98
olunub. Haşiyələr ağ, qırmızı, sarı rəngli güllərlə bəzədilmiş və qırmızı “su”larla
tamamlanmışdır. Haşiyələri sağ və soldan sarı, qırmızı rənglərlə işlənmiş mədaxillər
əhatə edir. Mədaxillərin kənarları qara rəngli “su”larla işlənmişdir. Xalçada rəng
tərtibatı yüksək peşəkarlıqla və ənənəvi qanunauyğunluqla həll edilmişdir.
Ölçüsü 223x138 olan üçüncü xalça isə (bax: Kataloq. №85) Dərəçiçəkdə (Axtı)
toxun muşdur. Xalçanın mərkəzində dördbucaqlı medalyonun içərisində h. 1320 tarixi
vardır. Bu xalça Qazax-Borçalı qrupunun kompozisiyası əsasında toxunmuşdur.
Kərpi ciyə çalan qırmızı yerlikli bu xalçanın ara sahəsində böyükölçülü baş və ayaq
hissəsi “mehrab”şəkilli sürməyi yerlikli göl yerləşdirilmişdir. Gölün mərkəzində
böyükölçülü dördbucaqlı həndəsi medalyon vardır. Medalyonun içərisində iki
şabalıdı yerlikli dördbucaqlı element tərtib edilmişdir. Bu elementlərin kənarlarında
göy və qırmızı rənglərlə işlənmiş “buynuz”, ”T” hərfinə bənzər motivlər vardır.
Gölün mehrab hissəsindəki boşluqlar “cütbuynuz” rombvari, səkkizbucaqlı, kənarları
qarmaqlı dördləçəkli xaça bənzər güllər, “gözqaytarıcı” motivlərlə doldurulmuşdur.
Mərkəzdəki böyükölçülü medalyonun yuxarı və aşağı hissələrində, ara sahənin
boşluqlarında qoşa ağac təsvirləri vardır. Medalyonun kənarları içərisində “S”-
ə bənzər motivlər işlənmiş açıq şabalıdı yerlikli zolaqlarla əhatə olunmuşdur. Bu
zolaqlar xaricdən qırmızı rəngli “su”larla , daxildən isə ağ, qırmızı rəngli qırıq-qırıq
xətlər və qırmızı “su”larla tamamlanır. Xalçanın ara sahəsinin boşluqları “mehrab”ın
sağ və solu da, yuxarı və aşağı hissələrdə sürməyi, sarı, ağ və şabalıdı rəngli qarmaqlı
motivlərlə işlənmişdir. Göy yerlikli böyükölçülü gölün kənarları içərisində qırmızı,
sürməyi, rəngli ziq-zaq şəkilli dalğavari xətlərlə tərtiblənmiş ağ yerlikli zolaqlarla
əhatə olunmuşdur. Xalçanın ağ yerlikli ana haşiyəsi “qayçıbalıq” və “qədəhə” bənzər
motivlərlə bəzədilmişdir. Bu motivlər şabalıdı, qırmızı və sürməyi rənglərlə tərtib
edilmişdir. Ana haşiyə hər iki tərəfdən sarı, qırmızı qırıq-qırıq xətlər və şabalıdı rəngli
“su”larla tamamlanır. Ana haşiyəni kənarları xaricdən içərisində göy, qırmızı rəngli
“mollabaşı” elementləri işlənmiş, daxildən isə “S”-ə bənzər qırmızı rəngli motivlərlə
bəzədilmiş şabalıdı yerlikli bala haşiyələr əhatə edir. Bala haşiyələr xaricdən sarı,
qırmızı və ağ, qırmızı qırıq-qırıq xətlərlə tərtib edilmişdir. Xalçanın ara sahəsinin ele-
mentlərinin rəngləri haşiyə elementlərində də qanunauyğunluqla təkrarlanaraq çox
baxımlı bir görünüş yaratmışdır.
XX əsrin əvvəlinə aid xalçalardan biri (bax: Kataloq. №86) Vedibasar mahalında
(Vedi) toxunmuşdur. Ölçüsü 347x112-dir. Sürməyi yerlikli bu xalçanın ara sahəsində
səkkiz rombşəkilli göl yerləşdirilmişdir. Göllərin mərkəzi dörd hissəyə bölünmüş,
hər bir hissə üçbucaqlı forma almışdır. Üçbucaqlar bir-birindən qara xətlərlə ayrılır
və xətlərin üzərində kiçikölçülü rombvari motivlər vardır. Göllərin kənarları
qarmaqlarla əhatə olunmuşdur. Qırmızı rəngli “qarmaq”ların kənarları mavi rəngli
“su”larla, mavi rəngli “qarmaq”lar isə tünd qırmızı rəngli “su”larla tərtib edilmişdir.
Xalçanın ara sahəsinin boşluqlarında kənar hissələrdə, sağ və solda hər tərəfdə yeddi
yarımçıq göl təsvir edilmişdir. Ara sahənin künclərində gölün dörddə bir hissəsi
işlənmişdir. Xalçanın ağ yerlikli enli haşiyəsi kənarları pilləli klassik elementlərlə
bəzədilmişdir. Bu elementlər tünd və açıq qırmızı, göy, sürməyi, şabalıdı, mavi,
mor, açıq yaşıl rənglərlə işlənmişdir. Klassik elementlərin mərkəzində dördləçəkli
xaçabənzər gül motivləri vardır. Haşiyənin boşluqları kiçikölçülü “X”-ə bənzər və
rombvari motivlərlə doldurulmuşdur. Xalçanın haşiyəsi hər iki tərəfdən içərisində
99
kiçikölçülü “S”-ə bənzər motivlər işlənmiş mədaxillərlə bəzədilmişdir. Mədaxillərin
kənarları qırmızı və mavi rəngli “su”larla tamamlanır. Xalçanın ensiz haşiyəsi qara
və mavi rənglərlə işlənmiş “mollabaşı”larla bəzədilmişdir. “Mollabaşı”ların kənarları
qırmızı rəngli “su”larla, ensiz haşiyənin kənarları isə mavi, qırmızı və qara rəngli
“su”larla işlənmişdir. Xalçada bəzək ünsürlərinin ahəngdar surətdə uzlaşdırılması,
naxışların zərgər dəqiqliyinə bənzər düzümü yüksək peşəkarlıqla həll edilmişdir.
H.1322-ci ilə (1904) aid iki xalçadan birinin (bax: Kataloq. №87) ölçüsü 354x106
olub, İrəvan şəhərində toxunmuşdur. Xalçanın yuxarı hissəsində göy yerlikli haşiyənin
içərisində h. 1322 tarixi vardır. Xalça Qarabağ kompozisiyası əsasında toxunmuşdur.
Bu xalça ənənəvi qanunauyğunluqla tərtib edilmişdir. Xalçanın kompozisiyası sadə
ara sahədən və zəngin haşiyə hissəsindən ibarətdir.Qırmızı yerlikli ara sahənin
kənarları ağ və qırmızı rənglərlə tərtib edilmiş “ox” işarəli motivlərdən ibarətdir. Bu
motivlər xalçanın uzunu və eni istiqamətində təsvir edilməklə çox baxımlı və sərbəst
görünüş yaradılmışdır. Xalçanın ağ yerlikli ana haşiyəsi Qarabağ xalçaları üçün
səciyyəvi olan kiçikölçülü göllərlə işlənmişdir. Bu motivlərin mərkəzində müxtəlif
rənglərlə işlənmiş, dörd hissəyə bölünmüş rombşəkilli elementlər təsvir edilmişdir.
Toxucular arasında bu motivlər “mollabaşı” adlandırılır.Ana haşiyənin boşluqları
dördləçəkli güllərlə doldurulmuşdur. Bu güllərin rəngi böyükölçülü haşiyə motiv-
lərində də təkrarlanır. Ana haşiyəni xaricdən yaşıl, daxildən isə göy yerlikli bala
haşiyələr əhatə edir. Bala haşiyələrin içərisində sarmaşığa bənzər düzülüşlə işlənmiş
dalğavari budaqlarda gül-çiçək təsvirləri vardır. Dalğavari budaqların arasındakı
boşluqlar ağ, qırmızı, açıq şabalıdı, göy, sarı, mor rənglərlə işlənmiş “ox” işarəli
motivlərlə işlənmişdir. Bala haşiyələri hər iki tərəfdən içərisində şəkəri, qara rənglərlə
işlənmiş latın əlifbasının “Z” hərfinə bənzər cüzi nəzərə çarpan motivlər tərtib edilən
qırmızı yerlikli mədaxillər əhatə edir. Mədaxillərin kənarları qara rəngli “su”larla
tamamlanır. Xalçada tünd qırmızı və şəkəri rənglər çoxluq təşkil edir. Bu rənglərin
göy, yaşıl, sarı rənglərlə uzlaşdırılaraq haşiyələrdə paylaşdırılması ənənə ilə ciddi
surətdə tənzimlənmişdir.
Ölçüsü 210x157 olan digər xalça (bax: Kataloq. №88) isə Şörəyel mahalında to xun-
muşdur. Xalçanın ara sahəsinin aşağı hissəsində sağ küncündə h. 1322 tarixi vardır.
Tünd qırmızı yerlikli bu xalçanın ara sahəsində baş və ayaq hissədə iki böyükölçülü
göy yerlikli və bir nisbətən kiçikölçülü səkkizbucaqlı medalyon təsvir edilmişdir.
Mərkəzdəki medalyonun içərisində bal rəngi yerlikdə sürməyi rəngli “qoşabuynuz”
motivləri ilə işlənmiş element yerləşdirilmişdir. Bu elementin kənarları cüzi nəzərə
çarpan kiçikölçülü “Z”şəkilli elementlərlə əhatə olunub. Medalyonun içərisindəki
boşluqlar səkkizguşəli ulduz, dördləçəkli çiçək, gözqaytarıcı elementlərlə işlənmişdir.
Göy yerlikli medalyonlarda da “qoşabuynuz”, gül-çiçək və digər klassik elementlər
təsvir edilmişdir. Xalçanın ara sahəsinin boşluqları qarmaqlı, rombvari, gözqaytarıcı,
nəbati, “daraq” adlandırılan və digər motivlərlə bəzədilmişdir. Sürməyi yerlikli
rombvari elementlərin içərisində qırmızı və bal rəngli dörd “nal” şəkilli elementlər
vardır. Sürməyi yerlikli enli haşiyə göy, qırmızı, şəkəri, bal rəngi, açıq şabalıdı,
sürməyi rəngli kiçikölçülü kvadrat formalı elementlərlə tərtib edilmişdir.Haşiyəni
hər iki tərəfdən şəkəri və qırmızı rəngli diliklərlə işlənmiş mədaxillər əhatə edir.
Mədaxillərin kənarları qırmızı, bal rəngli “siçandişi”lərlə tamamlanır. Xalçanın
ara sahəsindəki medalyonların sağ və solunda sürməyi və şəkəri yerlikdə kərpici,
Dostları ilə paylaş: |