90
Li J əsasında işləyən bu tip sayğacların çatışmayan cəhəti onların γ ‐
şüalanmaya da həssas olması və LiJ kristallarının hiqroskopik
olmasıdır.
Qeyd edək ki, kiçik sürətli və istilik neytronlarını qeydə almaq üçün istifadə
olunan bölücü kamera adi ionlaşdırıcı kameradır. Sadəcə olaraq, bu kameranın
elektrodları üzərinə
235
92
U
izotopu ilə zənginləşdirilmiş uran tərkibli maddədən nazik
təbəqə çəkilmişdir. Kamerada sürəti azalmış neytronlar
235
92
U
izotopunun
parçalanmasını həyata keçirir. Daha dəqiq desək, kiçik sürətli neytronları tutan
235
92
U
izotopu müxtəlif kütləli iki qəlpəyə parçalanır. Bu zaman ən ehtimallı bölünmə
nəticəsində kütlə ədədləri A=95 və A=139 olan qəlpələr yaranır (Z
1
=38, W
1
=99 MeV;
Z
2
=54, W
2
=67 MeV
). Yaranmış qəlpələrin ionlaşdırma qabiliyyəti isə, α ‐ zərrəciklər
və elektronlarla müqayisədə, əhəmiyyətli dərəcədə yüksək olur. Buna görə də,
detektorun çıxışında impulsların amplitudu o qədər böyük olur ki, bu da, onları çox
etibarlı şəkildə qeydə almağa imkan verir.
Bölücü kameranın üstün cəhəti, hətta intensiv β ‐, γ ‐ şüalanma fonu
şəraitində, neytronları qeydə almaq qabiliyyətinin olmasıdır.
4.5.3. Sürətli neytronlar sayğacı. Sürətli neytronları qeydə almaq üçün proton
təpməsi hadisəsindən istifadə edilir. Bu hadisənin əsasında toqquşma nəticəsində
neytronun enerjisinin protona verilməsi durur. Bu səbəbdən də, protonun enerjisini və
impulsunu bilməklə, neytronun olması və onun enerjisi haqqında qərar vermək olur.
Təpmə protonları qeydə almaq üçün isə ionlaşdırıcı kameradan və ya proporsional
sayğaclardan istifadə edilir.
Aydındır ki, bu üsuldan o zaman istifadə etmək olar ki, detektor hidrogen
tərkibli maddəyə malik olsun. Məsələn, proporsional sayğaclardan neytronları qeydə
almaq üçün istifadə edəndə sayğac hidrogenlə doldurulur.
Yavaş neytronları qeydə almaq nisbətən asan olduğundan, bəzi hallarda sürətli
neytronları qeydə almaq üçün də yavaş neytronlar detektorundan istifadə olunur,
lakin bu halda detektor sürətli neytronları yavaşıdan maddə ilə örtülür.
4.6. Radiasiya nəzarəti cihazları
Radiasiya təhlükəsizliyi sahəsində istifadə olunan cihazları bir çox əlamətlərinə
əsasən siniflərə ayırmaq olur. Məlum olduğu kimi, radionuklidlərdən xalq
təsərrüfatının, demək olar ki, bütün sahələrində müxtəlif məqsədlər üçün istifadə
edilir. Bu səbəbdən də, müxtəlif təyinatlı radiasiya nəzarəti cihazları (indikatorlar,
rentgenmetrlər, radiometrlər, dozimetrlər, spektrometrlər və ionlaşdırıcı şüalanmanı
ölçən kombinasion cihazlar) yaradılmışdır.
4.6.1. İndikatorlar. İndikatorlardan, sadə radiasiya kəşfiyyatı xarakterli
cihazlar olaraq, əsasən γ ‐ və β ‐ şüalanmaları qeydə almaq üçün istifadə edilir. Bu
cihazlar səs siqnalı ilə təchiz olunmuşlar və onlarda datçik rolunu Heyger ‐ Müller
qazboşalması sayğacı oynayır. Bu qəbildən olan cihazlara DP ‐ 63, DP ‐ 63A, DP ‐ 64
tipli indikatorlar aiddirlər.
Daha geniş istifadə olunan DP – 64 tipli indikator ‐ siqnalizatordan ərazinin
91
radioaktiv çirklənməsinin daimi manitorinqini aparmaq üçün istifadə edilir. Cihaz
izləmə rejimində işləıyir və ərazidə şüalanma dozasının gücü 0.2 R/saat ‐ a çatan anda
səs və işıq siqnalları yaradır. Datçiklərdə ionlaşdırıcı şüalanma detektoru rolunu STS‐5
tipli qazboşalması sayğacı oynayır.
4.6.2. Rentgenmetrlər. Rentgenmetrlərdən rentgen və γ ‐ şüalanma dozasının
gücünü ölçmək üçün istifadə edilir. Bu cihazlarda datçik rolunu ionlaşdırıcı kamera və
ya qazboşalması sayğacı oynayır.
Rentgenmetrlərə misal olaraq, “Kaktus”, DP ‐ 2, DP ‐ 3, DP ‐ 3B, DP ‐ 5A, DP ‐
5B kimi cihazları göstərmək olar. Bunların bir neçəsi ilə qısa tanış olaq.
DP ‐ 3 tipli rentgenmetrdən radiasiya kəşfiyyatı aparan zaman ərazinin
şüalanma dozasını ölçmək üçün istifadə edilir. Cihazın ölçmə diapazonu 0.1 –
500 R/saat intervalında dəyişir.
PMRR ‐ 1 tipli əldəgəzdirilən (portativ) mikro rentgenmetrlərdən səhiyyə
təşkilatlarında istifadə edilir. Bu cihazın ölçmə diapazonu 0 ‐ dan 18 R/saat ‐ a
qədərdir.
RP ‐ 1 tipli əldəgəzdirilən rentgenmetrdən klinik şəraitlərdə rentgen və γ ‐
şüalanmanın doza gücünü ölçmək, həmçinin də dozimetrik cihazları yoxlamaq üçün
istifadə edilir. Cihazın ölçmə diapazonu 0.1 ‐ 36 R/saat intervalında dəyişir.
“Kaktus” tipli stasionar rentgenmetrdən səhiyyə təşkilatlarında γ ‐şüalanmanın
doza gücünü ölçmək üçün istifadə edilir. Cihazın ölçmə diapazonu 0 ‐ 72 R/saat ‐ a
bərabərdir.
4.6.3. Dozimetrlər. Məlum olduğu kimi, dozmetriyada istifadə olunan
cihazları dozimetrlərə və radiometrlərə bölürlər.
Dozimetrlərdən ionlaşdırıcı şüalanmanın ekspozisiya, udulma, ekvivalent
dozalarını və udulma dozasının gücünü ölçmək üçün istifadə edilir. Dozimetrik cihaz
olaraq, ən çox ssintilyasiya tipli sayğaclardan istifadə olunur ki, bunlarda da şüalanma
dozası fotogücləndiricidə yaranan cərəyanın əsasında müəyyənləşdirilir.
Fərdi dozimetrlər – kiçik ölçülü ionlaşma kameraları və ya foto lövhəsi olan
fotokassetlərdir. Demək olar ki, bütün müasir dozimetrik cihazlar ionlaşma prinsipi
əsasında işləyir və onlarda datçik rolunu ionlaşma kamerası, qazboşalması və ya
ssintilyasiya sayğacları oynayır. Şüalanmanın növündən asılı olaraq, bu tip cihazları γ ‐
şüalanmanı, β ‐ və α ‐ zərrəcikləri, neytronlar selini ölçməsinə görə müxtəlif növlərə
ayırırlar.
Daha geniş istifadə edilən SRP ‐ 88 (Rusiya) və MKS ‐ AT 1125 A (Belarusiya,
Atomtex) tipli dozimetr ‐ radiometrlərinin iş prinsipi ilə tanış olaq. Bu cihazların
xarici görünüşləri şəkil 4.14 və şəkil 4.15 ‐ də təsvir edilmişdir.
SRP ‐ 88 tipli ssintilyasiya dozimetrində detektor rolunu 30 x 25 (d x h) ölçülü
NaJ kristalı oynayır və dozimetr ±10 % xəta ilə 8 saat fasiləsiz iş rejimində qamma ‐
şüalanma seli üçün 10‐30000 san
‐1
diapazonunda ölçmə işləri aparmağa imkan verir
(ölçmə diapazonuna uyğun rəqəm detektora 1 san ‐də düşən impulsların sayını
göstərir ).
Cihaz ekspozisiya dozasının gücünə görə 0 ‐ 9000 mkR/saat ölçmə
Dostları ilə paylaş: |