15-mavzu. Og‘iz bo‘shlig‘i shilliq qavati kasalliklarida mikroflora. Stafilokokk va ko‘k-yiring tayoqcha, ularning laborator tashxisoti.
Og‘iz bo‘shlig‘i shilliq qavatining zararlanishi gomoseksualist erkaklarda va orogenital jinsiy aloqada bo‘lganlarda qayd etiladi. B.M.Pashkov (1963) fikricha 2 ta yuqish yo‘li mavjud. Bevosita va tez- tez uchraydigan yuqish yo‘li – bu gonokokklarning og‘iz bo‘shlig‘iga ekzogen yo‘l bilan tushishi hisoblanadi (autoinokulyasiya). Ikkinchisi limfo- va gematogen yo‘llar. Og‘iz bo‘shlig‘i shilliq qavati so‘zagi asosan simptomsiz kechadi. Kam hollarda tomoqda og‘riq kuzatilib, tana harorati oshadi. Gonokokkli stomatitning birinchi belgilari: og‘iz bo‘shlig‘i shilliq qavati gipyeremiyasi, shish, uncha katta bo‘lmagan eroziyalarni paydo bo‘lishi va yopishqoq shilliq-yiringli ajralmalar. Davolanilmasa lunj, til, va milklarda eroziya va yaralar soni oshadi. Yaralar odatda kichik o‘lchamda, yuzaki, chetlari notekis, kam og‘riqli, sariq-kulrang ajralmasi bo‘lib, bu ajralmadan gonokokklarni topish mumkin. Ko‘pincha gonokokkli stomatit tilda yara hosil bo‘lishi bilan ham boshlanadi (Lachner I. va hammual., 1987).
Kasallikning tarqalgan bosqichining tavsifli belgisi – tilning markaziy papillyar atrofiyasi hisoblanadi (Escobar V. va hammual., 1984). Undan qirma olib tekshirilganda ko‘p miqdorda Neisseria gonorrhoeae topiladi (24-rasm). Shuni yoddan chiqarmaslik kyerakki, bunday klinik belgi leykoplakiyada hamda kandidozda ham uchraydi (biroq so‘zakda atrofiya o‘chog‘i yuzasi silliq va bir xil bo‘lib, oqish fasod bilan qoplanmagan bo‘ladi) (25-rasm).
а) б)
расм. Гонококкларнинг соф культураси (Грам бўйича бўялган) (а), йирингдан олинган суртмадаги гонококклар (метилен кўки билан бўялган) (б)
Dostları ilə paylaş: |