Samfélag, atvinnulíf og íbúaþróun í byggðarlögum með langvarandi fólksfækkun
76
Verslun og þjónusta
Á Hvammstanga er verslun, byggingavörudeild o.fl. á vegum kaupfélagsins og þjónustustig er
þokkalegt. Verslun á Hvammstanga stendur ágætlega varðandi matvöru, byggingarvöru og
vefnaðarvöru. Verslunin Hlín selur gjafavöru o.fl. og svo er rekin verslun tengd prjónastofunni og
söluskáli. Ekki er verslun á Laugarbakka. Verslun og þjónusta er meira sótt suður en austur á við. Það
skiptir um milli austur- og vestur Húnavatnssýslu, íbúar Blönduóss sækja t.d. þjónustu til Skagafjarðar
og Akureyrar. Engin verslun er lengur á Borðeyri. Ekki er hefð fyrir að sækja þjónustu í Búðardal þótt
þangað sé ekki langt. Malarvegur yfir Laxárdalsheiði kann að spila þar inn í.
Menntun
Í Húnaþingi vestra er einn grunnskóli en þrjár deildir, eða kennslustaðir. Á Hvammstanga er 1.-4.
bekkur, en 5.-10. bekkur á Laugarbakka. Á Borðeyri eru nemendur 1.-7. bekkja. Tölur um fjölda
nemenda miðast við skólaárið 2010-2011. Eftirfarandi kom m.a. fram á fundunum:
-
Nemendur grunnskólans eru um 170 og hefur fjölgað og eins í leikskóla. Skólinn á Borðeyri er
fyrir 1.-7. bekk og voru 12 börn þar. Átta nemendur úr Bæjarhreppi voru í 8.-10. bekk á
Laugarbakka haustið 2010 og foreldrar skiptust á að keyra þau. Í Húnaþingi vestra er flókið
net skólaaksturs með einar 10 leiðir. Lengsti akstur aðra leið er um 65-70 km í fyrrum
Bæjarhreppi.
-
Leikskóli er á Hvammstanga. Nýbúið að byggja við leikskólann og eru rúmlega 70 börn. Sjö
börn eru í dagvistun sem er í skólahúsinu á Borðeyri. Engar dagmæður starfa í
sveitarfélaginu. Akstursstyrkir eru greiddir til foreldra úr dreifbýli.
-
Húnaþing vestra á aðild að FNV (Fjölbrautaskóla Norðurlands vestra) og unglingar hafa sótt
skóla þangað, en einnig til Akureyrar og víðar. Áhugi er fyrir því að fá framhaldsskóladeild
fyrir fyrstu tvö skólaárin sem útibú frá FNV og verið er að undirbúa það sem hluta að
sóknaráætlun landshluta. Húsnæði og búnaður er til staðar. Þetta er mál sem snertir
byggðaþróun, fólk fer með börnunum og það er dýrt að senda krakkana burt.
Menning
Í Húnaþingi vestra er gott framboð menningarstarfs og viðburða. T.d. kórastarf, unglistahátíð síðustu
helgi í júlí, prjónaklúbburinn Langafit, sviðamessa í október, fjöruhlaðborð á vorin. Þessir viðburðir
eru vel sóttir. Þorrablót er haldið í fyrrum Bæjarhreppi, svo er þar búnaðarfélag, ungmennafélag og
kvenfélag. Íbúar svæðisins sækja talsvert til höfuðborgarinnar, enda samgöngur þangað greiðar.
Sameining, samstarf
Fyrir sameiningu sóttu íbúar Bæjarhrepps mikið þjónustu í Húnaþing vestra. Víðtækt samstarf var
fyrir hendi og Bæjarhreppur keypti margvíslega þjónustu af Húnaþingi vestra. Bæjarhreppur var líka
kominn inn í samstarf SSNV, í stað Fjórðungssambands Vestfjarða. Börn úr efri bekkjum grunnskóla
sóttu skóla í Húnaþingi vestra. Það var samstarf um íbúðir fyrir aldraða, um skóla og félagsmál.
Stoðkerfi, byggðastefna
Ábendingar til ríkisvaldsins:
Mikið var fjallað um sparisjóðsmálið svokallaða á fundunum. Forsaga þess var sú að sparisjóðir
Bæjarþings, Húnaþings og Stranda sameinuðust 1998 og sá sparisjóður sameinaðist Sparisjóði
Keflavíkur árið 2007. Stofnfé var aukið í tveimur áföngum, úr 19 mkr. í 1,9 milljarð. Um 200
stofnfjáreigendur, þar af um 140 í Húnaþingi vestra og Bæjarhreppi tóku þátt í þessu og tóku lán fyrir
aukningunni. Af þessu höfðu margir þungar áhyggjur og ástandið hafði mikil áhrif á íbúana, enda
beinlínis fjárhagsleg ógnun við marga á svæðinu. Í desember 2011 urðu þau tíðindi að Landsbankinn
Samfélag, atvinnulíf og íbúaþróun í byggðarlögum með langvarandi fólksfækkun
77
felldi niður hluta þessara skulda og staðan því breytt. Þetta mál var mikið rætt á fundunum og er í
raun ekki alveg til lykta leitt og því eðlilegt að gera grein fyrir því hér. Þessi atriði voru rædd:
-
Á Norðurlandi vestra eru hlutfallslega mörg opinber störf, þótt þeim hafi reyndar fækkað
þvert á loforð. Með flutningi Fæðingarorlofssjóðs til Hvammstanga flutti menntað fólk heim
aftur. Slíkar aðgerðir skila árangri, t.d. hækkar menntunarstig.
-
Það átti að standa vörð um lánastofnun í héraði sem hefði skilning á þörfum í héraði. Menn
voru nánast skyldugir til þess að hjálpa, en auðvitað var líka gróðahyggja. Jafnvel vanskilafólk
fékk að kaupa fyrir tugi milljóna. Bréfið var trygging
sem fólk taldi ekki það sama og veð. En
þetta var allsherjar sjálfskuldaábyrgð. Menn héldu að sparisjóðurinn væri skyldugur til að
kaupa bréfin aftur, menn þyrftu í mesta lagi að borga einhverja vexti. Þannig var málið sett
upp. Fólk hafði engar forsendur til að skilja þetta. Nokkrir aðilar hefðu beinlínis orðið
gjaldþrota ef gengið hefði verið að þeim. Það var mikil óvissa.
-
Skattlagning á olíu er eitt stærsta vandamálið og mun stærra en kyndingarkostnaður.
Flutningskostnaður er mjög stór liður, t.d. fyrir fyrirtækin. Olíugjald er landsbyggðaskattur.
Innbyggður kostnaður fyrir landsbyggðina, fyrirtækin þurfa þá að borga lægri laun ef þau eiga
að hafa svipaða afkomu og fyrir sunnan.
Stoðkerfið:
Höfuðstöðvar SSNV eru á Hvammstanga, en starfsstöðvar atvinnuráðgjafar eru víðar á Norðurlandi
vestra. Þessi atriði komu fram á fundunum (og eiga við svæðið allt):
-
Þjónusta atvinnuráðgjafarinnar er þó nokkuð notuð á svæðinu. Atvinnuráðgjafarnir hafa
gjarnan samband við fyrirtækin af fyrra bragði, benda þeim á tækifæri og þvílíkt. Konur sækja
þjónustu SSNV ekki síður en karlar.
-
Á Skagaströnd var atvinnuráðgjafi á vegum sveitarfélagsins og líka í Húnaþingi vestra og
Skagafirði. Auk þess er Nýsköpunarmiðstöð með starfsstöð á Sauðárkróki. Fólk veit ekki hvert
það á að leita, þetta fyrirkomulag er of flókið. Það væri skynsamlegt að vera með one-stop-
shop , einn stað þangað sem þeir sem ætla að starta fyrirtæki geta leitað.
-
SSNV er tilbúið að koma að endurskipulagningu stoðkerfisins. Viðkomandi aðilar, þ.e.
Byggðastofnun, SSNV, Nýsköpunarmiðstöð o.fl. gætu búið til sameiginlega aðgerðaáætlun.
Stuðningskerfi bænda þarf líka að vera með. Mynda mætti sameiginlegan vettvang,
tilraunaverkefni, stilla saman strengi allra aðila. Oft verið að gera sömu hlutina án þess að
menn tali saman. Fámennir stýrihópar í verkefnum og stofnanir leiði til skiptis. t.d. SSNV leiði
eitt, Impra annað o.s.frv. Þetta verður rætt við gerð landshlutaáætlunar.
Tækifæri til eflingar
Á fundunum komu fram eftirtaldar hugmyndir:
Það mætti fylgjast með Starfatorgi.is. Mörg störf gætu verið utan Reykjavíkur og það mætti
bjóðast til að vista þau. Störf án staðsetningar . Það mætti t.d. vista störf sem snerta
menntamál, það er engin ástæða til að staðsetja þau í Reykjavík ef um er að ræða störf á
landsvísu. Þessi hugmynd er í raun fyrir allt svæðið og þess vegna þótt víðar væri leitað.