49
məhvi sənayecə inkişaf etmiş ölkələrdə və bütövlüklə dünyada əhalinin hər
nəfərinə düşən gəlirlərin məbləğinin azalması ilə nəticələndi.
1920-ci illərin sonunda - 1930-cu illərin əvvəlində baş verən İqtisadi
böhran (Böyük depressiya) sənayecə inkişaf etmiş ölkələrdə istehsalın
kəskin (18%) azalması ilə müşayiət olunurdu. 1929-1932-ci illərdə ABŞ-ın
ümumi məhsulu 28%, sənaye istehsalı 44,7% azalmış, müvafiq göstəricilər
Fransada 11% və 25,6%, Almaniyada 15,8% və 40,8%, Britaniyada 5,1% və
11,4% olmuşdur. İri müstəmləkələri olan ölkələrdə bu göstəricilər nisbətən
aşağı idi.
Müharibələrarası onilliklərdə tələbatın aşağı düşməsi ilə əlaqədar
olaraq, uzun müddət ərzində kənd təsərrüfatı və mineral mənşəli xammalın
təklifinin artıqlığı müşahidə edilirdi. Buna görə də, kənd təsərrüfatı və
mineral xammal istehsalçılarının gəlirlərinin nisbətən azalmış, onların
sənaye məhsullarını almaq və kapital qoyuluşlarını həyata keçirmək
imkanları məhdudlaşmışdı.
İqtisadi pozuntular Qərb ölkələrində proteksionizm dalğası yaratdı.
Xarici ticarət tarifləri kəskin qaldırıldı. Qızıl-valyuta standartından tamamilə
imtina olunması, valyuta bloklarının yaradılması kapitalın sərbəst axınını
pozdu, istehsal amillərinin hərəkətini aparıcı ölkələrin çərçivəsi ilə
məhdudlaşdırdı.
Bu dövrdə dünyada ixracın templəri kəskin surətdə aşağı düşmüş,
bəzi ölkələrdə isə mənfi dinamika müşahidə olunmuşdu. İqtisadi böhran
dünya təsərrüfatında ölkələrin bir-birindən ayrılması meyillərini gücləndirdi,
mal ixracının həcmini azaltdı, istehsalın və satışın milli sahələrinin
əhəmiyyətini artırdı. Nəticədə xarici ticarət, kapitalın hərəkəti istehsalla
müqayisədə daha sürətlə zəifləməyə başladı. Ayrılma meyilləri 1940-cı
illərin ortalarına, İkinci Dünya müharibəsi başa çatanadək davam etdi.
_____________________________________________________
İki iqtisadi sistemin yaranması mərhələsi (1950-1980-ci illər)
Bu onilliklərdə milli təsərrüfatların qarşılıqlı əlaqələri 1913-cü ilin
səviyyəsində bərpa olundu. Artıq 1973-cü ildə dünyada ixrac kvotası MDM-
in 10,5%-nə, 1980-ci ildə xarici aktivlərin bu göstəriciyə nisbəti isə 17,5%-
nə (AQP üzrə) çatdı (1913-cü ilin müvafiq göstəriciləri 7,9% və 17,5% idi).
Birləşmə, vahid dünya təsərrüfatı sisteminin bərpası prosesi sosial-
iqtisadi parçalanma şəraitində gedirdi. İkinci Dünya müharibəsindən sonra,
1940-cı illərdə tamamilə başqa sosial-iqtisadi təməl: sosial bərabərlik,
sənayenin, xidmət sahələrinin milliləşdirilməsi, kənd təsərrüfatının
kollektivləşdirilməsi əsasında inkişaf edən, milli təsərrüfatlar çərçivəsində
mərkəzləşdirilmiş idarəçilik sistemi olan dünya sosializm təsərrüfatı
sisteminin - yaranması nəticəsində dünya təsərrüfatının sosial strukturu
50
dəyişdi. Xarici iqtisadi münasibətlərin sinfi yanaşma əsasında qurulması
əvvəllər bütöv olmuş dünya təsərrüfatının dairəsini daraltsa da, dünya
bazarını dağıtmadı.
Dünya sosializm təsərrüfatının xüsusiləşməsinə baxmayaraq, həm
sosializm, həm də kapitalizm ölkələrinin ehtiyacları onların arasında xarici
iqtisadi münasibətlərin saxlanılmasını təmin edirdi. Qarşılıqlı münasibətlərin
xarakteri mürəkkəb və ziddiyyətli idi. İctimai sistemləri müxtəlif olan
dövlətlər arasında təsərrüfat əlaqələri qarşıdurmalar və yarışma ilə müşayiət
olunur, özü də bu məqamlar üstünlük təşkil edirdi. Sosialist ölkələri dünyada
ticarət mübadiləsində nəzərəçarpan yer tutmuşdu. Belə ki, 1960-cı ildə
dünyada ixracın ümumi həcminin 11,7%-i Avropanın sosialist ölkələrinin
payına düşürdü (1950-ci ildə - 8,1%).
Dünya təsərrüfatının göstərilən mərhələdə inkişafı dünya kapitalist
iqtisadiyyatında sahibkarlıq kapitalının ixracının sürətli artımı şəraitində
keçirdi. Bu vaxt ərzində xarici istehsalın artması dünya təsərrüfatının
təşkilati-iqtisadi parametrlərinə həlledici təsir göstərmişdi. İstehsal
münasibətlərində əməyin ayrı-ayrı hissələrə bölünməsinin daşıyıcısı olan
TMK aparıcı qüvvəyə çevrildi. Onlar özündə məhsulun istehsalını, satışını,
hesablaşmaları, kreditləşməni birləşdirən beynəlmiləl istehsal kompleksləri
yaratdılar.
İki ictimai quruluş sisteminin qarşıdurması şəraitində kapitalist
ölkələri arasında əlaqələr möhkəmləndi. İkinci Dünya müharibəsi illərində
iqtisadi qüdrətini artıran ABŞ Qərbi Avropanın iqtisadi intibahına yardım
göstərirdi. Bu prosesdə geosiyasi mülahizələr də böyük rol oynayırdı.
Marşall planı başa çatdırıldıqdan sonra (1951-ci il) müstəmləkə imperiyaları
dağıldıqca, inkişaf etməkdə olan ölkələri Qərbin nüfuz dairəsində saxlamaq
məqsədi ilə yardım proqramları onlara doğru yönəldildi. 1960-cı illərin
ortalarında müstəmləkə sisteminin ləğvi dünya təsərrüfatında indiyədək
xüsusi yer tutan inkişaf etməkdə olan ölkələrin böyük bir qrupunu
beynəlxalq həyatın ön səhnəsinə çıxardı. Müstəmləkələr və metropoliyalar
arasında mövcud olmuş müstəmləkə tipli münasibətlər başqa xarakterli
əlaqələrlə əvəz edildi. İnkişaf etməkdə olan ölkələrin kəskin daxili
problemləri, onların iqtisadi geriliyi, keçmiş müstəmləkələrlə metropoliyalar
arasında yaranmış təsərrüfat əlaqələrinin qırılmaq təhlükəsi "Şimal-Cənub"
münasibətlərinin saxlanılması və inkişaf etdirilməsinin başlıca amilləri
olmuşdu. Bu münasibətlər sahibkarlıq kapitalının azadlığa çıxmış ölkələrə
aparılması, ikitərəfli və çoxtərəfli əsasda yardım proqramlarının həyata
keçirilməsi yolu inkişaf etdirilirdi.
Milli təsərrüfatların qarşılıqlı fəaliyyətinin güclənməsi istehsal
amillərinin hərəkəti qarşısındakı maneələrin get-gedə azalması ilə müşayiət
olunurdu. 1940-1980-ci illərdə xarici iqtisadi əlaqələr ölkələrin ayrı-ayrı