33
Eləcə də mikroorqanizmlərin inkişafı, xammaldakı pestisidlərin qalıqları,
kimyəvi fumiqatların qalıqları, sudakı ağır metalların, qidalanma rsionunda bəzi
yağların mövcudluğu, duzlar və s. hesabına əmələ gələn toksinlər hesabına
sağlamlıq üçün yaranan riskləri də göstərmək olar.
Fiziki risklər daha çox göz qabağında olmaqla, çox ehtimal olunur ki, yaranan
problemlərin əsas mənbəyidir. Buraya istehsal prosesində şüşə, metal. Ağac,
plastik qırıqları və s. hissəciklər ola bilər. Dissertasiya işinin məqsədi “Sevimli
Dad” MMC-də istehsal edilən bəzi qida məhsullarının ekoloji təhlükəsizliyinin
tədqiqi olmuşdur.
“Sevimli Dad” şirkəti 1993-cü il 01 sentyabr ayından fəaliyyətə başlayaraq
yüksək keyfiyyətli ekoloji baxımdan təhlükəsiz ət və ət məhsulları, süd və süd
məhsulları, təbii şirələr, konserv məhsulları və digər çeşiddə qida məhsulları
istehsal etməkdədir. Bu gün müəssisə geniş çeşiddə süd məhsulları, içməli süd
(yağlığı 1,53-2,4%) kəsmik və kəsmik məhsulları, pendirlər, xamalar və s. müasir
texnoloji avadanlıqlarda istehsal olunur. Kompaniyanın mütəxəssisləri məhsulun
keyfiyyət xüsusiyyətləri ilə yanaşı məhsulun qablaşdırılmasının və digər
göstəricilərinin müasir standartlara cavab verməsinə xüsusi diqqət yetirirlər.
Məhsullar yeni texnoloji tərtibatlı işıq keçirməyən qablaşdırıcı materiallarda tərtib
edilməklə öz dad və keyfiyyət göstəricilərini uzun müddət saxlamaq qabiliyyətinə
malikdir. Müxtəlif süd məhsulları istehsal etmək üçün müasir avadanlıq və
təkmilləşdirilmiş texnoloji proseslər tətbiq olunur. Sanitar normalara ciddi riayət
olunmaqla məhsulların ekoloji təhlükəsizliyinə riayət olunur.
34
1.6. Yeyinti qatqıları və onların qida mə hsulları istehsalında istifadə sinin
elmi-nə zə ri ə sasları
XXI əsr, sağlam qida məhsulları istehsal edən bütün sahələrdən yeni
yanaşmalar tələb edir ki, bunların da həyata keçirilməsi tələb olunan keyfiyyətdə
və kimyəvi tərkibdə yeyinti qatqıları tətbiq edilmədən mümkün deyildir.
Yeyinti qatqıları termini ilə təbii, təbii ilə eyni olan, yaxud süni kimyəvi
birləşmələri adlandırırlar ki, bunlar da qida maddələri olmayıb (plastiki
funksiyaları daşımırlar və enerji mənbəyi deyildirlər), texnoloji proseslərin
gedişində müəyyən effekt vermək üçün qida məhsullarına xüsusi olaraq əlavə
edilirlər. Onların istifadəsində əsas şərt insan üçün və həm də sonrakı nəsillər üçün
təhlükəsiz olmalarıdır.
Yeyinti qatqılarının qida məhsulları istehsalında istifadəsi qaydaları hər bir
ölkənin baş sanitar həkiminin müavini tərəfindən təsdiq olunur və tətbiq edilir.
Qida məhsullarının keyfiyyətinin yaxşılaşdırılmasında istifadə edilən müxtəlif
növ qatqıların işlədilməsi Avropa standartlarında qəbul edilmiş texnoloji tələbat
normalarına görə yerinə yetirilir. Yeyinti qatqılarından istifadə etməklə, elə növ
maddələrdən istifadə olunması nəzərdə tutulur ki, onlar texnoloji proseslərdən irəli
gələrək, məhsulun keyfiyyətini yaxşılaşdırmaq, onun yararlılıq müddətini uzatmaq,
xarici görünüşünü əmtəə baxımından yaxşılaşdırmaq üçün istifadə edilir. Qida
məhsullarının istehsalında elə qatqılardan istifadə edilir ki, onları həmin növ
məhsulun istehsalında işlətməyə icazə verilir.
Avropada qida-yeyinti qanunu məcəlləsinə görə və eləcə də Rusiya
qanunlarına əsasən hazırlanan məhsulun tərkibində işlədilən qatqıların hər birinin
ayrı-ayrılıqda markalanmasında nömrəsi və sinifi göstərilir. Bu siniflər qatqılar
üçün aşağıdakılardan ibarətdir:
Rəngləyicilər, konservantlar, antiseptiklər-qatılaşdı-rıcılar, cele maddələri,
sabitləşdiricilər (stabilizatorlar), tam və dad yaxşılaşdırıcıları, bişirilmə forma və
lövhələri üçün sürtgülər, turşulaşdırıcılar, buferlər (turşular üçün), şirinləşdiricilər,
məsaməlik əmələ gətirənlər (boşaldıcılar), köpüklənmənin qarşısını alan maddələr,
35
ş
irələyicilər (səthdə şüşəvarilik yaradan maddələr), duz həllediciləri, un
keyfiyyətinin yaxşılaşdırıcıları, nəmlik tənzimləyiciləri, modifikasiya olunmuş
nişastalar və s. bu kimi qatqılar.
Yuxarıda adları çəkilən bütün qatqılar məhsulun çeşi-dinin artırılmasında,
yarımfabrikatlar hazırlanmasında işlədi-lirlər. Beləliklə, qida məhsullarının əksər
hissəsinin hazırlanmasında bu qatqılardan istifadə edilir.
Avropa Birliyində yeyinti əlavələri kimi işlədilən qatqılar kimi «E» indeksi
altında 296 adda maddələr qrupu məlumdur. Almaniyada qida məhsullarının
təhlükəsizliyi ilə əlaqədar qanunda 350 adda maddələr qatqılar kimi nəzərdə
tutulur ki, onlar da bir çox texnoloji proseslərdə iştirak edirlər, lakin hazır
məhsulların tərkibinə daxil olmurlar.
«E» indeksinə aid olan maddələrin kimyəvi tərkibinin saflığına ciddi tələblər
qoyulur ki, bəzi mülahizələrə görə on-ların allergen təbiəti orqanizmdə
arzuedilməz hallar yaradır. Qida məhsullarının hazırlanmasında texnoloji proseslər
zamanı qatqılar kimi istifadə edilən birləşmələrin kimyəvi tərkibi, strukturu
ə
dəbiyyatlarda geniş öyrənilmiş və izah edilmişdir. Bununla belə, bir çox qatqılar
bitki orqanizmlərindən alınmış, müəyyən təmizlik işlərindən sonra ağ toz, kristal
və ya maye şəklində əksər qidaların tərkibinə müəyyən miqdarda qatılır.
Qeyd etmək lazımdır ki, bir çox kulinar yarımfabrikatlarında və kulinar
məmulatlarında qida qatmalarına təsadüf edilir ki, onlardan bəziləri pəhriz xassəli
olub, müalicəvi əhəmiyyətə malikdirlər. Bir çox sintetik qatqılarla bərabər, təbii
qatqılardan da istifadə edilir ki, texnoloji prosesin gedişində, hazır məhsul
alınmasında xüsusi rol oynayırlar. Bəzi qida məhsullarının hazırlanması zamanı
qatqılar tətbiq edilmir. Məsələn, tərəvəz-meyvə, düyü, mineral sular, süd, yumurta,
bal, ət, piy və s. məhsulları göstərmək olar.
Məlumdur ki, bir çox qidaların, xüsusən, qənnadı məmulatları istehsalının
texnoloji proseslərində və hazır məhsulların əldə edilməsində müəyyən aromatik
birləşmələrdən də istifadə edilir. Bu aromatik maddələrin sayəsində bir çox
qənnadı məhsullarının çeşidləri (karamel, marmelad, konfet içlikləri, saqqızlar,
spirtli və spirtsiz içkilər) hazırlanır. Aromatizatorların köməyi ilə bir çox
Dostları ilə paylaş: |