55
olunan effektiv ekvivalent dozaları toplamaq lazımdır. Kollektiv effektiv ekvivalent
doza insan∙Zv ‐lərlə ölçülür.
Fərz edək ki, N sayda insan doza gücü P və P+dP intervalında dəyişən
şüalanma sahəsində yerləşmişlər. Onda kollektiv doza gücünü
0
)
(
dP
P
PN
P
S
kimi müəyyən etmək olar.
Əgər bu zaman doza gücünün
2
1
t
t
intervalında zamandan asılılığı
məlumdursa, onda sonuncu ifadəni inteqrallamaqla, kollektiv dozanı tapmış olarıq:
2
1
)
(
t
t
S
dt
t
P
D
Qeyd edək ki, kollektiv doza anlayışı verilmiş populyasiyanın şüalanmasının
gələcəkdə gözlənilən zərərinin qiymətləndirilməsinə imkan verir
Gözlənilən kollektiv effektiv ekvivalent doza. Bu parametrin qəbul olunmasına
səbəb bəzi radionuklidlərin çox kiçik sürətlə parçalanması və buna görə də uzaq
gələcəkdə sonrakı nəsillərdə də radioaktiv qalmalarıdır.
Hər hansı radioaktiv elementin bütün mövcudluğu müddətində sonrakı
nəsillərdə insanların ondan ala biləcəyi kollektiv effektiv ekvivalent dozanı gözlənilən
kollektiv effektiv ekvivalent doza adlandırırlar.
3.2. Ümumi radiobioloji anlayışların qısa xülasəsi
1. Fəsil I ‐ də qeyd etdiyimiz kimi, hər hansı qeyri‐stabil nüvədən 2 proton və 2
neytron ayrılması α‐şüalanma, elektron ayrılması β‐şüalanma, onların daşıdığı enerji
isə, uyğun olaraq, α‐ və β‐ şüalanma enerjiləri adlanır. Bu zaman bəzi hallarda qeyri‐
stabil nuklid o dərəcədə həyəcanlanmış olur ki, hətta hər hansı zərrəcik şüalandırması
belə onu həyəcandan tam azad edə bilmir. Belə hallarda nüvə γ ‐şüalanma adlanan
təmiz enerji şüalandırmaqla, həyacanlanma enerjisindən tamamilə azad olur. Rentgen
şüalanmasında olduğu kimi, bu halda da şüalanma korpuskulyar zərrəciyin ayrılmasına
səbəb olmur.
2. Müxtəlif şüalanma növləri müxtəlif enerjiyə və müxtəlif nüfuzetmə
qabiliyyətinə malik olduqları üçün onlar toxumalara eyni cür təsir etmirlər. Məsələn,
adi kağız vərəqini keçə bilməyən ağır zərrəciklər seli olan α ‐ şüalar dərinin üst, ölmüş
hüceyrələrdən ibarət təbəqəsinə belə nüfuz edə bilmir. Bu səbəbdən də α‐şüalar, açıq
yara yerindən, nəfəs və qida yolları vasitəsilə daxilolma hallarını çıxmaq şərti ilə
orqanizm üçün heç bir təhlükə yaratmır. Qeyd edək ki, orqanizmə daxil olmuş α‐
zərrəciklər işə həddən artıq təhlükəli olur. β ‐ şüalanma, α ‐ şüalanma ilə müqayisədə,
nisbətən yüksək nüfuz etmə qabiliyyətinə malikdir. Onlar canlı orqanizmin ayrı‐ayrı
toxumalarına 1‐2 sm ‐ ə qədər nüfuz edə bilir. γ ‐şüalar ifrat yüksək nüfuzetmə
qabiliyyətlinə malik olan şüalardır. Onlar yalnız qalın divarlı qurğuşun və ya beton
lövhələri keçə bilmir.
3. Aydındır ki, şüalanmanın canlı orqanizmdə yaratdığı “zədələnmələr”
56
toxumalara verilən enerji çox olan hallarda daha böyük olur. Orqanizmin bu halda
qəbul etdiyi enerji “doza” adlanır. Qeyd edək ki, bu gün “doza” termininin ümumi
qəbul olunmuş termin olmasına baxmayaraq, bir çox alimlər bu terminin seçilməsini
uğurlu seçim hesab etmirdilər. Belə ki, qədimdən “doza” terminindən dərman
preparatlarının elə miqdarı (dozası) üçün istifadə edilmişdir ki, o, orqanizmə zərər
vermədən ona yalnız xeyir verir. Əsasən zərərindən danışılan radiasiya şüalanması
üçün isə, aydındır ki, bunu demək olmaz.
4. Orqanizm şüalanma dozasını kənarda yerləşmiş və ya hansısa yolla
orqanizmə daxil olmuş istənilən radionukliddən ala bilər. Şüalanma dozası eyni bir
udulma dozasında α‐şüalanmanın, β‐ və γ ‐şüalanmalarla müqayisədə, daha çox
təhlükəli olduğunu nəzərə almır. Bu faktı nəzərə almaq üçün udulma dozasını verilmiş
növ şüalanmanın toxumaları “zədələmək” qabiliyyətini özündə əks etdirən
təhlükəlilik əmsala vurmaq lazımdır. Bu üsulla hesablanmış dozanı ekvivalent doza
adlandırırlar.
5. Nəzərə almaq lazımdır ki, bədənin bir hissəsi (orqanları, toxumaları) digər
hissəsinə nəzərən şüalanmaya daha həssas olur. Buna görə də ayrı‐ayrı orqan və
toxumaların udulma dozası hesablanarkən alınmış rəqəmlər uyğun “çəki” əmsallarına
vurulmalıdır. Ekvivalent dozaları uyğun “çəki” əmsallara vurub, alınmış rəqəmləri
bütün orqan və toxumalar üzrə cəmləməklə, şüalanmanın bütöv orqanizmə ümumi
təsirini özündə əks etdirən effektiv ekvivalent dozanı alarıq.
6. Effektiv ekvivalent doza ayrı‐ayrı fərdlərin aldığı dozanı əks etdirir. Fərdi
effektiv ekvivalent dozaları toplamaqla isə, bir qrup insanların birgə aldığı kollektiv
effektiv ekvivalent dozanı müəyyənləşdirmiş oluruq.
7. Bir çox radionuklidlər çox ləng parçalandıqları üçün onlar, uzun müddət
radioaktiv olaraq, qalırlar və bu halda onların sonrakı nəsillərdə yaratdığı dozadan
söhbət açmaq olar. Adı çəkilən parametr gözlənilən kollektiv effektiv ekvivalent doza
adlanır.
İndi də radiasiya dozimetriyasında daha çox istifadə olunan bəzi olçü vahidləri
arasında mümkün əlaqə ilə tanış olaq.
Radioaktiv şüalanmaya aid vahidlər və onlar arasında mümkün əlaqə
cədvəl 3.3‐də öz əksini tapmışdır.
3.3. Şüalanmanın yolverilən doza həddi və radiasiyanın gücü
İnsanlar mövcud olduğu bütün dövrlərdə təbii radiasiya mənbələrinin
yaratdığı şüalanmanın təsirinə məruz qalır. Adətən radiasiyanın zərərli təsirindən
danışıldığı halda, bu gün kiçik dozalı radiasiyanın canlı orqanizmlərə stimullaşdırıcı
təsir edə bilməsindən də söhbət gedir. Bu baxımdan, fərdi yolverilən doza həddi
(FYDH) anlayışının daxil edilməsi zərurəti yaranıb ki, onu da ayrı‐ayrı radionuklidlərin
insan orqanizmində toplanmasına dair rəqəmlər əsasında asanlıqla hesablamaq
mümkündür.
Dostları ilə paylaş: |