31
5-Tema: Italiya XVIII-XIX a`sirde
1. Italiya XVIII -a`sirde.
2. XIX – a`sirdin` 20-30- jillarindag`i revolyutsiya.
3. 1848-1849 – jilg`i revolyutsiya
4. Rimdi qosip aliw – Italiyani birlestiriwdin` juwmaqlawshi basqishi.
Italiya jan`a da`wirge qiyin jag`day menen kirip keledi, ol shet el
mamleketlerinen g`a`rezli edi. Apennin yarim atawdag`i urislar ju`da` awir keshti.
Avstriyanin` u`stemligi Italiyanin` arqasinda ha`m orayinda ku`sheydi. Buring`i
abroyin Genuya ha`m Venetsiya respublikalari jolg`altti.
XVIII – a`sirdin` aqirlarinda Italiyanin` birlesiwi ha`m g`a`resizligi ushin gu`res
ju`rgize basladi.
90 – jillardin` ekinshi yarimnan baslap Frantsiyanin` Italiya u`stinen u`stemligi
ku`sheye basladi. 1796 jil Italiya territoriyasinda frantsuzlarg`a qarsi koalitsiyani
qirip taslaw ushin Napoleon Banopart basshilig`indag`i frantsuz armiyasi kirip
keldi. 1797-1799 jillari frantsuzlardin` qollap-quwatlawi menen Apennin yarim
atawlarinda to`rt respublika du`zildi. Usi waqittin` o`zinde Italiyanin` basip
aliwshilar ta`ripinen tonaliwi baslandi: Italiyantsler frantsuzlardi ha`r ta`repleme
ta`miyinlew kerek edi, Italiyadan Frantsiyag`a qimbat baha ko`rkem o`ner bayliqlar
alip kelindi. Biraq 1799 jili Frantsuzlarg`a qarsi koalitsiya ta`repinen frantsuz
armiyasi Italiyadan quwip shig`ildi. 1800 jildan baslap Italiyadag`i frantsuz
interventsiyasinin` jan`a etapi baslandi, na`tiyjede onlag`an jilg`a Napoleon
imperiyasi qol astina o`tti. Frantsuz okkupatsiya rejimine ha`m Italiyadag`i
Neapolitan korol`liginde karbonariy ha`reketi payda boldi. Jasirin karbonariy
wa`killeri- ventlar 1812-1813 jillari Neapolitan korol`liginde Kalabariy ha`m
Abrutsua provintsiyalarinda ko`terilis sho`lkemlestirdi. Napoleon ha`kimiyatinin`
qulawi menen karbonariy ha`reketi qubla Italiya shegaralarinan o`tip pu`tkil
Appenin yarim atawina jayildi. 1848-1849 jillardag`i revolyutsiya Italiyadag`i
Avstriyag`a qarasli jerler g`ana emes, Italiyanin` ma`mleketlerinde qamtip alg`an
edi. Onin` kelip shig`iw sebepleri de Germaniyadag`i rovolyutsiyanin` sebepleri
menen usas edi. Siyasiy bo`lsheklengenlik, mayda patshalardin` zulimlig`i,
dvoryanlardin` ha`kimshiligi, chinovikler menen politsiyanin` biybastaqlig`i
diyxanlardin` pomeshiklerge g`a`resizligi - usilardin` ha`mmesi kapitalizmnin`
bunnan bilay rawajlaniwina irkinish boladi, Italiyanin` bir o`zgesheligi - bul eldin`
a`dewir bo`legi Avstriya eziwshiligi astinda edi. Lombardiya ha`m Venetsiya oblasti
Avstriya imperiyasinin` sostavina kiredi ha`m Avstriya ha`m ha`kimiyatlari olardan
og`ada u`lken saliqlar alip turdi. Gabsburgler u`yinen shiqqan gertsoglar basqarg`an
Parma, Modena ha`m Toskaniya da Avstriya eziwshiligi astinda qalip kiyatir edi.
Rim oblastinda papanin aristokraktik ha`kimiyati saqlanip kiyatir edi. Bul da milliy
birlesiw ha`m burjuaziyaliq qayta du`ziwler jolinda irkinish bolg`an edi. Italiya
milliy – azatliq ha`m revolyutsiyaliq ha`reketindegi demokratiyaliq ag`imnin`
tayanishi o`nermentshiler, az sandag`i rabochiylar ha`m mayda burjuaziya
intelegentsiyasi boldi. Olardin` arasinda ko`plegen jasirin ja`miyetler payda boldi.
Olardin` en` ken` tarqalg`an urani G`Birlik ha`m respublikaG` boldi.
32
Italiyadag`i revolyutsiyanin` baslaniwi ha`m barisi. Zu`ra`a`tsizlik ha`m
ekonomikaliq krizis xaliq massalarinin` apatshilig`in ku`sheytti ha`m
revolyutsiyaliq jag`dayinin` du`ziliwine sebep boldi. Xaliq massalarinin` basimi
astinda bir qatar ma`mleketlerde liberalliq ministrlikler sho`lkemlestirildi ha`m
konstitutsiya jariyalandi.
Milanda ha`m Venetsiyadag`i Avstriyanin` Italiyadag`i iyeliklerinde ko`terilis
boldi. Ko`terilis Avstriya ha`kimiyatlarinin` eziwshiliginen azat boliwi ushin,
imperatordin` kaznasin toltiratug`in u`lken saliqlarg`a qarsi sho`lkemlestirildi.
Milanda (Lombardiyanin` bas qalasinda) xaliq barrikadalar tikley basladi. Bes ku`n
dawam etken qanli ko`she sawashlarinan son` Avstriya a`skerleri qaladan quwip
shig`arildi. Ha`kimiyatti ortasha burjuaziya menen liberal pomeshikler wa`killeri
qolg`a aldi. Milan hu`kimetinin` basli maqseti – milliy eziwshilikti joq etiwden,
Sardiniya korolligine qosiliwdan ibarat edi. Sardiniya koroli xaliq massalarinin`
talabi menen o`zinin` p`emontli a`skerlerin avstriyalilarg`a qarsi atlandirdi,
Milandag`i ko`terilis Avstriya armiyasi ta`repinen jen`iliske ushiradi. 1848 jildin`
martinda Avstriya eziwshiligine qarsi ko`terilis Venetsiyada da boldi. Bul jerde
ortasha burjuaziya basqaratug`in respublika jariyalang`an edi. Son` Venetsiyadag`i
revolyutsiya da Avstriya a`skerleri ta`epinen bastirildi. Avstriya a`skerleri p`emontli
a`skerlerdi jengen waqitta, kontrrevolyutsiya Italiya ma`mleketlerinde de hu`jimge
o`tti. Neapol`da korol` konstitiutsiyani biykarladi, revolyutsionerlerdi jazalaw
baslandi.
Biraq xaliq ha`m revolyutsiyashil – demokrat iskerler quralin taslamadi.
Revolyutsiyashil demokratlar G`Korol`lardin` urislari tamam boldi, millet urisi
yamasa xaliqtin` urisi endi baslanadiG` degen shaqiriqti alg`a tasladi. 1849
jildin` basinda Rimde xaliq ko`terlisi payda boldi. Rim papasi qaship ketti.
Xaliqtin` ha`m toparlardin` dawisi astinda respublika jariyalandi.
Papa frantsuz respublikasinin` prezidenti Lui Napoleonnan ja`rdem soradi. Ol
Rim respubllikasina qarsi u`lken frantsuz armiyasin jiberdi. Rimdi qorg`awg`a
ten`izshinin balasi, ravolyutsiyashil – demokrat Djuzeppe Garibal`di basshiliq etti.
Bunnan aldin ol Sardiniya korol`ligindegi ko`teriliske qatnasqan edi, Qubla
Amerikada ispan eziwshilgine qarsi milliy azatliq gu`resine qatanasdi. 1848 jili
ba`ha`rde Garibal`di watanina qaytip kelip, Italiyanin` shet el eziwshiliginen
qutiliw ushin bolg`an gu`reske qosildi. Italiya respublikashilar Garibal`didin
basshilig`inda Rim qalasin qaharmanlarsha qorg`adi, biraq frantsuzlardin`
ja`rdeminde papanin` aqsuyekler ha`kimiyati qayta tiklendi, Al Rimde frantsuz
garnizoni qaldirildi, sebebi papa Italiya a`skerlerine isenbeytug`in edi.
Garibal`di revolyutsinerlerdin` kishkene gruppasi menen Adriatika ten`izine
barip jetti ha`m waqitsha Italiyani tag`i taslap ketti. Ko`plegen revolyutsinerler tutip
alindi ha`m atip taslandi.
1848-1849 jillarda basqa ellerdegi siyaqli Italiyada da tamamlanbag`an, jen`iliske
ushirag`an burjuaziyaliq demokratiyaliq revolyutsiya bolip o`tti. Onin` jen`iliwine
proletariattin` ha`lsizligi o`nermentshiler menen diyxanlardin` sho`lkemlespey,
bo`lek- bo`lek ha`reket etiwi, avstriyalilardan go`re xaliq massalarinin` ko`birek
qoriqqan liberal burjuaziya menen pomeshiklerdin` revolyutsiyag`a satqinlig`i sebep
boladi. Biraq Italiyada da revolyutsiya teren` iz qaldirdi, waqiyalardin` bunnan