67
göy yosun, bütün bu mühitin başının tacı olan füsunkar Göy göl
məhz şairin nəzərində yeni biçimlə cilvələnərək bədii obrazlar
kimi canlanmış, gözəlliyi saya gəlməyən gölün şəninə beləcə
axar-baxarlı misralara çevrilmişdir:
Kəsin eyş-nuşi, gələnlər, susun!
Dumandan yorğanı, döşəyi yosun
Bir yorğun pəri var, bir az uyusun,
Uyusun dağların maralı Göy göl!
Göy gölü görənlər yaxşı bilirlər ki, onun sahillərini qucmuş
saysız-hesabsız ağaclar içində ən ucaları şamlardır. Şair təxəyyü-
lü şamların beləcə boy atıb yüksəlməsini də ancaq gözəllik alə-
mində dərk olunan, yalnız gözəllik qanunları əsasında izah edilə
bilən çox incə bir rəmzlə bağlayır. Ə.Cavada görə şamlar zümrüd
gözlü Göy gölə vurulmuşlar .Lakin ətrafdakı digər ağacların şəlli-
yarpaqlı budaqları şamların sevgi və minnətdarlıq duyğusu ilə
gölün gözəlliklərinə baxmasına mane olur. Odur ki, şamlar sev-
gili gölü göz dolusu görmək üçün, başqa ağacların hamısından
fərqli olaraq, gərdən çəkib daha ucalara boy atmışlar!
Göy göl Ə.Cavad üçün sadəcə bir sututar, yaxud bir qədər
də geniş mənada coğrafi obyekt deyildi. Bu nadir təbiət hadisəsi-
ni şair doğma Gəncənin, bütün Azərbaycanın - Vətənin rəmzi ki-
mi tərənnüm etmişdi və bu rəmz, bu vətən obrazı onun şair təxəy-
yülündə əbədilik yer tutmuşdu. Adını çəkdiyi üçün qara-borana
düşdüyü Göy göl şair həbsxanada olanda da, çoxlu cəfalar çək-
diyinə baxmayaraq, onu tərk etməmişdi. Bu münasibətlə yada
salım ki, vətənin sevgili timsalında tərənnümü Ə.Cavadın lirikası
üçün yeganə hadisə deyildi. Sonrakı illərdə də onun əsərlərində
həmin obraza təsadüf edilir:
68
...Assınlar məni,
Kəssinlər məni,
Qoy türmələrə
Bassınlar məni!
Neynirəm könlü?
Neynirəm dili?
Səndən yazmasam
Neynirəm əli?
Nəsən, kimsən sən?
Nisgilimsən sən.
Qoy açıq deyim:
Sevgilimsən sən!
Ə.Cavadın yeni mövzularda işini, çəkdiyi yaradıcılıq əzab-
larını oğlu Niyazi Axundzadə belə xatırlayır: “Çox vaxt ürəyində
pöhrələnən mövzulardan, hiss və duyğulardan qaçmaq məcburiy-
yətində qalırdı, istəyirdi ki, dövrün tələblərinə cavab verən bir şey
yazsın, bu da onu yolundan sapdırır, çaşdırır, zorla, güclə nəsə
yazır, “Kür” şeri kimi yenə atəşə tutulurdu. Həvəslə, ilhamla yaza
biləcəklərini isə sonraya saxlayırdı. Beləliklə gör nə qədər şer, nə
qədər əsər eləcə qəlbində qaldı, üzə çıxmadı. Təəssüf, yenə təəs-
süf!” (“Sən ağlama, mən ağlaram” səh. 200). Bu dərin təəssüfə
biz də qoşulur və güman edirik ki, oğlunun bu sözləri Ə.Cavadın
sovet dövründə yazdığı bəzi əsərləri düzgün qavrayıb obyektiv
qiymətləndirməyə kömək edir.
20-30-cu illərdəki bir sıra əsərlərində də Ə.Cavad bir lirik
kimi öz əsas mövzularına, yazı tərzinə, üslubuna sadiqdir. O, ye-
nə də məhəbbəti, gözəlliyi, Azərbaycanın təbiətini tərənnüm edir,
hicran yanğısından, nakam sevgidən, arzu və istəklərinin mühitin
69
sərt daşlarına dəyib parçalanmasından acı-acı şikayətlənir. “Pəri-
zadə”, “Unudulmuş sevda”, “Sən ağlama”, “Nə yazım?”, “Gözəl
qadın”, “Aya”, “Madonnaya”, “Maxmurova üçün”, nəhayət yu-
xarıda barəsində bir qədər müfəssəl bəhs olunmuş “Göy göl” şer-
ləri bu qəbildəndir. Bu əsərlər ilk növbədə dərin səmimiyyəti, ifa-
də tərzi, şeriyyətilə fərqlənir:
Mən deyən yox, fələk deyən oldusa,
Əsdi yellər, gül yanağın soldusa,
Dərd əlindən ala gözlər doldusa,
Sən ağlama, mən ağlaram, gözəlim!
Ə.Cavadın 20-ci illərin əvvəllərinə aid əsərlərinin bir qismi
onun Quba qəzasında, Qusarın Xuluq kəndində müəllimlik çağı-
nın məhsuludur. Bilavasitə qoynunda sakin olduğu ellərdən, kənd
müəlliminin məişət qayğılarından, əlbəttə, məhəbbətdən yazmaq-
la yanaşı şair ucqar bir Azərbaycan kəndindən imkan taparaq
dünya miqyasında baş verən hadisələrə də münasibətini bildirirdi.
Onun qəlbi Xuluqdan çox-çox uzaqlarda türk övladlarının başına
gələn faciələrdən qövr edir, qələmindən “Volqa aclarına”, “Və-
təndaş”, “Nə üçündür?” kimi vətəndaş ruhlu, insanpərvər amallı
şerlər çıxırdı.
Nizami muzeyində qorunan bu şerlərin birincisində “İdil
boylarında”, yəni Volqa çayının sahillərində böyük bir fəlakət baş
verdiyi, insanların acından kütləvi surətdə qırıldığı haqqında
həyəcan təbili vurulur. Şerdən göründüyü kimi, burada artıq ölən
ölmüş, qalan qadınların acından döşləri qurumuş, kişilərin qolları
gücsüzlükdən yanlarına düşmüşdür. Hər yanda:
Beşiklər nəşəsiz, qucaqlar boşdur,
Biçarə annələr candan olmuşdur.
70
İkinci şerdə isə şair öz həmvətənlərinin insanlıq duyğuları-
na müraciət edərək onları, zərərdidə qardaş və bacılarının halına
acımağa, dərdinə qalmağa, acları fəlakətdən qurtarmaq üçün əmə-
li işə, fəaliyyətə, ellikcə köməyə çağırır:
Kim yardım etməzsə öz qardaşına,
Fəlakət qayğısı çökər başına.
...Sənin də borcun var, sən də insansın,
Sənin də qəlbində bir alov yansın,
Çünki İdil boyu nə var, sənindir,
O ac qalan qırğız, tatar sənindir.
...Vətəndaş, şərik ol onun dərdinə,
O göz yaşları ki, axar, sənindir.
Bütün günü, dediyim kimi, məktəbin ehtiyacları, şagirdlə-
rinin, öz evinin qayğıları ilə çalışan Ə.Cavad hərdən şair xəyalı-
nın şahpərində yüksəlir, yaşadığı mühit də buraya daxil olmaqla
bütün dünyanın, bəşəriyyətin taleyini düşünür. Şair son on ildə
yaşadığı, şahidi olduğu insan faciələrinə xitam verilməsini, həm-
vətənlərinin müharibələrdən, o cümlədən də inqilablardan uzaq,
dinc, asudə və azad yaşamalarını arzulayır. “Nə üçündür?” şe-
rində olduğu kimi:
Mən, doğrusu, daim gülmək istərəm,
Nə öldürmək, nə də ölmək istərəm.
Artıq yetər yer üzündə axan qan,
Yetər artıq bu göz yaşı, bu hicran!..
Mən istərəm yaşıllıqlar solmasın,
Sevdaların sonu hicran olmasın.
Qurumasın gözəl üzdə tər danə,
Nə ağlasın bülbül, nə də pərvanə...