Microsoft Word A1 Consolidated ifrs report 2013 aze docx
Azərbaycan Respublikası Dövlət Neft Şirkəti
Yüklə 1,55 Mb. Pdf görüntüsü
|
- Bu səhifədəki naviqasiya:
- Azərbaycan Respublikası Dövlət Neft Şirkəti Konsolidasiya Edilmiş Maliyyə Hesabatları üzrə Qeydlər
- 1 Qrup və onun əməliyyatları
- Törəmə müəssisələr haqqında məlumat
- 2 Maliyyə hesabatlarının hazırlanmasının əsası və mühüm mühasibat uçotu prinsipləri
- Konsolidasiya üçün əsas.
- Azərbaycan Respublikası Dövlət Neft Şirkəti Konsolidasiya Edilmiş Maliyyə Hesabatları üzrə Qeydlər (davamı)
- 2 Maliyyə hesabatlarının hazırlanmasının əsası və mühüm mühasibat uçotu prinsipləri (davamı) Konsolidasiya üçün əsas (davamı).
- Müəssisələrin birləşməsi.
- Asılı müəssisələrə və birgə nəzarət edilən müəssisələrə investisiya.
Azərbaycan Respublikası Dövlət Neft Şirkəti Konsolidasiya Edilmiş Maliyyə Hesabatları üzrə Qeydlər (Xüsusi qeyd edilmiş hallar istisna olmaqla məbləğlər milyon Azərbaycan Manatı ilə ifadə edilir) (7)
1 Qrup və onun əməliyyatları
Azərbaycan Respublikası Dövlət Neft Şirkəti (“ARDNŞ”) 13 sentyabr 1992-ci il tarixli Prezident Fərmanı ilə Azərbaycan Respublikasının qanunvericiliyinə əsasən yaradılmış və Azərbaycan Respublikasında fəaliyyət göstərir. ARDNŞ hasilat, nəql və emal əməliyyatları ilə məşğul olur. ARDNŞ-nin əsas fəaliyyəti neft, qaz və qaz kondensatlarının hasilatı, emalı və nəqli, eləcə də neftin, qazın və neft və qaz məhsullarının satışından ibarətdir. ARDNŞ 100 faiz Azərbaycan Respublikasının dövlətinə (“Dövlət”) məxsusdur.
ARDNŞ-nin hüquqi ünvanı: Azərbaycan Respublikası, Bakı şəhəri, AZ 1000, Neftçilər prospekti 73. Törəmə müəssisələr haqqında məlumat
Qrupun konsolidasiya edilmiş maliyyə hesabatlarına aşağıdakı mühüm törəmə müəssisələr daxildir: Təsis edildiyi ölkə Kapitalda pay, % Adı Əsas fəaliyyəti 2013 2012 SOCAR Turkey Enerji A.Ş. Emal Türkiyə 100% 100%
Azerbaijan (ACG) Ltd Neft istehsalı Kayman adaları 100% 100%
Azerbaijan (Shah Dəniz) Ltd Qaz istehsalı Kayman adaları 100% 100%
Caspian Drilling Company (CDC) Qazma əməliyyatları Azərbaycan 92.4% 92.4% SOCAR Energy Georgia LLC Satış və paylama Gürcüstan 51% 51%
SOCAR Overseas LLC Satış və paylama BƏƏ 100% 100%
SOCAR Trading Holding Satış və paylama Malta 100%
100% Azerbaijan (BTC) Ltd Satış və paylama Kayman adaları 100% 100% Cooperative Menkent U.A. Satış və paylama Hollandiya 99.9% 99.9%
SOCAR Energy Holdings AG Satış və paylama İsveçrə 100% 100%
SOCAR Energy Ukraine Satış və paylama Ukrayna 100%
100% Azerbaijan (SCP) LTD Satış və paylama Kayman adaları 100% 100%
(birlikdə “Qrup” adlandırılır) konsolidasiya edilmiş hazırkı maliyyə hesabatları Beynəlxalq Mühasibat Uçotu Standartları Komitəsi (“BMUSK”) tərəfindən dərc edilmiş Beynəlxalq Maliyyə Hesabatları Standartlarına (“BMHS”) uyğun hazırlanmışdır. Hazırkı konsolidasiya edilmiş maliyyə hesabatlarının hazırlanmasında istifadə edilən mühüm mühasibat uçotu prinsipləri aşağıda göstərilir. Bu mühasibat uçotu prinsipləri təqdim edilən bütün dövrlərə müvafiq olaraq tətbiq edilmişdir.
31 dekabr 2013-cü il tarixinə olan maliyyə hesabatlarından təşkil olunmuşdur.
Törəmə müəssisələr Qrupun nəzarət etmək imkanı olduğu bütün müəssisələrdir. Nəzarət bu halda yaranır ki, Qrup investisiya obyektində iştirakıyla bağlı riskə məruz qalsın və ya dəyişən gəlir əldə etmək hüququna malik olsun və investisiya obyekti üzrə nəzarət hüququ vasitəsilə həmin gəlirlərə təsir etmək imkanına malik olsun. Xüsusilə, Qrup investisiya obyektinə yalnız və yalnız bu halda nəzarət edir ki, Qrup: İnvestisiya obyekti üzrə nəzarət hüququna malik olsun (yəni mövcud olan səsvermə hüquqları hazırda investisiya obyektinin müvafiq fəaliyyətini idarə etmək imkanını versin); İnvestisiya obyektində iştirakla bağlı risk və ya dəyişən gəlirlər əldə etmək hüququna malik olsun, və Gəlirlərə təsir göstərmək üçün investisiya obyekti üzrə nəzarəti istifadə etmək imkanına malik olsun.
Qrup səs çoxluğundan az paya və ya investisiya obyektində analoji hüquqlara sahib olanda Qrup investisiya obyekti üzrə nəzarət hüququnun olub-olmadığını qiymətləndirərkən bütün müvafiq fakt və şəraitləri, o cümlədən aşağıdakıları, nəzərdən keçirir: İnvestisiya obyektində digər səsvermə hüquqlarının sahibləri ilə müqavilə razılaşması; Digər müqavilə razılaşmalarından irəli gələn hüquqlar; Qrupun səsvermə hüquqları və potensial səs hüquqları. Azərbaycan Respublikası Dövlət Neft Şirkəti Konsolidasiya Edilmiş Maliyyə Hesabatları üzrə Qeydlər (davamı) (Xüsusi qeyd edilmiş hallar istisna olmaqla, məbləğlər milyon Azərbaycan Manatı ilə ifadə edilir) (8)
2 Maliyyə hesabatlarının hazırlanmasının əsası və mühüm mühasibat uçotu prinsipləri (davamı)
halda yenidən qiymətləndirir ki, fakt və şəraitlər üç nəzarət elementindən bir və ya bir neçəsində dəyişiklik əlamətinin olduğunu göstərsin. Törəmə müəssisənin konsolidasiyası Qrup törəmə müəssisə üzərində nəzarət əldə edəndə başlayır və Qrup törəmə müəssisə üzrə nəzarəti itirəndə başa çatır.
Şirkətdaxili əməliyyatlar, qalıqlar və Qrup şirkətləri arasındakı əməliyyatlar üzrə realizasiya olunmamış gəlirlər konsolidasiya edilmiş maliyyə hesabatlarından silinir. Həmçinin, realizasiya olunmamış zərərlər konsolidasiya edilmiş maliyyə hesabatlarından çıxarılır, lakin, köçürülmüş aktivin dəyərsizləşmə göstəricisi kimi nəzərə alınır. Lazım olduqda, törəmə müəssisələrin uçot siyasəti Qrup tərəfindən qəbul edilmiş qaydalara uyğun olmaq üçün dəyişdirilir.
Törəmə müəssisənin cəmi ümumi gəlirləri kəsr qalıq yaratdığı halda belə qeyri nəzarət payına aid edilir. Müəssisələrin birləşməsi. Müəssisələrin birləşməsi alış metodu üzrə uçota alınır. Alışın dəyəri alış tarixindəki ədalətli dəyərlə ölçülən köçürülmüş ödəniş məbləği və satın alınan müəssisədə qeyri-nəzarət payı məbləğinin məcmusu şəklində ölçülür. Hər bir müəssisə birləşməsi üçün alıcı müəssisə satın alınan müəssisədə qeyri-nəzarət payını ya ədalətli dəyərlə, ya da satın alınan müəssisənin xalis müəyyən edilə bilən aktivlərinin proporsional payı ilə ölçür. Çəkilən alış məsrəfləri xərclərə silinir və inzibati xərclərə aid edilir. Qrup hər hansı müəssisəni satın aldıqda, o, müvafiq təsnifləşdirmə üçün və müqavilə şərtləri, iqtisadi şərait və alış tarixində qüvvədə olan şərtlərə əsasən təyin olunma üçün nəzərdə tutulmuş maliyyə aktiv və passivlərini qiymətləndirir. Bura əsas müqavilədə əlaqədar törəmə alətlərin satın alınan müəssisə tərəfindən ayrılması da aid edilir.
Müəssisələrin mərhələli birləşməsi zamanı alıcı müəssisənin satın alınan müəssisədə hər əvvəlki mərhələdə sahib olduğu pay, alış tarixindəki ədalətli dəyərlə yenidən qiymətləndirilir və yaranan gəlir və ya zərər il üzrə mənfəət və ya zərər kimi əks etdirilir.
Nəzarətin itirilmədiyi halda Qrupun törəmə müəssisədə olan iştirak payındakı dəyişiklik kapital əməliyyatları kimi (yəni pay sahibləri ilə olan əməliyyatlar kimi) uçota alınmalıdır. Bu cür hallarda nəzarət və qeyri-nəzarət paylarının balans dəyərlərinə, törəmə müəssisədə uyğun iştirak payının dəyişməsini əks etdirəcək şəkildə düzəliş verilməlidir. Qeyri-nəzarət payına verilən düzəliş məbləği və ödənilən məbləğ arasındakı fərq birbaşa kapitalda uçota alınmalıdır və Qrupun pay sahiblərinə aid edilməlidir.
Qrup birgə nəzarət altında olan müəssisələrin birləşdirilməsini mühasibat uçotunun alış metodu ilə əks etdirir.
dərəcədə təsir göstərdiyi müəssisədir. Əhəmiyyətli dərəcədə təsir investisiya obyektinin maliyyə və əməliyyat siyasətinə dair qərarların qəbul edilməsində iştirak hüququ deməkdir, lakin həmin siyasət üzrə nəzarət və ya birgə nəzarəti nəzərdə tutmur.
Birgə nəzarət edilən müəssisə birgə nəzarəti həyata keçirən tərəflərin birgə nəzarət edilən müəssisənin xalis aktivləri üzrə hüquq əldə etdikləri müqavilə razılaşmasıdır. Müqavilə ilə razılaşdırılmış birgə nəzarət yalnız müvafiq fəaliyyətlə əlaqədar qərarların qəbul edilməsi üçün birgə nəzarəti həyata keçirən tərəflərin birgə razılığı tələb edildikdə mövcud olur.
Əhəmiyyətli dərəcədə təsir və ya birgə nəzarətin olub-olmadığı müəyyən edilərkən törəmə müəssisələr üzrə nəzarətin müəyyən edilməsində istifadə edilən eyni amillər nəzərə alınır.
Qrupun asılı müəssisəyə və birgə nəzarət olunan müəssisəyə investisiyaları pay iştirakı üzrə uçot metoduna əsasən maliyyə hesabatlarına daxil edilir. Pay iştirakı üzrə uçot metoduna əsasən asılı müəssisədə və ya birgə nəzarət olunan müəssisədə investisiya maya dəyəri ilə tanınır. Alış tarixindən sonra asılı müəssisənin və ya birgə nəzarət olunan müəssisənin xalis aktivlərində Qrupun payındakı dəyişiklikləri tanımaq üçün investisiyanın balans dəyərində düzəlişlər edilir. Asılı müəssisəyə və ya birgə nəzarət olunan müəssisəyə aid olan qudvil investisiyanın balans dəyərinə daxil edilir, amortizasiyaya silinmir və fərdi şəkildə dəyərsizləşmə baxımından yoxlanılmır.
Yüklə 1,55 Mb. Dostları ilə paylaş:
|