411
IV. Maddi vəziyyətindən asılı olmayaraq istedadlı şəxslərin təhsili davam
etdirməsinə dövlət zəmanət verir.
V. Dövlət minimum təhsil standartlarını müəyyən edir.
2009-cu il 19 iyun tarixli “Azərbaycan Respublikasının Təhsil haqqında Qanunu”
təhsil sisteminin ümumi əsaslarını müəyyən edir. Bu Qanuna əsasən Azərbaycan
Respublikasında təhsil dünyavi və fasiləsiz xarakter daşımaqla, vətəndaşların, cəmiyyətin
və dövlətin maraqlarını əks etdirən strateji əhəmiyyətli prioritet fəaliyyət sahəsidir.
Azərbaycan Respublikasında təhsil insan hüquqları haqqında beynəlxalq
konvensiyalara və Azərbaycan Respublikasının tərafdar çıçxdığı digər beynəlxalq
müqavilələrə əsaslanır, təhsil sahəsində milli-mənəvi və ümumbəşəri dəyərlərin prioritetliyi
ə
sasında dünya təhsil sisteminə inteqrasiya olunaraq inkişaf edir.
Təhsil qanunvericiliyinə daxildir: Azərbaycan Respublikasının Konstitusiyası,
Təhsil haqqında Qanun; təhsil sahəsinə aid olan digər normativ hüquqi aktlardan və
Azərbaycan Respublikasının tərəftar çıxdığı beynəlxalq müqavilələrdən ibarətdir.(mad.2.1)
Təhsil qanunvericiliyinin əsas məqsədi təhsil sahəsində vətəndaşların konstitusiya
hüququnun təmin edilməsindən və qorunmasından, icra strukturlarının, təhsilalanların və
təhsilverənlərin, fiziki və hüquqi şəxslərin hüquq və vəzifələrinin düzgün müəyyən
edilməsindən, onlar arasında münasibətlərin tənzimlənməsindən, təhsil sisteminin sərbəst
fəaliyyəti və inkişafı üçün hüquqi təminatların yaradılmasından ibarətdir. (mad.2.2)
Təhsil Qanunu Azərbaycan Respublikasının ərazisində olan bütün təhsil
müəssisələrinə, müvafiq orqan və təşkilatlara şamil edilir. Azərbaycanın təhsil sistemi
həmin Qanun əsasında fəaliyyət göstərir.
Təhsil qanunvericiliyini pozanlar qanunla müəyyən olunmuş qaydada məsuliyyət
daşıyırlar.
Təhsil qanunvericiliyinin vəzifələri aşağıdakılardır:
- təhsil sahəsində dövlət siyasəti prinsiplərinin müəyyən edilməsi;
- təhsil sisteminin sərbəst fəaliyyət göstərməsi və təhsilin inkişafı üçün hüquqi
təminat yaradılması;
- hüquqi şəxslər və təhsil subyektlərinin hüquq və vəzifələrinin, səlahiyyət və
məsuliyyətinin müəyyən olunması;
- vətəndaşların təhsil haqqında konstitusiya hüquqlarının təmin olunması və müdafiəsi.
Təhsil sahəsində dövlət siyasətinin əsas prinsipləri:
-humanistlik-milli və ümumbəşəri dəyərlərin, şəxsiyyətin azad inkişafının,insan
hüquqları və azadlıqlarının, sağlamlığın və təhlükəsizliyin, ətraf mühitə və insanlara qayğı
və hörmətin, tolerantlıq və dözümlülüyün prioritet kimi qəbul olunması;
-demokratiklik-təhsilalanların alanların azad düşüncə ruhunda tərbiyə edilməsi,
təhsilin dövlət- ictimai əsaslarla təşkilində və idarə edilməsində səlahiyyət və azadlıqların
genişləndirilməsi, təhsil müəssisələrinin muxtariyyətinin artırılması;
-bərabərlik- bütün vətəndaşların bərabər şərtlər əsasında təhsil almasına imkanlar
yaradılması və təhsil hüququnun təmin olunması;
-millilik və dünyəvilik-milli və ümumbəşəri dəyərlərin qorunması və onların
dialektik vəhdətinin təmin edilməsi əsasında dünyəvi təhsil sisteminin yaradılması və
inkişaf etdirilməsi;
-keyfiyyətlilik-təhsilin mövcud standartlara, normalara, sosial-iqtisadi tələblərə,
şə
xsiyyətin, cəmiyyətin və dövlətin maraqlarına uygunluğu;
412
-səmərəlilik-təhsilin və elmi yaradıcılığın daim inkişaf edən, faydalı və son nəticəyə
istiqamətlənən müasir metodlarla təşkili;
-fasiləsizlik, vəhdətlik, daimilik-mövcud təhsil standartları, tədris proqramları və
planları əsasında təhsilin bir neçə səviyyədə əldə edilməsi imkanı, təhsilin ayrı-ayrı
pillələri arasında sıx dialektik qarşılıqlı əlaqənin təmin olunması və onun insanın bütün
həyatı boyu ardıcıl davam etməsi;
-varislik-təhsil sahəsində əldə olunmuş bilik və təcrübənin ardıcıl olaraq növbəti
nəslə (dövrə) ötürülməsi;
-liberallaşma-təhsil sahəsinin və təhsil fəaliyyətinin açıqlığının genişləndirilməsi;
-
inteqrasiya-milli təhsil sisteminin dünya təhsil sisteminə səmərəli formada
qoşulması, uyğunlaşması və qovuşması əsasında inkişafı.
Tə
hsil hüququna dövlə
t tə
minatı:
1. Dövlət hər bir vətəndaşın təhsil alması üçün müvafiq şəraitin yaradılmasına
təminat verir vətəhsilin hər hansı pilləsindən, səviyyəsindən və formasından məhrum
edilməsinə yol vermir (mad.5.1);
2.Dövlət
cinsindən,
irqindən,
dilindən,
dinindən,
siyasi
ə
qidəsindən,
milliyyətindən, sosial vəziyyətindən, mənşəyindən, sağlamlıq imkanlarından asılı
olmayaraq, hər bir vətəndaşa təhsil almaq imkanı yaradılmasına və ayrı-seçkiliyə yol
verilməsinə təminat verir (mad.5.2);
Müəyyən peşələr və ixtisaslar üzrə hökumət tərəfindən yaş həddinə, habelə cinsə,
sağlamlığa, mühakimə olunmaya görə məhdudiyyətlər qoyula bilər.
3.Dövlət mülkiyyət formasından asılı olmayaraq, bütün təhsil müəssisələrinə işə
qəbulda, vəzifələrə təyin olunmada və ya seçilmədə, əməyin stimullaşdırılmasında, təhsil
müəssisələrinə qəbul olunma, təhsilalanların təqaüdlə təmin edilməsində, ixtisasların
seçilməsində, biliyin qiymətləndiril-məsində, məzunların işlə təmin edilməsində, təhsilin
növbəti pillədə davam etdirilməsində, ixtisasın artırılmasinda və təhsil sahəsində digər
məsələlərdə kişilər və qadınlar üçün bərabər imkanlar yaradılmasını təmin edir (mad.5.3);
4.Dövlət hər bir vətəndaşın icbari ümumi orta təhsil almaq hüququnu təmin edir.
Dövlət təhsil müəssisələrində hər bir təhsilalan pulsuz ümumi təhsil almaq hüququna
malikdir. Dövlət orta ixtisas təhsilində və ali təhsilin hər bir səviyyəsində qanunvericiliyə
uyğun olaraq təhsilalanların yalnız bir dəfə pulsuz təhsil almaq hüququnu təmin edir
(mad.5.4);
Həmin təhsil müəssisələrində əlavə pullu təhsil qrupları da yaradıla bilər.
5.Dövlət əmək bazarının tələblərinə uyğun olaraq təhsil müəssisələrinə ixtisaslı kadr
hazırlığı üçün dövlət sifarişləri verir və məzunların müvafiq işlə təmin olunmasına şərait
yaradır (mad.5.5);
6.Dövlət maddi vəziyyətindənasılı olmayaraq, istedadlı şəxslərin təhsilini davam
etdirilməsinə təminat verir, sosial müdafiəyə ehtiyacı olanların təhsil almasına şərait yaradır
(mad.5.6);
7.Dövlət milli təhsil ənənələrinin qorunmasına, inkişafına və innovasiyaların
tətbiqinə təminat verir (mad.5.7);
8.Dövlət xaricdə yaşayan azərbaycanlıların təhsili ilə bağlı xüsusi layihələr və
proqramlar həyata keçirir (mad.5.8).