerji nüvəsində dayanırdı.
Hökümə xanım coşqun ehtirasla ifa etdiyi rəqsləri, məlahətli
səs tembrini dramatik, satirik, yumorlu... səhnələrin mahiyyətinə uy-
ğun şəkildə şövqlə dəyişməsi, ekssentrik hərəkətlə sözün vəhdətini
harmonik cazibədə təqdimi ilə sehrkar vüsətli, şirin, məlahətli, məh-
rəm qılıqlı obraz yaradırdı. Xanuma rolu Hökümə Qurbanovanın
son on ildəki sənət nailiyyətləri sırasında ən layiqli yerlərdən birini
tuturdu” (20).
Komediya janrında çıxış etmək faciə aktrisası üçün çətindir. La-
kin Hökümə xanımın böyük istedadı bu çətinliyi aradan qaldırırdı. O,
obrazı özününkiləşdiməyi bacaran nadir sənətkarlardan biri idi.
“Komediya rollarında (Bənövşə, Xanuma...) səhnəyə çıxan
Hökümə Qurbanovanın məlahətli yumoru, sərrast və dürüst istiqa-
mətli satirası sanki səhnəyə sığmırdı, vəziyyətin ovqatı bütün salona
sirayət edirdi. Onun yumorlu ifası əsərin məhvərinə çevrilir, ta-
maşadakı bütün personajları öz gülüşünün oxu ətrafında fırlanmaq
cazibəsinə salırdı.
Mənalı, zərif və cazibəli plastikası vardı, hərəkətlərini perso-
najın ictimai-sosial mənsubiyyətinə, mənəvi-əxlaqi xüsusiyyətlərinə,
hadisələrin psixoloji dramatizminə ahəngdar həssaslıqla bağlayıb
əlaqələndirirdi” (21).
Dostları ilə paylaş: |